\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{2}##
##\begin{center}##
\section{araNyakaaNDa}
##\end{center}##
\medskip
 60
sa dIno dInayA vAchA lakShmaNa.n vAkyamabravIt . 
shIghra.n lakShmaNa jAnIhi gatvA godAvarIM nadIm . 
api godAvarI.n sItA padmAnyAnayitu.n gatA .. 1..\\
evamuktastu rAmeNa lakShmaNaH punareva hi . 
nadI.n godAvarI.n ramyAM jagAma laghuvikramaH .. 2..\\
tA.n lakShmaNastIrthavatIM vichitvA rAmamabravIt . 
nainAM pashyAmi tIrtheShu kroshato na shR^iNoti me .. 3..\\
kaM nu sA deshamApannA vaidehI kleshanAshinI . 
na hi ta.n vedmi vai rAma yatra sA tanumadhyamA .. 4..\\
lakShmaNasya vachaH shrutvA dInaH santApa mohitaH . 
rAmaH samabhichakrAma svaya.n godAvarIM nadIm .. 5..\\
sa tAmupasthito rAmaH kva sItetyevamabravIt .. 6..\\
bhUtAni rAkShasendreNa vadhArheNa hR^itAm api . 
na tA.n shasha.nsU rAmAya tathA godAvarI nadI .. 7..\\
tataH prachoditA bhUtaiH sha.nsAsmai tAM priyAm iti . 
na cha sAbhyavadatsItAM pR^iShTA rAmeNa shochitA .. 8..\\
rAvaNasya cha tadrUpa.n karmANi cha durAtmanaH . 
dhyAtvA bhayAttu vaidehI.n sA nadI na shasha.nsa tAm .. 9..\\
nirAshastu tayA nadyA sItAyA darshane kR^itaH . 
uvAcha rAmaH saumitri.n sItAdarshanakarshitaH .. 10..\\
kiM nu lakShmaNa vakShyAmi sametya janaka.n vachaH . 
mAtara.n chaiva vaidehyA vinA tAm ahamapriyam .. 11..\\
yA me rAjyavihInasya vane vanyena jIvataH . 
sarva.n vyapanayachchhokaM vaidehI kva nu sA gatA .. 12..\\
GYAtipakShavihInasya rAjaputrImapashyataH . 
manye dIrghA bhaviShyanti rAtrayo mama jAgrataH .. 13..\\
godAvarI.n janasthAnamimaM prasravaNaM girim . 
sarvANyanuchariShyAmi yadi sItA hi dR^ishyate .. 14..\\
eva.n sambhAShamANau tAvanyonyaM bhrAtarAvubhau . 
vasundharAyAM patitaM puShpamArgamapashyatAm .. 15..\\
tAM puShpavR^iShTiM patitA.n dR^iShTvA rAmo mahItale . 
uvAcha lakShmaNa.n vIro duHkhito duHkhitaM vachaH .. 16..\\
abhijAnAmi puShpANi tAnImAmIha lakShmaNa . 
apinaddhAni vaidehyA mayA dattAni kAnane .. 17..\\
evamuktvA mahAbAhurlakShmaNaM puruSharShabham . 
kruddho.abravIdgiri.n tatra si.nhaH kShudramR^iga.n yathA .. 18..\\
tA.n hemavarNAM hemAbhAM sItA.n darshaya parvata . 
yAvatsAnUni sarvANi na te vidhva.nsayAmyaham .. 19..\\
mama bANAgninirdagdho bhasmIbhUto bhaviShyasi . 
asevyaH satata.n chaiva nistR^iNadrumapallavaH .. 20..\\
imA.n vA sarita.n chAdya shoShayiShyAmi lakShmaNa . 
yadi nAkhyAti me sItAmadya chandranibhAnanAm .. 21..\\
eva.n sa ruShito rAmo didhakShanniva chakShuShA . 
dadarsha bhUmau niShkrAnta.n rAkShasasya padaM mahat .. 22..\\
sa samIkShya parikrAnta.n sItAyA rAkShasasya cha . 
sambhrAntahR^idayo rAmaH shasha.nsa bhrAtaraM priyam .. 23..\\
pashya lakShmaNa vaidehyAH shIrNAH kanakabindavaH . 
bhUShaNAnA.n hi saumitre mAlyAni vividhAni cha .. 24..\\
taptabindunikAshaishcha chitraiH kShatajabindubhiH . 
