\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{2}##
##\begin{center}##
\section{araNyakaaNDa}
##\end{center}##
\medskip
 44
tayA paruShamuktastu kupito rAghavAnujaH . 
sa vikA~NkShanbhR^isha.n rAmaM pratasthe nachirAdiva .. 1..\\
tadAsAdya dashagrIvaH kShipramantaramAsthitaH . 
abhichakrAma vaidehIM parivrAjakarUpadhR^ik .. 2..\\
shlakShNakAShAyasa.nvItaH shikhI chhatrI upAnahI . 
vAme chA.nse.avasajyAtha shubhe yaShTikamaNDalU . 
parivrAjakarUpeNa vaidehI.n samupAgamat .. 3..\\
tAmAsasAdAtibalo bhrAtR^ibhyA.n rahitAM vane . 
rahitA.n sUryachandrAbhyAM sandhyAmiva mahattamaH .. 4..\\
tAmapashyattato bAlA.n rAjaputrIM yashasvinIm . 
rohiNI.n shashinA hInA.n grahavadbhR^ishadAruNaH .. 5..\\
tamugraM pApakarmANa.n janasthAnaruhA drumAH . 
samIkShya na prakampante na pravAti cha mArutaH .. 6..\\
shIghrasrotAshcha ta.n dR^iShTvA vIkShanta.n raktalochanam . 
stimita.n gantumArebhe bhayAdgodAvarI nadI .. 7..\\
rAmasya tvantaraM prepsurdashagrIvastadantare . 
upatasthe cha vaidehIM bhikShurUpeNa rAvaNaH .. 8..\\
abhavyo bhavyarUpeNa bhartAramanushochatIm . 
abhyavartata vaidehI.n chitrAmiva shanaishcharaH .. 9..\\
sa pApo bhavyarUpeNa tR^iNaiH kUpa ivAvR^itaH . 
atiShThatprekShya vaidehI.n rAmapatnIM yashasvinIm .. 10..\\
shubhA.n ruchiradantauShThIM pUrNachandranibhAnanAm . 
AsInAM parNashAlAyAM bAShpashokAbhipIDitAm .. 11..\\
sa tAM padmapalAshAkShIM pItakausheyavAsinIm . 
abhyagachchhata vaidehI.n duShTachetA nishAcharaH .. 12..\\
sa manmathasharAviShTo brahmaghoShamudIrayan . 
abravItprashrita.n vAkyaM rahite rAkShasAdhipaH .. 13..\\
tAmuttamA.n trilokAnAM padmahInAmiva shriyam . 
vibhrAjamAnA.n vapuShA rAvaNaH prashasha.nsa ha .. 14..\\
kA tva.n kA~nchanavarNAbhe pItakausheyavAsini . 
kamalAnA.n shubhAM mAlAM padminIva cha bibhratI .. 15..\\
hrIH shrIH kIrtiH shubhA lakShmIrapsarA vA shubhAnane . 
bhUtirvA tva.n varArohe ratirvA svairachAriNI .. 16..\\
samAH shikhariNaH snigdhAH pANDurA dashanAstava . 
vishAle vimale netre raktAnte kR^iShNatArake .. 17..\\
vishAla.n jaghanaM pInamUrU karikaropamau . 
etAvupachitau vR^ittau sahitau sampragalbhitau .. 18..\\
pInonnatamukhau kAntau snigdhatAlaphalopamau . 
maNipravekAbharaNau ruchirau te payodharau .. 19..\\
chArusmite chArudati chArunetre vilAsini . 
mano harasi me rAme nadIkUlamivAmbhasA .. 20..\\
karAntamitamadhyAsi sukeshI sa.nhatastanI . 
naiva devI na gandharvI na yakShI na cha kiMnarI .. 21..\\
naiva.nrUpA mayA nArI dR^iShTapUrvA mahItale . 
iha vAsashcha kAntAre chittamunmAthayanti me .. 22..\\
sA pratikrAma bhadra.n te na tva.n vastumihArhasi . 
rAkShasAnAmaya.n vAso ghorANA.n kAmarUpiNAm .. 23..\\
prAsAdAgryANi ramyANi nagaropavanAni cha . 
sampannAni sugandhIni yuktAnyAcharitu.n tvayA .. 24..\\
varaM mAlya.n varaM pAnaM varaM vastra.n cha shobhane . 
bhartAra.n cha varaM manye tvadyuktamasitekShaNe .. 25..\\
kA tvaM bhavasi rudrANAM marutA.n vA shuchismite . 
vasUnA.n vA varArohe devatA pratibhAsi me .. 26..\\
neha gachchhantI gandharvA na devA na cha kiMnarAH . 
rAkShasAnAmaya.n vAsaH kathaM nu tvamihAgatA .. 27..\\
iha shAkhAmR^igAH si.nhA dvIpivyAghramR^igAstathA . 
R^ikShAstarakShavaH ka~NkAH katha.n tebhyo na bibhyase .. 28..\\
madAnvitAnA.n ghorANAM ku~njarANAM tarasvinAm . 
kathamekA mahAraNye na bibheShi vanAnane .. 29..\\
kAsi kasya kutashcha tva.n kiMnimittaM cha daNDakAn . 
ekA charasi kalyANi ghorAnrAkShasasevitAn .. 30..\\
iti prashastA vaidehI rAvaNena durAtmanA . 
dvijAtiveSheNa hi ta.n dR^iShTvA rAvaNamAgatam . 
sarvairatithisatkAraiH pUjayAmAsa maithilI .. 31..\\
upAnIyAsanaM pUrvaM pAdyenAbhinimantrya cha . 
abravItsiddhamityeva tadA ta.n saumyadarshanam .. 32..\\
dvijAtiveSheNa samIkShya maithilI 
tamAgataM pAtrakusumbhadhAriNam . 
ashakyamuddveShTumupAyadarshanAn 
nyamantrayadbrAhmaNavadyathAgatam .. 33..\\
iyaM bR^isI brAhmaNa kAmamAsyatAm 
ida.n cha pAdyaM pratigR^ihyatAm iti . 
ida.n cha siddha.n vanajAtamuttamaM 
tvadarthamavyagramihopabhujyatAm .. 34..\\
nimantryamANaH pratipUrNabhAShiNIM 
narendrapatnIM prasamIkShya maithilIm . 
prahasya tasyA haraNe dhR^itaM manaH 
samarpayAmAsa vadhAya rAvaNaH .. 35..\\
tataH suveShaM mR^igayA gataM patiM 
pratIkShamANA sahalakShmaNa.n tadA . 
nirIkShamANA harita.n dadarsha tan 
mahadvanaM naiva tu rAmalakShmaNau .. 36..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}