\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{2}##
##\begin{center}##
\section{araNyakaaNDa}
##\end{center}##
\medskip
 5
sharabha~Nge divaM prApte munisa~NghAH samAgatAH . 
abhyagachchhanta kAkutstha.n rAma.n jvalitatejasaM .. 1..\\
vaikhAnasA vAlakhilyAH samprakShAlA marIchipAH . 
ashmakuTTAshcha bahavaH patrAhArAshcha tApasAH .. 2..\\
dantolUkhalinashchaiva tathaivonmajjakAH pare . 
munayaH salilAhArA vAyubhakShAstathApare .. 3..\\
AkAshanilayAshchaiva tathA sthaNDilashAyinaH . 
tathordhvavAsino dAntAstathArdrapaTavAsasaH .. 4..\\
sajapAshcha taponityAstathA pa~nchatapo.anvitAH . 
sarve brAhmyA shriyA juShTA dR^iDhayogasamAhitAH . 
sharabha~NgAshrame rAmamabhijagmushcha tApasAH .. 5..\\
abhigamya cha dharmaGYA rAma.n dharmabhR^itA.n varam . 
UchuH paramadharmaGYamR^iShisa~NghAH samAhitAH .. 6..\\
tvamikShvAkukulasyAsya pR^ithivyAshcha mahArathaH . 
pradhAnashchAsi nAthashcha devAnAM maghavAniva .. 7..\\
vishrutastriShu lokeShu yashasA vikrameNa cha . 
pitR^ivratatva.n satya.n cha tvayi dharmashcha puShkalaH .. 8..\\
tvAmAsAdya mahAtmAna.n dharmaGYaM dharmavatsalam . 
arthitvAnnAtha vakShyAmastachcha naH kShantumarhasi .. 9..\\
adhArmastu mahA.nstAta bhavettasya mahIpateH . 
yo haredbaliShaDbhAgaM na cha rakShati putravat .. 10..\\
yu~njAnaH svAniva prANAnprANairiShTAnsutAniva . 
nityayuktaH sadA rakShansarvAnviShayavAsinaH .. 11..\\
prApnoti shAshvatI.n rAma kIrtiM sa bahuvArShikIm . 
brahmaNaH sthAnamAsAdya tatra chApi mahIyate .. 12..\\
yatkaroti para.n dharmaM munirmUlaphalAshanaH . 
tatra rAGYashchaturbhAgaH prajA dharmeNa rakShataH .. 13..\\
so.ayaM brAhmaNabhUyiShTho vAnaprasthagaNo mahAn . 
tvannAtho.anAthavadrAma rAkShasairvadhyate bhR^isham .. 14..\\
ehi pashya sharIrANi munInAM bhAvitAtmanAm . 
hatAnA.n rAkShasairghorairbahUnAM bahudhA vane .. 15..\\
pampAnadInivAsAnAmanumandAkinIm api . 
chitrakUTAlayAnA.n cha kriyate kadanaM mahat .. 16..\\
eva.n vayaM na mR^iShyAmo viprakAra.n tapasvinam . 
kriyamANa.n vane ghoraM rakShobhirbhImakarmabhiH .. 17..\\
tatastvA.n sharaNArtha.n cha sharaNyaM samupasthitAH . 
paripAlaya no rAma vadhyamAnAnnishAcharaiH .. 18..\\
etachchhrutvA tu kAkutsthastApasAnA.n tapasvinAm . 
idaM provAcha dharmAtmA sarvAneva tapasvinaH . 
naivamarhatha mA.n vaktumAGYApyo.aha.n tapasvinam .. 19..\\
bhavatAmarthasiddhyarthamAgato.aha.n yadR^ichchhayA . 
tasya me.aya.n vane vAso bhaviShyati mahAphalaH . 
tapasvinA.n raNe shatrUnhantumichchhAmi rAkShasAn .. 20..\\
dattvA vara.n chApi tapodhanAnAM 
dharme dhR^itAtmA sahalakShmaNena . 
tapodhanaishchApi sahArya vR^ittaH 
sutIShkNamevAbhijagAma vIraH .. 21..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}