\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{2}##
##\begin{center}##
\section{araNyakaaNDa}
##\end{center}##
\medskip
 3
athovAcha punarvAkya.n virAdhaH pUrayanvanam . 
AtmAnaM pR^ichchhate brUta.n kau yuvAM kva gamiShyathaH .. 1..\\
tamuvAcha tato rAmo rAkShasa.n jvalitAnanam . 
pR^ichchhanta.n sumahAtejA ikShvAkukulamAtmanaH .. 2..\\
kShatriyo vR^ittasampannau viddhi nau vanagocharau . 
tvA.n tu veditumichchhAvaH kastvaM charasi daNDakAn .. 3..\\
tamuvAcha virAdhastu rAma.n satyaparAkramam . 
hanta vakShyAmi te rAjannibodha mama rAghava .. 4..\\
putraH kila jayasyAhaM mAtA mama shatahradA . 
virAdha iti mAmAhuH pR^ithivyA.n sarvarAkShasAH .. 5..\\
tapasA chApi me prAptA brahmaNo hi prasAdajA . 
shastreNAvadhyatA loke.achchhedyAbhedyatvameva cha .. 6..\\
utsR^ijya pramadAmenAmanapekShau yathAgatam . 
tvaramANau pAlayethAM na vA.n jIvitamAdade .. 7..\\
ta.n rAmaH pratyuvAcheda.n kopasa.nraktalochanaH . 
rAkShasa.n vikR^itAkAraM virAdhaM pApachetasaM .. 8..\\
kShudra dhiktvA.n tu hInArthaM mR^ityumanveShase dhruvam . 
raNe samprApsyase tiShTha na me jIvangamiShyasi .. 9..\\
tataH sajya.n dhanuH kR^itvA rAmaH sunishitA~nsharAn . 
sushIghramabhisandhAya rAkShasaM nijaghAna ha .. 10..\\
dhanuShA jyAguNavatA saptabANAnmumocha ha . 
rukmapu~NkhAnmahAvegAnsuparNAnilatulyagAn .. 11..\\
te sharIra.n virAdhasya bhittvA barhiNavAsasaH . 
nipetuH shoNitAdigdhA dharaNyAM pAvakopamAH .. 12..\\
sa vinadya mahAnAda.n shUlaM shakradhvajopamam . 
pragR^ihyAshobhata tadA vyAttAnana ivAntakaH .. 13..\\
tachchhUla.n vajrasa~NkAsha.n gagane jvalanopamam . 
dvAbhyA.n sharAbhyA.n chichchheda rAmaH shastrabhR^itAM varaH .. 14..\\
tasya raudrasya saumitrirbAhu.n savyaM babha~nja ha . 
rAmastu dakShiNaM bAhu.n tarasA tasya rakShasaH .. 15..\\
sa bhagnabAhuH sa.nvigno nipapAtAshu rAkShasaH . 
dharaNyAM meghasa~NkAsho vajrabhinna ivAchalaH . 
idaM provAcha kAkutstha.n virAdhaH puruSharShabham .. 16..\\
kausalyA suprajAstAta rAmastva.n vidito mayA . 
vaidehI cha mahAbhAgA lakShmaNashcha mahAyashAH .. 17..\\
abhishApAdaha.n ghorAM praviShTo rAkShasIM tanum . 
tumbururnAma gandharvaH shapto vaishvaraNena hi .. 18..\\
prasAdyamAnashcha mayA so.abravInmAM mahAyashAH . 
yadA dAsharathI rAmastvA.n vadhiShyati sa.nyuge .. 19..\\
tadA prakR^itimApanno bhavAnsvarga.n gamiShyati . 
iti vaishravaNo rAjA rambhAsaktamuvAcha ha .. 20..\\
anupasthIyamAno mA.n sa~Nkruddho vyajahAra ha . 
tava prasAdAnmukto.ahamabhishApAtsudAruNAt . 
bhavana.n sva.n gamiShyAmi svasti vo.astu parantapa .. 21..\\
ito vasati dharmAtmA sharabha~NgaH pratApavAn . 
adhyardhayojane tAta maharShiH sUryasaMnibhaH .. 22..\\
ta.n kShipramabhigachchha tva.n sa te shreyo vidhAsyati . 
avaTe chApi mA.n rAma nikShipya kushalI vraja .. 23..\\
rakShasA.n gatasattvAnAmeSha dharmaH sanAtanaH . 
avaTe ye nidhIyante teShA.n lokAH sanAtanAH .. 24..\\
evamuktvA tu kAkutstha.n virAdhaH sharapIDitaH . 
babhUva svargasamprApto nyastadeho mahAbalaH .. 25..\\
taM muktakaNThamutkShipya sha~NkukarNaM mahAsvanam . 
virAdhaM prAkShipachchhvabhre nadantaM bhairavasvanam .. 26..\\
tatastu tau kA~nchanachitrakArmukau 
nihatya rakShaH parigR^ihya maithilIm . 
vijahratustau muditau mahAvane 
divi sthitau chandradivAkarAviva .. 27..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}