\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{2}##
##\begin{center}##
\section{araNyakaaNDa}
##\end{center}##
\medskip
 41
sA ta.n samprekShya sushroNI kusumAni vichinvatI . 
hemarAjata varNAbhyAM pArshvAbhyAmupashobhitam .. 1..\\
prahR^iShTA chAnavadyA~NgI mR^iShTahATakavarNinI . 
bhartAramapi chAkrandallakShmaNa.n chaiva sAyudham .. 2..\\
tayAhUtau naravyAghrau vaidehyA rAmalakShmaNau . 
vIkShamANau tu ta.n deshaM tadA dadR^ishaturmR^igam .. 3..\\
sha~NkamAnastu ta.n dR^iShTvA lakShmaNo rAmamabravIt . 
tamevainamahaM manye mArIcha.n rAkShasaM mR^igam .. 4..\\
charanto mR^igayA.n hR^iShTAH pApenopAdhinA vane . 
anena nihatA rAma rAjAnaH kAmarUpiNA .. 5..\\
asya mAyAvido mAyA mR^igarUpamida.n kR^itam . 
bhAnumatpuruShavyAghra gandharvapurasaMnibham .. 6..\\
mR^igo hyeva.nvidho ratnavichitro nAsti rAghava . 
jagatyA.n jagatInAtha mAyaiShA hi na saMshayaH .. 7..\\
evaM bruvANa.n kAkutsthaM prativArya shuchismitA . 
uvAcha sItA sa.nhR^iShTA chhadmanA hR^itachetanA .. 8..\\
AryaputrAbhirAmo.asau mR^igo harati me manaH . 
AnayainaM mahAbAho krIDArthaM no bhaviShyati .. 9..\\
ihAshramapade.asmAkaM bahavaH puNyadarshanAH . 
mR^igAshcharanti sahitAshchamarAH sR^imarAstathA .. 10..\\
R^ikShAH pR^iShatasa~NghAshcha vAnarAH kinarAstathA . 
vicharanti mahAbAho rUpashreShThA mahAbalAH .. 11..\\
na chAsya sadR^isho rAjandR^iShTapUrvo mR^igaH purA . 
tejasA kShamayA dIptyA yathAyaM mR^igasattamaH .. 12..\\
nAnAvarNavichitrA~Ngo ratnabindusamAchitaH . 
dyotayanvanamavyagra.n shobhate shashisaMnibhaH .. 13..\\
aho rUpamaho lakShmIH svarasampachcha shobhanA . 
mR^igo.adbhuto vichitro.asau hR^idaya.n haratIva me .. 14..\\
yadi grahaNamabhyeti jIvanneva mR^igastava . 
AshcharyabhUtaM bhavati vismaya.n janayiShyati .. 15..\\
samAptavanavAsAnA.n rAjyasthAnA.n cha naH punaH . 
antaHpuravibhUShArtho mR^iga eSha bhaviShyati .. 16..\\
bharatasyAryaputrasya shvashrUNAM mama cha prabho . 
mR^igarUpamida.n divya.n vismayaM janayiShyati .. 17..\\
jIvanna yadi te.abhyeti grahaNaM mR^igasattamaH . 
ajinaM narashArdUla ruchiraM me bhaviShyati .. 18..\\
nihatasyAsya sattvasya jAmbUnadamayatvachi . 
shaShpabR^isyA.n vinItAyAmichchhAmyahamupAsitum .. 19..\\
kAmavR^ittamida.n raudraM strINAmasadR^ishaM matam . 
vapuShA tvasya sattvasya vismayo janito mama .. 20..\\
tena kA~nchanaroMNA tu maNipravarashR^i~NgiNA . 
taruNAdityavarNena nakShatrapathavarchasA . 
babhUva rAghavasyApi mano vismayamAgatam .. 21..\\
eva.n sItAvachaH shrutvA dR^iShTvA cha mR^igamadbhutam . 
uvAcha rAghavo hR^iShTo bhrAtara.n lakShmaNaM vachaH .. 22..\\
pashya lakShmaNa vaidehyAH spR^ihAM mR^igagatAmimAm . 
rUpashreShThatayA hyeSha mR^igo.adya na bhaviShyati .. 23..\\
na vane nandanoddeshe na chaitrarathasaMshraye . 
