\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{2}##
##\begin{center}##
\section{araNyakaaNDa}
##\end{center}##
\medskip
 31
tataH shUrpaNakhA dInA rAvaNa.n lokarAvaNam . 
amAtyamadhye sa~NkruddhA paruSha.n vAkyamabravIt .. 1..\\
pramattaH kAmabhogeShu svairavR^itto nira~NkushaH . 
samutpannaM bhaya.n ghoraM boddhavyaM nAvabudhyase .. 2..\\
sakta.n grAmyeShu bhogeShu kAmavR^ittaM mahIpatim . 
lubdhaM na bahu manyante shmashAnAgnimiva prajAH .. 3..\\
svaya.n kAryANi yaH kAle nAnutiShThati pArthivaH . 
sa tu vai saha rAjyena taishcha kAryairvinashyati .. 4..\\
ayuktachAra.n durdarshamasvAdhInaM narAdhipam . 
varjayanti narA dUrAnnadIpa~Nkamiva dvipAH .. 5..\\
ye na rakShanti viShayamasvAdhInA narAdhipaH . 
te na vR^iddhyA prakAshante girayaH sAgare yathA .. 6..\\
AtmavadbhirvigR^ihya tva.n devagandharvadAnavaiH . 
ayuktachArashchapalaH katha.n rAjA bhaviShyasi .. 7..\\
yeShA.n chArashcha koshashcha nayashcha jayatA.n vara . 
asvAdhInA narendrANAM prAkR^itaiste janaiH samAH .. 8..\\
yasmAtpashyanti dUrasthAnsarvAnarthAnnarAdhipAH . 
chAreNa tasmAduchyante rAjAno dIrghachakShuShaH .. 9..\\
ayuktachAraM manye tvAM prAkR^itaiH sachivairvR^itam . 
svajana.n cha janasthAna.n hataM yo nAvabudhyase .. 10..\\
chaturdasha sahasrANi rakShasAM bhImakarmaNAm . 
hatAnyekena rAmeNa kharashcha sahadUShaNaH .. 11..\\
R^iShINAmabhaya.n dattaM kR^itakShemAshcha daNDakAH . 
dharShita.n cha janasthAna.n rAmeNAkliShTakarmaNA .. 12..\\
tva.n tu lubdhaH pramattashcha parAdhInashcha rAvaNa . 
viShaye sve samutpannaM bhaya.n yo nAvabudhyase .. 13..\\
tIkShNamalpapradAtAraM pramatta.n garvita.n shaTham . 
vyasane sarvabhUtAni nAbhidhAvanti pArthivam .. 14..\\
atimAninamagrAhyamAtmasambhAvitaM naram . 
krodhana.n vyasane hanti svajano.api narAdhipam .. 15..\\
nAnutiShThati kAryANi bhayeShu na bibheti cha . 
kShipra.n rAjyAchchyuto dInastR^iNaistulyo bhaviShyati .. 16..\\
shuShkakAShThairbhavetkArya.n loShTairapi cha pA.nsubhiH . 
na tu sthAnAtparibhraShTaiH kArya.n syAdvasudhAdhipaiH .. 17..\\
upabhukta.n yathA vAsaH srajo vA mR^iditA yathA . 
eva.n rAjyAtparibhraShTaH samartho.api nirarthakaH .. 18..\\
apramattashcha yo rAjA sarvaGYo vijitendriyaH . 
kR^itaGYo dharmashIlashcha sa rAjA tiShThate chiram .. 19..\\
nayanAbhyAM prasupto.api jAgarti nayachakShuShA . 
vyaktakrodhaprasAdashcha sa rAjA pUjyate janaiH .. 20..\\
tva.n tu rAvaNadurbuddhirguNairetairvivarjitaH . 
yasya te.aviditashchArai rakShasA.n sumahAnvadhaH .. 21..\\
parAvamantA viShayeShu sa~Ngato 
nadesha kAlapravibhAga tattvavit . 
ayuktabuddhirguNadoShanishchaye 
vipannarAjyo na chirAdvipatsyate .. 22..\\
iti svadoShAnparikIrtitA.nstayA 
samIkShya buddhyA kShaNadAchareshvaraH . 
dhanena darpeNa balena chAnvito 
vichintayAmAsa chira.n sa rAvaNaH .. 23..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}