\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{2}##
##\begin{center}##
\section{araNyakaaNDa}
##\end{center}##
\medskip
 35
tachchhrutvA rAkShasendrasya vAkya.n vAkyavishAradaH . 
pratyuvAcha mahAprAGYo mArIcho rAkShaseshvaram .. 1..\\
sulabhAH puruShA rAjansatataM priyavAdinaH . 
apriyasya cha pathyasya vaktA shrotA cha durlabhaH .. 2..\\
na nUnaM budhyase rAmaM mahAvIrya.n guNonnatam . 
ayuktachArashchapalo mahendravaruNopamam .. 3..\\
api svasti bhavettAta sarveShAM bhuvi rakShasAm . 
api rAmo na sa~NkruddhaH kuryAllokamarAkShasaM .. 4..\\
api te jIvitAntAya notpannA janakAtmajA . 
api sItA nimitta.n cha na bhavedvyasanaM mahat .. 5..\\
api tvAmIshvaraM prApya kAmavR^ittaM nira~Nkusham . 
na vinashyetpurI la~NkA tvayA saha sarAkShasA .. 6..\\
tvadvidhaH kAmavR^itto hi duHshIlaH pApamantritaH . 
AtmAna.n svajanaM rAShTraM sa rAjA hanti durmatiH .. 7..\\
na cha pitrA parityakto nAmaryAdaH katha.n chana . 
na lubdho na cha duHshIlo na cha kShatriyapA.nsanaH .. 8..\\
na cha dharmaguNairhInaiH kausalyAnandavardhanaH . 
na cha tIkShNo hi bhUtAnA.n sarveShA.n cha hite rataH .. 9..\\
va~nchitaM pitara.n dR^iShTvA kaikeyyA satyavAdinam . 
kariShyAmIti dharmAtmA tataH pravrajito vanam .. 10..\\
kaikeyyAH priyakAmArthaM piturdasharathasya cha . 
hitvA rAjya.n cha bhogAMshcha praviShTo daNDakAvanam .. 11..\\
na rAmaH karkashastAta nAvidvAnnAjitendriyaH . 
anR^itaM na shruta.n chaiva naiva tva.n vaktumarhasi .. 12..\\
rAmo vigrahavAndharmaH sAdhuH satyaparAkramaH . 
rAjA sarvasya lokasya devAnAmiva vAsavaH .. 13..\\
katha.n tvaM tasya vaidehI.n rakShitAM svena tejasA . 
ichchhasi prasabha.n hartuM prabhAmiva vivasvataH .. 14..\\
sharArchiShamanAdhR^iShya.n chApakhaDgendhana.n raNe . 
rAmAgni.n sahasA dIptaM na praveShTu.n tvamarhasi .. 15..\\
dhanurvyAditadIptAsya.n sharArchiShamamarShaNam . 
chApabANadhara.n vIraM shatrusenApahAriNam .. 16..\\
rAjya.n sukha.n cha santyajya jIvitaM cheShTamAtmanaH . 
nAtyAsAdayitu.n tAta rAmAntakamihArhasi .. 17..\\
aprameya.n hi tattejo yasya sA janakAtmajA . 
na tva.n samarthastAM hartuM rAmachApAshrayAM vane .. 18..\\
prANebhyo.api priyatarA bhAryA nityamanuvratA . 
dIptasyeva hutAshasya shikhA sItA sumadhyamA .. 19..\\
kimudyama.n vyarthamima.n kR^itvA te rAkShasAdhipa . 
dR^iShTashchettva.n raNe tena tadanta.n tava jIvitam . 
jIvita.n cha sukhaM chaiva rAjyaM chaiva sudurlabham .. 20..\\
sa sarvaiH sachivaiH sArdha.n vibhIShaNapuraskR^itaiH . 
mantrayitvA tu dharmiShThaiH kR^itvA nishchayamAtmanaH .. 21..\\
doShANA.n cha guNAnAM cha sampradhArya balAbalam . 
Atmanashcha bala.n GYAtvA rAghavasya cha tattvataH . 
hita.n hi tava nishchitya kShama.n tvaM kartumarhasi .. 22..\\
aha.n tu manye tava na kShama.n raNe 
samAgama.n kosalarAjasUnunA . 
ida.n hi bhUyaH shR^iNu vAkyamuttamaM 
kShama.n cha yuktaM cha nishAcharAdhipa .. 23..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}