\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{2}##
##\begin{center}##
\section{araNyakaaNDa}
##\end{center}##
\medskip
 49
ityuktasya yathAnyAya.n rAvaNasya jaTAyuShA . 
kruddhasyAgninibhAH sarvA rejurviMshatidR^iShTayaH .. 1..\\
sa.nraktanayanaH kopAttaptakA~nchanakuNDalaH . 
rAkShasendro.abhidudrAva patagendramamarShaNaH .. 2..\\
sa samprahArastumulastayostasminmahAvane . 
babhUva vAtoddhatayormeghayorgagane yathA .. 3..\\
tadbabhUvAdbhuta.n yuddha.n gR^idhrarAkShasayostadA . 
sapakShayormAlyavatormahAparvatayoriva .. 4..\\
tato nAlIkanArAchaistIkShNAgraishcha vikarNibhiH . 
abhyavarShanmahAghorairgR^idhrarAjaM mahAbalaH .. 5..\\
sa tAni sharajAlAni gR^idhraH patraratheshvaraH . 
jaTAyuH pratijagrAha rAvaNAstrANi sa.nyuge .. 6..\\
tasya tIkShNanakhAbhyA.n tu charaNAbhyAM mahAbalaH . 
chakAra bahudhA gAtre vraNAnpatagasattamaH .. 7..\\
atha krodhAddashagrIvo jagrAha dashamArgaNAn . 
mR^ityudaNDanibhAnghorA~nshatrumardanakA~NkShayA .. 8..\\
sa tairbANairmahAvIryaH pUrNamuktairajihmagaiH . 
bibheda nishitaistIkShNairgR^idhra.n ghoraiH shilImukhaiH .. 9..\\
sa rAkShasarathe pashya~njAnakIM bAShpalochanAm . 
achintayitvA bANA.nstAnrAkShasa.n samabhidravat .. 10..\\
tato.asya sashara.n chApaM muktAmaNivibhUShitam . 
charaNAbhyAM mahAtejA babha~nja patageshvaraH .. 11..\\
tachchAgnisadR^isha.n dIpta.n rAvaNasya sharAvaram . 
pakShAbhyA.n cha mahAtejA vyadhunotpatageshvaraH .. 12..\\
kA~nchanorashchhadAndivyAnpishAchavadanAnkharAn . 
tAMshchAsya javasampannA~njaghAna samare balI .. 13..\\
vara.n triveNusampannaM kAmagaM pAvakArchiSham . 
maNihemavichitrA~NgaM babha~nja cha mahAratham . 
pUrNachandrapratIkAsha.n chhatraM cha vyajanaiH saha .. 14..\\
sa bhagnadhanvA viratho hatAshvo hatasArathiH . 
a~NkenAdAya vaidehIM papAta bhuvi rAvaNaH .. 15..\\
dR^iShTvA nipatitaM bhUmau rAvaNaM bhagnavAhanam . 
sAdhu sAdhviti bhUtAni gR^idhrarAjamapUjayan .. 16..\\
parishrAnta.n tu taM dR^iShTvA jarayA pakShiyUthapam . 
utpapAta punarhR^iShTo maithilI.n gR^ihya rAvaNaH .. 17..\\
taM prahR^iShTaM nidhAyA~Nke gachchhanta.n janakAtmajAm . 
gR^idhrarAjaH samutpatya jaTAyuridamabravIt .. 18..\\
vajrasa.nsparshabANasya bhAryA.n rAmasya rAvaNa . 
alpabuddhe harasyenA.n vadhAya khalu rakShasAm .. 19..\\
samitrabandhuH sAmAtyaH sabalaH saparichchhadaH . 
viShapAnaM pibasyetatpipAsita ivodakam .. 20..\\
anubandhamajAnantaH karmaNAmavichakShaNAH . 
shIghrameva vinashyanti yathA tva.n vinashiShyasi .. 21..\\
baddhastva.n kAlapAshena kva gatastasya mokShyase . 
vadhAya baDisha.n gR^ihya sAmiShaM jalajo yathA .. 22..\\
na hi jAtu durAdharShau kAkutsthau tava rAvaNa . 
dharShaNa.n chAshramasyAsya kShamiShyete tu rAghavau .. 23..\\
yathA tvayA kR^ita.n karma bhIruNA lokagarhitam . 
taskarAcharito mArgo naiSha vIraniShevitaH .. 24..\\
yudhyasva yadi shUro.asi muhUrta.n tiShTha rAvaNa . 
shayiShyase hato bhUmau yathA bhrAtA kharastathA .. 25..\\
paretakAle puruSho yatkarma pratipadyate . 
vinAshAyAtmano.adharmyaM pratipanno.asi karma tat .. 26..\\
pApAnubandho vai yasya karmaNaH ko nu tatpumAn . 
kurvIta lokAdhipatiH svayambhUrbhagavAnapi .. 27..\\
evamuktvA shubha.n vAkya.n jaTAyustasya rakShasaH . 
nipapAta bhR^ishaM pR^iShThe dashagrIvasya vIryavAn .. 28..\\
ta.n gR^ihItvA nakhaistIkShNairvirarAda samantataH . 
adhirUDho gajArohi yathA syAdduShTavAraNam .. 29..\\
virarAda nakhairasya tuNDaM pR^iShThe samarpayan . 
keshAMshchotpATayAmAsa nakhapakShamukhAyudhaH .. 30..\\
sa tathA gR^idhrarAjena klishyamAno muhurmuhuH . 
amarShasphuritauShThaH sanprAkampata sa rAkShasaH .. 31..\\
sampariShvajya vaidehI.n vAmenA~Nkena rAvaNaH . 
talenAbhijaghAnArto jaTAyu.n krodhamUrchhitaH .. 32..\\
jaTAyustamatikramya tuNDenAsya kharAdhipaH . 
vAmabAhUndasha tadA vyapAharadarindamaH .. 33..\\
tataH kruddho dashakrIvaH sItAmutsR^ijya vIryavAn . 
muShTibhyA.n charaNAbhyAM cha gR^idhrarAjamapothayat .. 34..\\
tato muhUrta.n sa~NgrAmo babhUvAtulavIryayoH . 
rAkShasAnA.n cha mukhyasya pakShiNAM pravarasya cha .. 35..\\
tasya vyAyachchhamAnasya rAmasyArthe.atha rAvaNaH . 
pakShau pAdau cha pArshvau cha khaDgamuddhR^itya so.achchhinat .. 36..\\
sa chhinnapakShaH sahasA rakShasA raudrakarmaNA . 
nipapAta hato gR^idhro dharaNyAmalpajIvitaH .. 37..\\
ta.n dR^iShTvA patitaM bhUmau kShatajArdraM jaTAyuSham . 
abhyadhAvata vaidehI svabandhumiva duHkhitA .. 38..\\
taM nIlajImUtanikAshakalpaM 
supANDuroraskamudAravIryam . 
dadarsha la~NkAdhipatiH pR^ithivyAM 
jaTAyuSha.n shAntamivAgnidAvam .. 39..\\
tatastu taM patrarathaM mahItale 
nipAtita.n rAvaNavegamarditam . 
punaH pariShvajya shashiprabhAnanA 
ruroda sItA janakAtmajA tadA .. 40..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}