\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{2}##
##\begin{center}##
\section{araNyakaaNDa}
##\end{center}##
\medskip
 29
bhittvA tu tA.n gadAM bANai rAghavo dharmavatsalaH . 
smayamAnaH khara.n vAkyaM sa.nrabdhamidamabravIt .. 1..\\
etatte balasarvasva.n darshita.n rAkShasAdhama . 
shaktihInataro matto vR^ithA tvamupagarjitam .. 2..\\
eShA bANavinirbhinnA gadA bhUmitala.n gatA . 
abhidhAnapragalbhasya tava pratyayaghAtinI .. 3..\\
yattvayokta.n vinaShTAnAmidamashrupramArjanam . 
rAkShasAnA.n karomIti mithyA tadapi te vachaH .. 4..\\
nIchasya kShudrashIlasya mithyAvR^ittasya rakShasaH . 
prANAnapahariShyAmi garutmAnamR^ita.n yathA .. 5..\\
adya te bhinnakaNThasya phenabudbudabhUShitam . 
vidAritasya madbANairmahI pAsyati shoNitam .. 6..\\
pA.nsurUShitasarvA~NgaH srastanyastabhujadvayaH . 
svapsyase gA.n samAshliShya durlabhAM pramadAm iva .. 7..\\
pravR^iddhanidre shayite tvayi rAkShasapA.nsane . 
bhaviShyantyasharaNyAnA.n sharaNyA daNDakA ime .. 8..\\
janasthAne hatasthAne tava rAkShasamachchharaiH . 
nirbhayA vichariShyanti sarvato munayo vane .. 9..\\
adya viprasariShyanti rAkShasyo hatabAndhavAH . 
bAShpArdravadanA dInA bhayAdanyabhayAvahAH .. 10..\\
adya shokarasaGYAstA bhaviShyanti nishAchara . 
anurUpakulAH patnyo yAsA.n tvaM patirIdR^ishaH .. 11..\\
nR^isha.nsashIla kShudrAtmannityaM brAhmaNakaNTaka . 
tvatkR^ite sha~Nkitairagnau munibhiH pAtyate haviH .. 12..\\
tamevamabhisa.nrabdhaM bruvANa.n rAghavaM raNe . 
kharo nirbhartsayAmAsa roShAtkharatara svanaH .. 13..\\
dR^iDha.n khalvavalipto.asi bhayeShvapi cha nirbhayaH . 
vAchyAvAchya.n tato hi tvaM mR^ityuvashyo na budhyase .. 14..\\
kAlapAshaparikShiptA bhavanti puruShA hi ye . 
kAryAkAryaM na jAnanti te nirastaShaDindriyAH .. 15..\\
evamuktvA tato rAma.n sa.nrudhya bhR^ikuTi.n tataH . 
sa dadarsha mahAsAlamavidUre nishAcharaH .. 16..\\
raNe praharaNasyArthe sarvato hyavalokayan . 
sa tamutpATayAmAsa sandR^ishya dashanachchhadam .. 17..\\
ta.n samutkShipya bAhubhyAM vinarditvA mahAbalaH . 
rAmamuddishya chikShepa hatastvamiti chAbravIt .. 18..\\
tamApatantaM bANaughaishchhittvA rAmaH pratApavAn . 
roShamAhArayattIvraM nihantu.n samare kharam .. 19..\\
jAtasvedastato rAmo roShAdraktAntalochanaH . 
nirbibheda sahasreNa bANAnA.n samare kharam .. 20..\\
tasya bANAntarAdraktaM bahu susrAva phenilam . 
gireH prasravaNasyeva toyadhArAparisravaH .. 21..\\
vihvalaH sa kR^ito bANaiH kharo rAmeNa sa.nyuge . 
matto rudhiragandhena tamevAbhyadravaddrutam .. 22..\\
tamApatanta.n sa.nrabdha.n kR^itAstro rudhirAplutam . 
apasarpatpratipada.n kiM chittvaritavikramaH .. 23..\\
tataH pAvakasa~NkAshaM badhAya samare sharam . 
kharasya rAmo jagrAha brahmadaNDamivAparam .. 24..\\
sa taddattaM maghavatA surarAjena dhImatA . 
sandadhe cha sa dharmAtmA mumocha cha kharaM prati .. 25..\\
sa vimukto mahAbANo nirghAtasamaniHsvanaH . 
rAmeNa dhanurudyamya kharasyorasi chApatat .. 26..\\
sa papAta kharo bhUmau dahyamAnaH sharAgninA . 
rudreNaiva vinirdagdhaH shvetAraNye yathAndhakaH .. 27..\\
sa vR^itra iva vajreNa phenena namuchiryathAa . 
balo vendrAshanihato nipapAta hataH kharaH .. 28..\\
tato rAjarShayaH sarve sa~NgatAH paramarShayaH . 
sabhAjya muditA rAmamida.n vachanamabruvan .. 29..\\
etadarthaM mahAtejA mahendraH pAkashAsanaH . 
sharabha~NgAshramaM puNyamAjagAma purandaraH .. 30..\\
AnItastvamima.n deshamupAyena maharShibhiH . 
eShA.n vadhArtha.n krUrANAM rakShasAM pApakarmaNAm .. 31..\\
tadidaM naH kR^ita.n kAryaM tvayA dasharathAtmaja . 
sukha.n dharmaM chariShyanti daNDakeShu maharShayaH .. 32..\\
etasminnantare vIro lakShmaNaH saha sItayA . 
giridurgAdviniShkramya sa.nviveshAshrama.n sukhI .. 33..\\
tato rAmastu vijayI pUjyamAno maharShibhiH . 
praviveshAshrama.n vIro lakShmaNenAbhivAditaH .. 34..\\
ta.n dR^iShTvA shatruhantAraM maharShINA.n sukhAvaham . 
babhUva hR^iShTA vaidehI bhartAraM pariShasvaje .. 35..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}