\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{2}##
##\begin{center}##
\section{araNyakaaNDa}
##\end{center}##
\medskip
 52
hriyamANA tu vaidehI ka.n chinnAthamapashyatI . 
dadarsha girishR^i~NgasthAnpa~nchavAnarapu~NgavAn .. 1..\\
teShAM madhye vishAlAkShI kausheya.n kanakaprabham . 
uttarIya.n varArohA shubhAnyAbharaNAni cha . 
mumocha yadi rAmAya sha.nseyuriti maithilI .. 2..\\
vastramutsR^ijya tanmadhye vinikShipta.n sabhUShaNam . 
sambhramAttu dashagrIvastatkarma na cha buddhivAn .. 3..\\
pi~NgAkShAstA.n vishAlAkShIM netrairanimiShairiva . 
vikroshantI.n tadA sItAM dadR^ishurvAnararShabhAH .. 4..\\
sa cha pampAmatikramya la~NkAmabhimukhaH purIm . 
jagAma rudatI.n gR^ihya maithilI.n rAkShaseshvaraH .. 5..\\
tA.n jahAra susa.nhR^iShTo rAvaNo mR^ityumAtmanaH . 
utsa~Ngenaiva bhujagI.n tIkShNadaMShTrAM mahAviShAm .. 6..\\
vanAni saritaH shailAnsarA.nsi cha vihAyasA . 
sa kShipra.n samatIyAya sharashchApAdiva chyutaH .. 7..\\
timinakraniketa.n tu varuNAlayamakShayam . 
saritA.n sharaNa.n gatvA samatIyAya sAgaram .. 8..\\
sambhramAtparivR^ittormI ruddhamInamahoragaH . 
vaidehyA.n hriyamANAyAM babhUva varuNAlayaH .. 9..\\
antarikShagatA vAchaH sasR^ijushchAraNAstadA . 
etadanto dashagrIva iti siddhAstadAbruvan .. 10..\\
sa tu sItA.n viveShTantIma~NkenAdAya rAvaNaH . 
pravivesha purI.n la~NkAM rUpiNIM mR^ityumAtmanaH .. 11..\\
so.abhigamya purI.n la~NkAM suvibhaktamahApathAm . 
sa.nrUDhakakShyA bahula.n svamantaHpuramAvishat .. 12..\\
tatra tAmasitApA~NgI.n shokamohaparAyaNAm . 
nidadhe rAvaNaH sItAM mayo mAyAmivAsurIm .. 13..\\
abravIchcha dashagrIvaH pishAchIrghoradarshanAH . 
yathA nainAM pumAnstrI vA sItAM pashyatyasaMmataH .. 14..\\
muktAmaNisuvarNAni vastrANyAbharaNAni cha . 
yadyadichchhettadevAsyA deyaM machchhandato yathA .. 15..\\
yA cha vakShyati vaidehI.n vachana.n kiM chidapriyam . 
aGYAnAdyadi vA GYAnAnna tasyA jIvitaM priyam .. 16..\\
tathoktvA rAkShasIstAstu rAkShasendraH pratApavAn . 
niShkramyAntaHpurAttasmAtki.n kR^ityamiti chintayan . 
dadarshAShTau mahAvIryAnrAkShasAnpishitAshanAn .. 17..\\
sa tAndR^iShTvA mahAvIryo varadAnena mohitaH . 
uvAchaitAnida.n vAkyaM prashasya balavIryataH .. 18..\\
nAnApraharaNAH kShipramito gachchhata satvarAH . 
janasthAna.n hatasthAnaM bhUtapUrva.n kharAlayam .. 19..\\
tatroShyatA.n janasthAne shUnye nihatarAkShase . 
pauruShaM balamAshritya trAsamutsR^ijya dUrataH .. 20..\\
bala.n hi sumahadyanme janasthAne niveshitam . 
sadUShaNakhara.n yuddhe hata.n tadrAmasAyakaiH .. 21..\\
tataH krodho mamApUrvo dhairyasyopari vardhate . 
vaira.n cha sumahajjAta.n rAmaM prati sudAruNam .. 22..\\
niryAtayitumichchhAmi tachcha vairamaha.n ripoH . 
na hi lapsyAmyahaM nidrAmahatvA sa.nyuge ripum .. 23..\\
ta.n tvidAnImaha.n hatvA kharadUShaNaghAtinam . 
rAma.n sharmopalapsyAmi dhanaM labdhveva nirdhanaH .. 24..\\
janasthAne vasadbhistu bhavadbhI rAmamAshritA . 
pravR^ittirupanetavyA ki.n karotIti tattvataH .. 25..\\
apramAdAchcha gantavya.n sarvaireva nishAcharaiH . 
kartavyashcha sadA yatno rAghavasya vadhaM prati .. 26..\\
yuShmAka.n hi balaGYo.ahaM bahusho raNamUrdhani . 
atashchAsmi~njanasthAne mayA yUyaM niyojitAH .. 27..\\
tataH priya.n vAkyamupetya rAkShasA 
mahArthamaShTAvabhivAdya rAvaNam . 
vihAya la~NkA.n sahitAH pratasthire 
yato janasthAnamalakShyadarshanAH .. 28..\\
tatastu sItAmupalabhya rAvaNaH 
susamprahR^iShTaH parigR^ihya maithilIm . 
prasajya rAmeNa cha vairamuttamaM 
babhUva mohAnmuditaH sa rAkShasaH .. 29..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}