\documentstyle[11pt,multicol,itrans]{iarticle} #include=ijag.inc #endwordvowel=.h \portraitpage \parindent=0pt % no indents \let\usedvng=\normaldvng % \Largedvng \pagestyle{headings} \begin{document} #indian \centerline{\hugedvng .. vaalmiiki raamaayaNa..}\medskip ##\setcounter{section}{2}## ##\begin{center}## \section{araNyakaaNDa} ##\end{center}## \medskip 45 rAvaNena tu vaidehI tadA pR^iShTA jihIrShuNA . parivrAjakarUpeNa shasha.nsAtmAnamAtmanA .. 1..\\ brAhmaNashchAtithishchaiSha anukto hi shapeta mAm . iti dhyAtvA muhUrta.n tu sItA vachanamabravIt .. 2..\\ duhitA janakasyAhaM maithilasya mahAtmanaH . sItA nAmnAsmi bhadra.n te rAmabhAryA dvijottama .. 3..\\ sa.nvatsara.n chAdhyuShitA rAghavasya niveshane . bhu~njAnA mAnuShAnbhogAnsarvakAmasamR^iddhinI .. 4..\\ tataH sa.nvatsarAdUrdhva.n samamanyata me patim . abhiShechayitu.n rAmaM sameto rAjamantribhiH .. 5..\\ tasminsambhriyamANe tu rAghavasyAbhiShechane . kaikeyI nAma bhartAraM mamAryA yAchate varam .. 6..\\ pratigR^ihya tu kaikeyI shvashura.n sukR^itena me . mama pravrAjanaM bharturbharatasyAbhiShechanam . dvAvayAchata bhartAra.n satyasandhaM nR^ipottamam .. 7..\\ nAdya bhokShye na cha svapsye na pAsye.aha.n kadA chana . eSha me jIvitasyAnto rAmo yadyabhiShichyate .. 8..\\ iti bruvANA.n kaikeyI.n shvashuro me sa mAnadaH . ayAchatArthairanvarthairna cha yAch~nA.n chakAra sA .. 9..\\ mama bhartA mahAtejA vayasA pa~nchaviMshakaH . rAmeti prathito loke guNavAnsatyavAkshuchiH . vishAlAkSho mahAbAhuH sarvabhUtahite rataH .. 10..\\ abhiShekAya tu pituH samIpa.n rAmamAgatam . kaikeyI mama bhartAramityuvAcha druta.n vachaH .. 11..\\ tava pitrA samAGYaptaM mameda.n shR^iNu rAghava . bharatAya pradAtavyamida.n rAjyamakaNTakam .. 12..\\ tvayA tu khalu vastavyaM nava varShANi pa~ncha cha . vane pravraja kAkutstha pitaraM mochayAnR^itAt .. 13..\\ tathetyuvAcha tA.n rAmaH kaikeyImakutobhayaH . chakAra tadvachastasyA mama bhartA dR^iDhavrataH .. 14..\\ dadyAnna pratigR^ihNIyAtsatyabrUyAnna chAnR^itam . etadbrAhmaNa rAmasya vrata.n dhruvamanuttamam .. 15..\\ tasya bhrAtA tu vaimAtro lakShmaNo nAma vIryavAn . rAmasya puruShavyAghraH sahAyaH samare.arihA .. 16..\\ sa bhrAtA lakShmaNo nAma dharmachArI dR^iDhavrataH . anvagachchhaddhanuShpANiH pravrajantaM mayA saha .. 17..\\ te vayaM prachyutA rAjyAtkaileyyAstu kR^ite trayaH . vicharAma dvijashreShTha vana.n gambhIramojasA .. 18..\\ samAshvasa muhUrta.n tu shakya.n vastumiha tvayA . AgamiShyati me bhartA vanyamAdAya puShkalam .. 19..\\ sa tvaM nAma cha gotra.n cha kulamAchakShva tattvataH . ekashcha daNDakAraNye kimartha.n charasi dvija .. 20..\\ evaM bruvatyA.n sItAyAM rAmapatnyAM mahAbalaH . pratyuvAchottara.n tIvra.n rAvaNo rAkShasAdhipaH .. 21..\\ yena vitrAsitA lokAH sadevAsurapannagAH . aha.n sa rAvaNo nAma sIte rakShogaNeshvaraH .. 22..\\ tvA.n tu kA~nchanavarNAbhAM dR^iShTvA kausheyavAsinIm . rati.n svakeShu dAreShu nAdhigachchhAmyanindite .. 23..\\ bahvInAmuttamastrINAmAhR^itAnAmitastataH . sarvAsAmeva bhadra.n te mamAgramahiShI bhava .. 24..\\ la~NkA nAma samudrasya madhye mama mahApurI . sAgareNa parikShiptA niviShTA girimUrdhani .. 