\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{2}##
##\begin{center}##
\section{araNyakaaNDa}
##\end{center}##
\medskip
 53
sandishya rAkShasAnghorAnrAvaNo.aShTau mahAbalAn . 
AtmAnaM buddhivaiklavyAtkR^itakR^ityamamanyata .. 1..\\
sa chintayAno vaidehI.n kAmabANasamarpitaH . 
pravivesha gR^iha.n ramyaM sItA.n draShTumabhitvaran .. 2..\\
sa pravishya tu tadveshma rAvaNo rAkShasAdhipaH . 
apashyadrAkShasImadhye sItA.n shokaparAyaNam .. 3..\\
ashrupUrNamukhI.n dInA.n shokabhArAvapIDitAm . 
vAyuvegairivAkrAntAM majjantIM nAvamarNave .. 4..\\
mR^igayUthaparibhraShTAM mR^igI.n shvabhirivAvR^itAm . 
adhomukhamukhI.n dInAmabhyetya cha nishAcharaH .. 5..\\
tA.n tu shokavashAM dInAmavashA.n rAkShasAdhipaH . 
sa balAddarshayAmAsa gR^iha.n devagR^ihopamam .. 6..\\
harmyaprAsAdasambadha.n strIsahasraniShevitam . 
nAnApakShigaNairjuShTaM nAnAratnasamanvitam .. 7..\\
kA~nchanaistApanIyaishcha sphATikai rAjataistathA . 
vajravaidUryachitraishcha stambhairdR^iShTimanoharaiH .. 8..\\
divyadundubhinirhrAda.n taptakA~nchanatoraNam . 
sopAna.n kA~nchanaM chitramAruroha tayA saha .. 9..\\
dAntakA rAjatAshchaiva gavAkShAH priyadarshanAH . 
hemajAlAvR^itAshchAsa.nstatra prAsAdapa~NktayaH .. 10..\\
sudhAmaNivichitrANi bhUmibhAgAni sarvashaH . 
dashagrIvaH svabhavane prAdarshayata maithilIm .. 11..\\
dIrghikAH puShkariNyashcha nAnApuShpasamAvR^itAH . 
rAvaNo darshayAmAsa sItA.n shokaparAyaNAm .. 12..\\
darshayitvA tu vaidehI.n kR^itsnaM tadbhavanottamam . 
uvAcha vAkyaM pApAtmA rAvaNo janakAtmajAm .. 13..\\
dasharAkShasakoTyashcha dvAviMshatirathAparAH . 
varjayitvA jarA vR^iddhAnbAlAMshcha rajanIcharAn .. 14..\\
teShAM prabhuraha.n sIte sarveShAM bhImakarmaNAm . 
sahasramekamekasya mama kAryapuraHsaram .. 15..\\
yadida.n rAjyatantraM me tvayi sarvaM pratiShThitam . 
jIvita.n cha vishAlAkShi tvaM me prANairgarIyasI .. 16..\\
bahUnA.n strIsahasrANAM mama yo.asau parigrahaH . 
tAsA.n tvamIshvarI sIte mama bhAryA bhava priye .. 17..\\
sAdhu ki.n te.anyayA buddhyA rochayasva vacho mama . 
bhajasva mAbhitaptasya prasAda.n kartumarhasi .. 18..\\
parikShiptA samudreNa la~Nkeya.n shatayojanA . 
neya.n dharShayitu.n shakyA sendrairapi surAsuraiH .. 19..\\
na deveShu na yakSheShu na gandharveShu narShiShu . 
ahaM pashyAmi lokeShu yo me vIryasamo bhavet .. 20..\\
rAjyabhraShTena dInena tApasena gatAyuShA . 
ki.n kariShyasi rAmeNa mAnuSheNAlpatejasA .. 21..\\
bhajasva sIte mAmeva bhartAha.n sadR^ishastava . 
yauvana.n hyadhruvaM bhIru ramasveha mayA saha .. 22..\\
darshane mA kR^ithA buddhi.n rAghavasya varAnane . 
kAsya shaktirihAgantumapi sIte manorathaiH .. 23..\\
na shakyo vAyurAkAshe pAshairbaddhaM mahAjavaH . 
dIpyamAnasya vApyagnergrahItu.n vimalAM shikhAm .. 24..\\
trayANAmapi lokAnAM na taM pashyAmi shobhane . 
vikrameNa nayedyastvAM madbAhuparipAlitAm .. 25..\\
la~NkAyA.n sumahadrAjyamida.n tvamanupAlaya . 
abhiShekodakaklinnA tuShTA cha ramayasva mAm .. 26..\\
duShkR^ita.n yatpurA karma vanavAsena tadgatam . 
yashcha te sukR^ito dharmastasyeha phalamApnuhi .. 27..\\
iha sarvANi mAlyAni divyagandhAni maithili . 
bhUShaNAni cha mukhyAni tAni seva mayA saha .. 28..\\
puShpakaM nAma sushroNi bhrAturvaishravaNasya me . 
vimAna.n ramaNIya.n cha tadvimAnaM manojavam .. 29..\\
tatra sIte mayA sArdha.n viharasva yathAsukham . 
vadanaM padmasa~NkAsha.n vimala.n chArudarshanam .. 30..\\
shokArta.n tu varArohe na bhrAjati varAnane . 
ala.n vrIDena vaidehi dharmalopa kR^itena te .. 31..\\
ArSho.aya.n daivaniShyando yastvAmabhigamiShyati . 
etau pAdau mayA snigdhau shirobhiH paripIDitau .. 32..\\
prasAda.n kuru me kShipra.n vashyo dAso.ahamasmi te . 
nemAH shUnyA mayA vAchaH shuShyamANena bhAShitAH .. 33..\\
na chApi rAvaNaH kA.n chinmUrdhnA strIM praNameta ha . 
evamuktvA dashagrIvo maithilI.n janakAtmajAm .. 34..\\
kR^itAntavashamApanno mameyamiti manyate .. 35..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}