\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{2}##
##\begin{center}##
\section{araNyakaaNDa}
##\end{center}##
\medskip
 51
khamutpatanta.n taM dR^iShTvA maithilI janakAtmajA . 
duHkhitA paramodvignA bhaye mahati vartinI .. 1..\\
roSharodanatAmrAkShI bhImAkSha.n rAkShasAdhipam . 
rudatI karuNa.n sItA hriyamANedamabravIt .. 2..\\
na vyapatrapase nIcha karmaNAnena rAvaNa . 
GYAtvA virahitA.n yo mA.n chorayitvA palAyase .. 3..\\
tvayaiva nUna.n duShTAtmanbhIruNA hartumichchhatA . 
mamApavAhito bhartA mR^igarUpeNa mAyayA . 
yo hi mAmudyatastrAtu.n so.apyayaM vinipAtitaH .. 4..\\
parama.n khalu te vIryaM dR^ishyate rAkShasAdhama . 
vishrAvya nAmadheya.n hi yuddhe nAsti jitA tvayA .. 5..\\
IdR^isha.n garhitaM karma kathaM kR^itvA na lajjase . 
striyAshcha haraNaM nIcha rahite cha parasya cha .. 6..\\
kathayiShyanti lokeShu puruShAH karma kutsitam . 
sunR^isha.nsamadharmiShTha.n tava shauNDIryamAninaH .. 7..\\
dhikte shaurya.n cha sattvaM cha yattvayA kathitaM tadA . 
kulAkroshakara.n loke dhikte chAritramIdR^isham .. 8..\\
ki.n shakya.n kartumevaM hi yajjavenaiva dhAvasi . 
muhUrtamapi tiShThasva na jIvanpratiyAsyasi .. 9..\\
na hi chakShuHpathaM prApya tayoH pArthivaputrayoH . 
sasainyo.api samartaHstvaM muhUrtamapi jIvitum .. 10..\\
na tva.n tayoH sharasparsha.n soDhuM shaktaH kathaM chana . 
vane prajvalitasyeva sparshamagnerviha~NgamaH .. 11..\\
sAdhu kR^itvAtmanaH pathya.n sAdhu mAM mu~ncha rAvaNa . 
matpradharShaNaruShTo hi bhrAtrA saha patirmama . 
vidhAsyati vinAshAya tvaM mA.n yadi na mu~nchasi .. 12..\\
yena tva.n vyavasAyena balAnmAM hartumichchhasi . 
vyavasAyaH sa te nIcha bhaviShyati nirarthakaH .. 13..\\
na hyaha.n tamapashyantI bhartAra.n vibudhopamam . 
utsahe shatruvashagA prANAndhArayitu.n chiram .. 14..\\
na nUna.n chAtmanaH shreyaH pathya.n vA samavekShase . 
mR^ityukAle yathA martyo viparItAni sevate .. 15..\\
mumUrShUNA.n hi sarveShAM yatpathya.n tanna rochate . 
pashyAmIva hi kaNThe tvA.n kAlapAshAvapAshitam .. 16..\\
yathA chAsminbhayasthAne na bibheShe dashAnana . 
vyakta.n hiraNmayAnhi tvaM sampashyasi mahIruhAn .. 17..\\
nadI.n vairataNI.n ghorAM rudhiraughanivAhinIm . 
khaDgapatravana.n chaiva bhImaM pashyasi rAvaNa .. 18..\\
taptakA~nchanapuShpA.n cha vaidUryapravarachchhadAm . 
drakShyase shAlmalI.n tIkShNAmAyasaiH kaNTakaishchitAm .. 19..\\
na hi tvamIdR^isha.n kR^itvA tasyAlIkaM mahAtmanaH . 
dhAritu.n shakShyasi chiraM viShaM pItveva nirghR^iNaH .. 20..\\
baddhastva.n kAlapAshena durnivAreNa rAvaNa . 
kva gato lapsyase sharma bharturmama mahAtmanaH .. 21..\\
nimeShAntaramAtreNa vinA bhrAtaramAhave . 
rAkShasA nihatA yena sahasrANi chaturdasha .. 22..\\
sa katha.n rAghavo vIraH sarvAstrakushalo balI . 
na tvA.n hanyAchchharaistIkShNairiShTabhAryApahAriNam .. 23..\\
etachchAnyachcha paruSha.n vaidehI rAvaNA~NkagA . 
bhayashokasamAviShTA karuNa.n vilalApa ha .. 24..\\
tathA bhR^ishArtAM bahu chaiva bhAShiNIM 
vilalApa pUrva.n karuNaM cha bhAminIm . 
jahAra pApastaruNI.n viveShTatIM 
nR^ipAtmajAmAgatagAtravepathum .. 25..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}