\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{2}##
##\begin{center}##
\section{araNyakaaNDa}
##\end{center}##
\medskip
 58
bhR^ishamAvrajamAnasya tasyAdhovAmalochanam . 
prAsphurachchAskhaladrAmo vepathushchAsya jAyate .. 1..\\
upAlakShya nimittAni so.ashubhAni muhurmuhuH . 
api kShema.n tu sItAyA iti vai vyAjahAra ha .. 2..\\
tvaramANo jagAmAtha sItAdarshanalAlasaH . 
shUnyamAvasatha.n dR^iShTvA babhUvodvignamAnasaH .. 3..\\
udbhramanniva vegena vikShipanraghunandanaH . 
tatra tatroTajasthAnamabhivIkShya samantataH .. 4..\\
dadarsha parNashAlA.n cha rahitA.n sItayA tadA . 
shriyA virahitA.n dhvastA.n hemante padminIm iva .. 5..\\
rudantamiva vR^ikShaishcha mlAnapuShpamR^igadvijam . 
shriyA vihIna.n vidhvastaM santyaktavanadaivatam .. 6..\\
viprakIrNAjinakusha.n vipraviddhabR^isIkaTam . 
dR^iShTvA shUnyoTajasthAna.n vilalApa punaH punaH .. 7..\\
hR^itA mR^itA vA naShTA vA bhakShitA vA bhaviShyati . 
nilInApyatha vA bhIruratha vA vanamAshritA .. 8..\\
gatA vichetuM puShpANi phalAnyapi cha vA punaH . 
atha vA padminI.n yAtA jalArthaM vA nadI.n gatA .. 9..\\
yatnAnmR^igayamANastu nAsasAda vane priyAm . 
shokaraktekShaNaH shokAdunmatta iva lakShyate .. 10..\\
vR^ikShAdvR^ikShaM pradhAvansa girIMshchApi nadInnadIm . 
babhUva vilapanrAmaH shokapa~NkArNavaplutaH .. 11..\\
asti kachchittvayA dR^iShTA sA kadambapriyA priyA . 
kadamba yadi jAnIShe sha.nsa sItA.n shubhAnanAm .. 12..\\
snigdhapallavasa~NkAshAM pItakausheyavAsinIm . 
sha.nsasva yadi vA dR^iShTA bilva bilvopamastanI .. 13..\\
atha vArjuna sha.nsa tvaM priyA.n tAmarjunapriyAm . 
janakasya sutA bhIruryadi jIvati vA na vA .. 14..\\
kakubhaH kakubhoru.n tA.n vyaktaM jAnAti maithilIm . 
latApallavapuShpADhyo bhAti hyeSha vanaspatiH .. 15..\\
bhramarairupagItashcha yathA drumavaro hyayam . 
eSha vyakta.n vijAnAti tilakastilakapriyAm .. 16..\\
ashokashokApanuda shokopahatachetasaM . 
tvannAmAna.n kuru kShipraM priyAsandarshanena mAm .. 17..\\
yadi tAla tvayA dR^iShTA pakvatAlaphalastanI . 
kathayasva varArohA.n kAruShya.n yadi te mayi .. 18..\\
yadi dR^iShTA tvayA sItA jambujAmbUnadaprabhA . 
priyA.n yadi vijAnIShe niHsha~Nka.n kathayasva me .. 19..\\
atha vA mR^igashAvAkShIM mR^iga jAnAsi maithilIm . 
mR^igaviprekShaNI kAntA mR^igIbhiH sahitA bhavet .. 20..\\
gaja sA gajanAsoruryadi dR^iShTA tvayA bhavet . 
tAM manye viditA.n tubhyamAkhyAhi varavAraNa .. 21..\\
shArdUla yadi sA dR^iShTA priyA chandranibhAnanA . 
maithilI mama visrabdhaH kathayasva na te bhayam .. 22..\\
ki.n dhAvasi priye nUnaM dR^iShTAsi kamalekShaNe . 
vR^ikSheNAchchhAdya chAtmAna.n kiM mAM na pratibhAShase .. 23..\\
tiShTha tiShTha varArohe na te.asti karuNA mayi . 
nAtyartha.n hAsyashIlAsi kimarthaM mAmupekShase .. 24..\\
pItakausheyakenAsi sUchitA varavarNini . 
dhAvantyapi mayA dR^iShTA tiShTha yadyasti sauhR^idam .. 25..\\
naiva sA nUnamatha vA hi.nsitA chAruhAsinI . 
kR^ichchhraM prApta.n hi mAM nUnaM yathopekShitumarhati .. 26..\\
vyakta.n sA bhakShitA bAlA rAkShasaiH pishitAshanaiH . 
vibhajyA~NgAni sarvANi mayA virahitA priyA .. 27..\\
nUna.n tachchhubhadantauShThaM mukhaM niShprabhatAM gatam . 
sA hi champakavarNAbhA grIvA graiveya shobhitA .. 28..\\
komalA vilapantyAstu kAntAyA bhakShitA shubhA . 
nUna.n vikShipyamANau tau bAhU pallavakomalau .. 29..\\
bhakShitau vepamAnAgrau sahastAbharaNA~Ngadau . 
mayA virahitA bAlA rakShasAM bhakShaNAya vai .. 30..\\
sArtheneva parityaktA bhakShitA bahubAndhavA . 
hA lakShmaNa mahAbAho pashyasi tvaM priyA.n kva chit .. 31..\\
hA priye kva gatA bhadre hA sIteti punaH punaH . 
ityeva.n vilapanrAmaH paridhAvanvanAdvanam .. 32..\\
kva chidudbhramate vegAtkva chidvibhramate balAt . 
kva chinmatta ivAbhAti kAntAnveShaNatatparaH .. 33..\\
sa vanAni nadIH shailAngiriprasravaNAni cha . 
kAnanAni cha vegena bhramatyaparisa.nsthitaH .. 34..\\
tathA sa gatvA vipulaM mahadvanaM 
parItya sarva.n tvatha maithilIM prati . 
aniShThitAshaH sa chakAra mArgaNe 
punaH priyAyAH paramaM parishramam .. 35..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}