25..\\ tatra sIte mayA sArdha.n vaneShu vichariShyasi . na chAsyAraNyavAsasya spR^ihayiShyasi bhAmini .. 26..\\ pa~nchadAsyaH sahasrANi sarvAbharaNabhUShitAH . sIte parichariShyanti bhAryA bhavasi me yadi .. 27..\\ rAvaNenaivamuktA tu kupitA janakAtmajA . pratyuvAchAnavadyA~NgI tamanAdR^itya rAkShasaM .. 28..\\ mahAgirimivAkampyaM mahendrasadR^ishaM patim . mahodadhimivAkShobhyamaha.n rAmamanuvratA .. 29..\\ mahAbAhuM mahoraska.n si.nhavikrAntagAminam . nR^isi.nha.n si.nhasa~NkAshamahaM rAmamanuvratA .. 30..\\ pUrNachandrAnana.n vIraM rAjavatsa.n jitendriyam . pR^ithukIrtiM mahAbAhumaha.n rAmamanuvratA .. 31..\\ tvaM punarjambukaH si.nhIM mAmihechchhasi durlabhAm . nAha.n shakyA tvayA spraShTumAdityasya prabhA yathA .. 32..\\ pAdapAnkA~nchanAnnUnaM bahUnpashyasi mandabhAk . rAghavasya priyAM bhAryA.n yastvamichchhasi rAvaNa .. 33..\\ kShudhitasya cha si.nhasya mR^igashatrostarasvinaH . AshIviShasya vadanAddaMShTrAmAdAtumichchhasi .. 34..\\ mandaraM parvatashreShThaM pANinA hartumichchhasi . kAlakUTa.n viShaM pItvA svastimAngantumichchhasi .. 35..\\ akShisUchyA pramR^ijasi jihvayA leDhi cha kShuram . rAghavasya priyAM bhAryAmadhigantu.n tvamichchhasi .. 36..\\ avasajya shilA.n kaNThe samudraM tartumichchhasi . sUryA chandramasau chobhau prANibhyA.n hartumichchhasi . yo rAmasya priyAM bhAryAM pradharShayitumichchhasi .. 37..\\ agniM prajvalita.n dR^iShTvA vastreNAhartumichchhasi . kalyANa vR^ittA.n rAmasya yo bhAryAM hartumichchhasi .. 38..\\ ayomukhAnA.n shUlAnAm agre charitumichchhasi . rAmasya sadR^ishIM bhAryA.n yo.adhigantu.n tvamichchhasi .. 39..\\ yadantara.n si.nhashR^igAlayorvane yadantara.n syandanikAsamudrayoH . surAgryasauvIrakayoryadantaraM tadantara.n dAsharathestavaiva cha .. 40..\\ yadantara.n kA~nchanasIsalohayor yadantara.n chandanavAripa~NkayoH . yadantara.n hastibiDAlayorvane tadantara.n dasharathestavaiva cha .. 41..\\ yadantara.n vAyasavainateyayor yadantaraM madgumayUrayorapi . yadantara.n sArasagR^idhrayorvane tadantara.n dAsharathestavaiva cha .. 42..\\ tasminsahasrAkShasamaprabhAve rAme sthite kArmukabANapANau . hR^itApi te.ahaM na jarA.n gamiShye vajra.n yathA makShikayAvagIrNam .. 43..\\ itIva tadvAkyamaduShTabhAvA sudR^iShTamuktvA rajanIchara.n tam . gAtraprakampAdvyathitA babhUva vAtoddhatA sA kadalIva tanvI .. 44..\\ tA.n vepamAnAmupalakShya sItAM sa rAvaNo mR^ityusamaprabhAvaH . kulaM balaM nAma cha karma chAtmanaH samAchachakShe bhayakAraNArtham .. 45..\\ ##\end{multicols}## ## \medskip\hrule\medskip The files in this directory are revised versions of the digital files produced by Professor Muneo Tokunaga, Kyoto University, and copyrighted by him. I am grateful to Professor Tokunaga for his agreement to this use of his original files and for permitting the revised versions to be made publicly available. \\ Dr J. D. Smith ; email: jds10@cam.ac.uk ; http://bombay.oriental.cam.ac.uk/index.html \medskip\hrule\medskip ITRANS conversion questions to: Avinash Chopde \medskip\hrule\medskip Last updated on \today ; Send corrections to sanskrit@cheerful.com \end{document}