kutaH pR^ithivyA.n saumitre yo.asya kashchitsamo mR^igaH .. 24..\\
pratilomAnulomAshcha ruchirA romarAjayaH . 
shobhante mR^igamAshritya chitrAH kanakabindubhiH .. 25..\\
pashyAsya jR^imbhamANasya dIptAmagnishikhopamAm . 
jihvAM mukhAnniHsarantIM meghAdiva shatahradAm .. 26..\\
masAragalvarkamukhaH sha~NkhamuktAnibhodaraH . 
kasya nAmAnirUpyo.asau na mano lobhayenmR^igaH .. 27..\\
kasya rUpamida.n dR^iShTvA jAmbUnadamaya prabham . 
nAnAratnamaya.n divyaM na mano vismaya.n vrajet .. 28..\\
mA.nsahetorapi mR^igAnvihArArtha.n cha dhanvinaH . 
ghnanti lakShmaNa rAjAno mR^igayAyAM mahAvane .. 29..\\
dhanAni vyavasAyena vichIyante mahAvane . 
dhAtavo vividhAshchApi maNiratnasuvarNinaH .. 30..\\
tatsAramakhilaM nR^INA.n dhanaM nichayavardhanam . 
manasA chintita.n sarvaM yathA shukrasya lakShmaNa .. 31..\\
arthI yenArthakR^ityena sa.nvrajatyavichArayan . 
tamarthamarthashAstraGYaH prAhurarthyAshcha lakShmaNa .. 32..\\
etasya mR^igaratnasya parArdhye kA~nchanatvachi . 
upavekShyati vaidehI mayA saha sumadhyamA .. 33..\\
na kAdalI na priyakI na praveNI na chAvikI . 
bhavedetasya sadR^ishI sparshaneneti me matiH .. 34..\\
eSha chaiva mR^igaH shrImAnyashcha divyo nabhashcharaH . 
ubhAvetau mR^igau divyau tArAmR^igamahImR^igau .. 35..\\
yadi vAya.n tathA yanmAM bhavedvadasi lakShmaNa . 
mAyaiShA rAkShasasyeti kartavyo.asya vadho mayA .. 36..\\
etena hi nR^isha.nsena mArIchenAkR^itAtmanA . 
vane vicharatA pUrva.n hi.nsitA munipu~NgavAH .. 37..\\
utthAya bahavo yena mR^igayAyA.n janAdhipAH . 
nihatAH parameShvAsAstasmAdvadhyastvayaM mR^igaH .. 38..\\
purastAdiha vAtApiH paribhUya tapasvinaH . 
udarastho dvijAnhanti svagarbho.ashvatarIm iva .. 39..\\
sa kadA chichchirAlloke AsasAda mahAmunim . 
agastya.n tejasA yuktaM bhakShyastasya babhUva ha .. 40..\\
samutthAne cha tadrUpa.n kartukAma.n samIkShya tam . 
utsmayitvA tu bhagavAnvAtApimidamabravIt .. 41..\\
tvayAvigaNya vAtApe paribhUtAshcha tejasA . 
jIvaloke dvijashreShThAstasmAdasi jarA.n gataH .. 42..\\
eva.n tanna bhavedrakSho vAtApiriva lakShmaNa . 
madvidha.n yo.atimanyeta dharmanitya.n jitendriyam .. 43..\\
bhaveddhato.aya.n vAtApiragastyeneva mA gatiH . 
iha tvaM bhava saMnaddho yantrito rakSha maithilIm .. 44..\\
asyAmAyattamasmAka.n yatkR^ityaM raghunandana . 
ahamena.n vadhiShyAmi grahIShyAmyatha vA mR^igam .. 45..\\
yAvadgachchhAmi saumitre mR^igamAnayitu.n drutam . 
pashya lakShmaNa vaidehIM mR^igatvachi gataspR^ihAm .. 46..\\
tvachA pradhAnayA hyeSha mR^igo.adya na bhaviShyati . 
apramattena te bhAvyamAshramasthena sItayA .. 47..\\
yAvatpR^iShatamekena sAyakena nihanmyaham . 
hatvaitachcharma AdAya shIghrameShyAmi lakShmaNa .. 48..\\
pradakShiNenAtibalena pakShiNA 
jaTAyuShA buddhimatA cha lakShmaNa . 
bhavApramattaH pratigR^ihya maithilIM 
pratikShaNa.n sarvata eva sha~NkitaH .. 49..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}