\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{2}##
##\begin{center}##
\section{araNyakaaNDa}
##\end{center}##
\medskip
 4
hatvA tu taM bhImabala.n virAdhaM rAkShasaM vane . 
tataH sItAM pariShvajya samAshvAsya cha vIryavAn . 
abravIllakShmaNA.n rAmo bhrAtara.n dIptatejasaM .. 1..\\
kaShTa.n vanamida.n durgaM na cha smo vanagocharAH . 
abhigachchhAmahe shIghra.n sharabha~Nga.n tapodhanam .. 2..\\
Ashrama.n sharabha~Ngasya rAghavo.abhijagAma ha .. 3..\\
tasya devaprabhAvasya tapasA bhAvitAtmanaH . 
samIpe sharabha~Ngasya dadarsha mahadadbhutam .. 4..\\
vibhrAjamAna.n vapuShA sUryavaishvAnaropamam . 
asa.nspR^ishanta.n vasudhA.n dadarsha vibudheshvaram .. 5..\\
suprabhAbharaNa.n deva.n virajo.ambaradhAriNam . 
tadvidhaireva bahubhiH pUjyamAnaM mahAtmabhiH .. 6..\\
haribhirvAjibhiryuktamantarikShagata.n ratham . 
dadarshAdUratastasya taruNAdityasaMnibham .. 7..\\
pANDurAbhraghanaprakhya.n chandramaNDalasaMnibham . 
apashyadvimala.n chhatraM chitramAlyopashobhitam .. 8..\\
chAmaravyajane chAgrye rukmadaNDe mahAdhane . 
gR^ihIte vananArIbhyA.n dhUyamAne cha mUrdhani .. 9..\\
gandharvAmarasiddhAshcha bahavaH paramarShayaH . 
antarikShagata.n deva.n vAgbhiragryAbhirIDire .. 10..\\
dR^iShTvA shatakratu.n tatra rAmo lakShmaNamabravIt . 
ye hayAH puruhUtasya purA shakrasya naH shrutAH . 
antarikShagatA divyAsta ime harayo dhruvam .. 11..\\
ime cha puruShavyAghra ye tiShThantyabhito ratham . 
shata.n shata.n kuNDalino yuvAnaH khaDgapANayaH .. 12..\\
urodesheShu sarveShA.n hArA jvalanasaMnibhAH . 
rUpaM bibhrati saumitre pa~nchaviMshativArShikam .. 13..\\
etaddhi kila devAnA.n vayo bhavati nityadA . 
yatheme puruShavyAghrA dR^ishyante priyadarshanAH .. 14..\\
ihaiva saha vaidehyA muhUrta.n tiShTha lakShmaNa . 
yAvajjanAmyaha.n vyakta.n ka eSha dyutimAnrathe .. 15..\\
tamevamuktvA saumitrimihaiva sthIyatAm iti . 
abhichakrAma kAkutsthaH sharabha~NgAshramaM prati .. 16..\\
tataH samabhigachchhantaM prekShya rAma.n shachIpatiH . 
sharabha~NgamanuGYApya vibudhAnidamabravIt .. 17..\\
ihopayAtyasau rAmo yAvanmAM nAbhibhAShate . 
niShThAM nayata tAvattu tato mA.n draShTumarhati .. 18..\\
jitavanta.n kR^itArthaM cha draShTAhamachirAdimam . 
karma hyanena kartavyaM mahadanyaiH suduShkaram .. 19..\\
iti vajrI tamAmantrya mAnayitvA cha tApasaM . 
rathena hariyuktena yayau divamarindamaH .. 20..\\
prayAte tu sahasrAkShe rAghavaH saparichchhadaH . 
agnihotramupAsIna.n sharabha~NgamupAgamat .. 21..\\
tasya pAdau cha sa~NgR^ihya rAmaH sItA cha lakShmaNaH . 
niShedustadanuGYAtA labdhavAsA nimantritAH .. 22..\\
tataH shakropayAna.n tu paryapR^ichchhatsa rAghavaH . 
sharabha~Ngashcha tatsarva.n rAghavAya nyavedayat .. 23..\\
mAmeSha varado rAma brahmalokaM ninIShati . 
jitamugreNa tapasA duShprApamakR^itAtmabhiH .. 24..\\
aha.n GYAtvA naravyAghra vartamAnamadUrataH . 
brahmalokaM na gachchhAmi tvAmadR^iShTvA priyAtithim .. 25..\\
samAgamya gamiShyAmi tridiva.n devasevitam . 
akShayA narashArdUla jitA lokA mayA shubhAH . 
brAhmyAshcha nAkapR^iShThyAshcha pratigR^ihNIShva mAmakAn .. 26..\\
evamukto naravyAghraH sarvashAstravishAradaH . 
R^iShiNA sharabha~Ngena rAghavo vAkyamabravIt .. 27..\\
ahamevAhariShyAmi sarvA.NllokAnmahAmune . 
AvAsa.n tvahamichchhAmi pradiShTamiha kAnane .. 28..\\
rAghaveNaivamuktastu shakratulyabalena vai . 
sharabha~Ngo mahAprAGYaH punarevAbravIdvachaH .. 29..\\
sutIkShNamabhigachchha tva.n shuchau deshe tapasvinam . 
ramaNIye vanoddeshe sa te vAsa.n vidhAsyati .. 30..\\
eSha panthA naravyAghra muhUrtaM pashya tAta mAm . 
yAvajjahAmi gAtrANi jIrNa.n tvachamivoragaH .. 31..\\
tato.agni.n sa samAdhAya hutvA chAjyena mantravit . 
sharabha~Ngo mahAtejAH pravivesha hutAshanam .. 32..\\
tasya romANi keshAMshcha dadAhAgnirmahAtmanaH . 
jIrNa.n tvachaM tathAsthIni yachcha mA.nsaM cha shoNitam .. 33..\\
sa cha pAvakasa~NkAshaH kumAraH samapadyata . 
utthAyAgnichayAttasmAchchharabha~Ngo vyarochata .. 34..\\
sa lokAnAhitAgnInAmR^iShINA.n cha mahAtmanAm . 
devAnA.n cha vyatikramya brahmaloka.n vyarohata .. 35..\\
sa puNyakarmA bhuvane dvijarShabhaH 
pitAmaha.n sAnuchara.n dadarsha ha . 
pitAmahashchApi samIkShya ta.n dvijaM 
nananda susvAgatamityuvAcha ha .. 36..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}