\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{2}##
##\begin{center}##
\section{araNyakaaNDa}
##\end{center}##
\medskip
 62
ta.n tathA shokasantapta.n vilapantamanAthavat . 
mohena mahatAviShTaM paridyUnamachetanam .. 1..\\
tataH saumitrirAshvAsya muhUrtAdiva lakShmaNaH . 
rAma.n sambodhayAmAsa charaNau chAbhipIDayan .. 2..\\
mahatA tapasA rAma mahatA chApi karmaNA . 
rAGYA dasharathenAsIllabdho.amR^itamivAmaraiH .. 3..\\
tava chaiva guNairbaddhastvadviyogAnmahIpatiH . 
rAjA devatvamApanno bharatasya yathA shrutam .. 4..\\
yadi duHkhamidaM prApta.n kAkutstha na sahiShyase . 
prAkR^itashchAlpasattvashcha itaraH kaH sahiShyati .. 5..\\
duHkhito hi bhavA.NllokA.nstejasA yadi dhakShyate . 
ArtAH prajA naravyAghra kva nu yAsyanti nirvR^itim .. 6..\\
lokasvabhAva evaiSha yayAtirnahuShAtmajaH . 
gataH shakreNa sAlokyamanayasta.n samaspR^ishat .. 7..\\
maharShayo vasiShThastu yaH piturnaH purohitaH . 
ahnA putrashata.n jaGYe tathaivAsya punarhatam .. 8..\\
yA cheya.n jagato mAtA devI lokanamaskR^itA . 
asyAshcha chalanaM bhUmerdR^ishyate satyasaMshrava .. 9..\\
yau chemau jagatAM netre yatra sarvaM pratiShThitam . 
Adityachandrau grahaNamabhyupetau mahAbalau .. 10..\\
sumahAntyapi bhUtAni devAshcha puruSharShabha . 
na daivasya pramu~nchanti sarvabhUtAni dehinaH .. 11..\\
shakrAdiShvapi deveShu vartamAnau nayAnayau . 
shrUyete narashArdUla na tva.n vyathitumarhasi .. 12..\\
naShTAyAmapi vaidehyA.n hR^itAyAmapi chAnagha . 
shochituM nArhase vIra yathAnyaH prAkR^itastathA .. 13..\\
tvadvidhA hi na shochanti satata.n satyadarshinaH . 
sumahatsvapi kR^ichchhreShu rAmAnirviNNadarshaNAH .. 14..\\
tattvato hi narashreShTha buddhyA samanuchintaya . 
buddhyA yuktA mahAprAGYA vijAnanti shubhAshubhe .. 15..\\
adR^iShTaguNadoShANAmadhR^itAnA.n cha karmaNAm . 
nAntareNa kriyA.n teShAM phalamiShTaM pravartate .. 16..\\
mAmeva hi purA vIra tvameva bahuSho.anvashAH . 
anushiShyAddhi ko nu tvAmapi sAkShAdbR^ihaspatiH .. 17..\\
buddhishcha te mahAprAGYa devairapi duranvayA . 
shokenAbhiprasupta.n te GYAna.n sambodhayAmyaham .. 18..\\
divya.n cha mAnuShaM chaivamAtmanashcha parAkramam . 
ikShvAkuvR^iShabhAvekShya yatasva dviShatAM badhe .. 19..\\
ki.n te sarvavinAshena kR^itena puruSharShabha . 
tameva tu ripuM pApa.n viGYAyoddhartumarhasi .. 20..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}