\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{2}##
##\begin{center}##
\section{araNyakaaNDa}
##\end{center}##
\medskip
 59
dR^iShTAshramapada.n shUnyaM rAmo dasharathAtmajaH . 
rahitAM parNashAlA.n cha vidhvastAnyAsanAni cha .. 1..\\
adR^iShTvA tatra vaidehI.n saMnirIkShya cha sarvashaH . 
uvAcha rAmaH prAkrushya pragR^ihya ruchirau bhujau .. 2..\\
kva nu lakShmaNa vaidehI ka.n vA deshamito gatA . 
kenAhR^itA vA saumitre bhakShitA kena vA priyA .. 3..\\
vR^iShkeNAvArya yadi mA.n sIte hasitumichchhasi . 
ala.n te hasitenAdya mAM bhajasva suduHkhitam .. 4..\\
yaiH saha krIDase sIte vishvastairmR^igapotakaiH . 
ete hInAstvayA saumye dhyAyantyasrAvilekShaNAH .. 5..\\
mR^ita.n shokena mahatA sItAharaNajena mAm . 
paraloke mahArAjo nUna.n drakShyati me pitA .. 6..\\
kathaM pratiGYA.n saMshrutya mayA tvamabhiyojitaH . 
apUrayitvA ta.n kAlaM matsakAshamihAgataH .. 7..\\
kAmavR^ittamanAryaM mAM mR^iShAvAdinameva cha . 
dhiktvAmiti pare loke vyakta.n vakShyati me pitA .. 8..\\
vivasha.n shokasantapta.n dInaM bhagnamanoratham . 
mAmihotsR^ijya karuNa.n kIrtirnaramivAnR^ijum .. 9..\\
kva gachchhasi varArohe mAmutsR^ijya sumadhyame . 
tvayA virahitashchAhaM mokShye jIvitamAtmanaH .. 10..\\
itIva vilapanrAmaH sItAdarshanalAlasaH . 
na dadarsha suduHkhArto rAghavo janakAtmajAm .. 11..\\
anAsAdayamAna.n ta.n sItAM dasharathAtmajam . 
pa~NkamAsAdya vipula.n sIdantamiva ku~njaram . 
lakShmaNo rAmamatyarthamuvAcha hitakAmyayA .. 12..\\
mA viShAdaM mahAbAho kuru yatnaM mayA saha . 
ida.n cha hi vana.n shUra bahukandarashobhitam .. 13..\\
priyakAnanasa~ncArA vanonmattA cha maithilI . 
sA vana.n vA praviShTA syAnnalinIM vA supuShpitAm .. 14..\\
sarita.n vApi samprAptA mInava~njurasevitAm . 
vitrAsayitukAmA vA lInA syAtkAnane kva chit . 
jiGYAsamAnA vaidehI tvAM mA.n cha puruSharShabha .. 15..\\
tasyA hyanveShaNe shrImankShiprameva yatAvahe . 
vana.n sarvaM vichinuvo yatra sA janakAtmajA . 
manyase yadi kAkutstha mA sma shoke manaH kR^ithAH .. 16..\\
evamuktastu sauhArdAllakShmaNena samAhitaH . 
saha saumitriNA rAmo vichetumupachakrame . 
tau vanAni girIMshchaiva saritashcha sarA.nsi cha .. 17..\\
nikhilena vichinvantau sItA.n dasharathAtmajau . 
tasya shailasya sAnUni guhAshcha shikharANi cha .. 18..\\
nikhilena vichinvantau naiva tAmabhijagmatuH . 
vichitya sarvataH shaila.n rAmo lakShmaNamabravIt .. 19..\\
neha pashyAmi saumitre vaidehIM parvate shubhe . 
tato duHkhAbhisantapto lakShmaNo vAkyamabravIt .. 20..\\
vicharandaNDakAraNyaM bhrAtara.n dIptatejasaM . 
prApsyasi tvaM mahAprAGYa maithilI.n janakAtmajAm .. 21..\\
yathA viShNurmahAbAhurbaliM baddhvA mahImimAm . 
evamuktastu vIreNa lakShmaNena sa rAghavaH .. 22..\\
uvAcha dInayA vAchA duHkhAbhihatachetanaH . 
vana.n sarvaM suvichitaM padminyaH phullapa~NkajAH .. 23..\\
girishchAyaM mahAprAGYa bahukandaranirjharaH . 
na hi pashyAmi vaidehIM prANebhyo.api garIyasIm .. 24..\\
eva.n sa vilapanrAmaH sItAharaNakarshitaH . 
dInaH shokasamAviShTo muhUrta.n vihvalo.abhavat .. 25..\\
sa vihvalitasarvA~Ngo gatabuddhirvichetanaH . 
viShasAdAturo dIno niHshvasyAshItamAyatam .. 26..\\
bahushaH sa tu niHshvasya rAmo rAjIvalochanaH . 
hA priyeti vichukrosha bahusho bAShpagadgadaH .. 27..\\
ta.n sAntvayAmAsa tato lakShmaNaH priyabAndhavaH . 
bahuprakAra.n dharmaGYaH prashritaH prashritA~njaliH .. 28..\\
anAdR^itya tu tadvAkya.n lakShmaNauShThapuTachyutam . 
apashya.nstAM priyA.n sItAM prAkroshatsa punaH punaH .. 29..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}