AvR^itaM pashya saumitre sarvato dharaNItalam .. 25..\\
manye lakShmaNa vaidehI rAkShasaiH kAmarUpibhiH . 
bhittvA bhittvA vibhaktA vA bhakShitA vA bhaviShyati .. 26..\\
tasya nimitta.n vaidehyA dvayorvivadamAnayoH . 
babhUva yuddha.n saumitre ghoraM rAkShasayoriha .. 27..\\
muktAmaNichita.n chedaM tapanIyavibhUShitam . 
dharaNyAM patita.n saumya kasya bhagnaM mahaddhanuH .. 28..\\
taruNAdityasa~NkAsha.n vaidUryagulikAchitam . 
vishIrNaM patitaM bhUmau kavacha.n kasya kA~nchanam .. 29..\\
chhatra.n shatashalAka.n cha divyamAlyopashobhitam . 
bhagnadaNDamida.n kasya bhUmau saumya nipAtitam .. 30..\\
kA~nchanorashchhadAshcheme pishAchavadanAH kharAH . 
bhImarUpA mahAkAyAH kasya vA nihatA raNe .. 31..\\
dIptapAvakasa~NkAsho dyutimAnsamaradhvajaH . 
apaviddhashcha bhagnashcha kasya sA~NgrAmiko rathaH .. 32..\\
rathAkShamAtrA vishikhAstapanIyavibhUShaNAH . 
kasyeme.abhihatA bANAH prakIrNA ghorakarmaNaH .. 33..\\
vaira.n shataguNaM pashya mameda.n jIvitAntakam . 
sughorahR^idayaiH saumya rAkShasaiH kAmarUpibhiH .. 34..\\
hR^itA mR^itA vA sItA hi bhakShitA vA tapasvinI . 
na dharmastrAyate sItA.n hriyamANAM mahAvane .. 35..\\
bhakShitAyA.n hi vaidehyAM hR^itAyAmapi lakShmaNa . 
ke hi loke priya.n kartu.n shaktAH saumya mameshvarAH .. 36..\\
kartAramapi lokAnA.n shUra.n karuNavedinam . 
aGYAnAdavamanyeransarvabhUtAni lakShmaNa .. 37..\\
mR^idu.n lokahite yukta.n dAntaM karuNavedinam . 
nirvIrya iti manyante nUnaM mA.n tridasheshvarAH .. 38..\\
mAM prApya hi guNo doShaH sa.nvR^ittaH pashya lakShmaNa . 
adyaiva sarvabhUtAnA.n rakShasAmabhavAya cha . 
sa.nhR^ityaiva shashijyotsnAM mahAnsUrya ivoditaH .. 39..\\
naiva yakShA na gandharvA na pishAchA na rAkShasAH . 
kiMnarA vA manuShyA vA sukhaM prApsyanti lakShmaNa .. 40..\\
mamAstrabANasampUrNamAkAshaM pashya lakShmaNa . 
niHsampAta.n kariShyAmi hyadya trailokyachAriNAm .. 41..\\
saMniruddhagrahagaNamAvAritanishAkaram . 
vipranaShTAnalamarudbhAskaradyutisa.nvR^itam .. 42..\\
vinirmathitashailAgra.n shuShyamANajalAshayam . 
dhvastadrumalatAgulma.n vipraNAshitasAgaram .. 43..\\
na tA.n kushalinI.n sItAM pradAsyanti mameshvarAH . 
asminmuhUrte saumitre mama drakShyanti vikramam .. 44..\\
nAkAshamutpatiShyanti sarvabhUtAni lakShmaNa . 
mama chApaguNAnmuktairbANajAlairnirantaram .. 45..\\
arditaM mama nArAchairdhvastabhrAntamR^igadvijam . 
samAkulamamaryAda.n jagatpashyAdya lakShmaNa .. 46..\\
AkarNapUrNairiShubhirjIvaloka.n durAvaraiH . 
kariShye maithilIhetorapishAchamarAkShasaM .. 47..\\
mama roShaprayuktAnA.n sAyakAnAM balaM surAH . 
drakShyantyadya vimuktAnAmamarShAddUragAminAm .. 48..\\
naiva devA na daiteyA na pishAchA na rAkShasAH . 
bhaviShyanti mama krodhAttrailokye vipraNAshite .. 49..\\
devadAnavayakShANA.n lokA ye rakShasAm api . 
bahudhA nipatiShyanti bANaughaiH shakulIkR^itAH . 
nirmaryAdAnimA.NllokAnkariShyAmyadya sAyakaiH .. 50..\\
yathA jarA yathA mR^ityuryathAkAlo yathAvidhiH . 
nityaM na pratihanyante sarvabhUteShu lakShmaNa . 
tathAha.n krodhasa.nyukto na nivAryo.asmyasaMshayam .. 51..\\
pureva me chArudatImaninditAM 
dishanti sItA.n yadi nAdya maithilIm . 
sadevagandharvamanuShya pannagaM 
jagatsashailaM parivartayAmyaham .. 52..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}