\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{2}##
##\begin{center}##
\section{araNyakaaNDa}
##\end{center}##
\medskip
 64
rAmaH prekShya tu ta.n gR^idhraM bhuvi raudreNa pAtitam . 
saumitriM mitrasampannamida.n vachanamabravIt .. 1..\\
mamAyaM nUnamartheShu yatamAno viha~NgamaH . 
rAkShasena hataH sa~Nkhye prANA.nstyajati dustyajAn .. 2..\\
ayamasya sharIre.asminprANo lakShmaNa vidyate . 
tathA svaravihIno.aya.n viklavaM samudIkShate .. 3..\\
jaTAyo yadi shaknoShi vAkya.n vyAharituM punaH . 
sItAmAkhyAhi bhadra.n te vadhamAkhyAhi chAtmanaH .. 4..\\
kiMnimitto.aharatsItA.n rAvaNastasya kiM mayA . 
aparAddha.n tu yaM dR^iShTvA rAvaNena hR^itA priyA .. 5..\\
katha.n tachchandrasa~NkAshaM mukhamAsInmanoharam . 
sItayA kAni choktAni tasminkAle dvijottama .. 6..\\
katha.nvIryaH katha.nrUpaH ki~NkarmA sa cha rAkShasaH . 
kva chAsya bhavana.n tAta brUhi me paripR^ichchhataH .. 7..\\
tamudvIkShyAtha dInAtmA vilapantamanantaram . 
vAchAtisannayA rAma.n jaTAyuridamabravIt .. 8..\\
sA hR^itA rAkShasendreNa rAvaNena vihAyasA . 
mAyAmAsthAya vipulA.n vAtadurdinasa~NkulAm .. 9..\\
parishrAntasya me tAta pakShau chhittvA nishAcharaH . 
sItAmAdAya vaidehIM prayAto dakShiNA mukhaH .. 10..\\
uparudhyanti me prANA dR^iShTirbhramati rAghava . 
pashyAmi vR^ikShAnsauvarNAnushIrakR^itamUrdhajAn .. 11..\\
yena yAti muhUrtena sItAmAdAya rAvaNaH . 
vipranaShTa.n dhanaM kShipraM tatsvAmipratipadyate .. 12..\\
vindo nAma muhUrto.asau sa cha kAkutstha nAbudhat . 
jhaShavadbaDisha.n gR^ihya kShiprameva vinashyati .. 13..\\
na cha tvayA vyathA kAryA janakasya sutAM prati . 
vaidehyA ra.nsyase kShipra.n hatvA taM rAkShasaM raNe .. 14..\\
asaMmUDhasya gR^idhrasya rAmaM pratyanubhAShataH . 
AsyAtsusrAva rudhiraM mriyamANasya sAmiSham .. 15..\\
putro vishravasaH sAkShAdbhrAtA vaishravaNasya cha . 
ityuktvA durlabhAnprANAnmumocha patageshvaraH .. 16..\\
brUhi brUhIti rAmasya bruvANasya kR^itA~njaleH . 
tyaktvA sharIra.n gR^idhrasya jagmuH prANA vihAyasaM .. 17..\\
sa nikShipya shiro bhUmau prasArya charaNau tadA . 
vikShipya cha sharIra.n svaM papAta dharaNItale .. 18..\\
ta.n gR^idhraM prekShya tAmrAkShaM gatAsumachalopamam . 
rAmaH subahubhirduHkhairdInaH saumitrimabravIt .. 19..\\
bahUni rakShasA.n vAse varShANi vasatA sukham . 
anena daNDakAraNye vichIrNamiha pakShiNA .. 20..\\
anekavArShiko yastu chirakAla.n samutthitaH . 
so.ayamadya hataH shete kAlo hi duratikramaH .. 21..\\
pashya lakShmaNa gR^idhro.ayamupakArI hatash cha me . 
sItAmabhyavapanno vai rAvaNena balIyasA .. 22..\\
gR^idhrarAjyaM parityajya pitR^ipaitAmahaM mahat . 
mama hetorayaM prANAnmumocha patageshvaraH .. 23..\\
sarvatra khalu dR^ishyante sAdhavo dharmachAriNaH . 
shUrAH sharaNyAH saumitre tiryagyonigateShvapi .. 24..\\
sItAharaNaja.n duHkhaM na me saumya tathAgatam . 
yathA vinAsho gR^idhrasya matkR^ite cha parantapa .. 25..\\
rAjA dasharathaH shrImAnyathA mama mayA yashAH . 
pUjanIyashcha mAnyashcha tathAyaM patageshvaraH .. 26..\\
saumitre hara kAShThAni nirmathiShyAmi pAvakam . 
gR^idhrarAja.n didhakShAmi matkR^ite nidhanaM gatam .. 27..\\
nAthaM patagalokasya chitAmAropayAmyaham . 
ima.n dhakShyAmi saumitre hata.n raudreNa rakShasA .. 28..\\
yA gatiryaGYashIlAnAmAhitAgneshcha yA gatiH . 
aparAvartinA.n yA cha yA cha bhUmipradAyinAm .. 29..\\
mayA tva.n samanuGYAto gachchha lokAnanuttamAn . 
gR^idhrarAja mahAsattva sa.nskR^itashcha mayA vraja .. 30..\\
evamuktvA chitA.n dIptAmAropya patageshvaram . 
dadAha rAmo dharmAtmA svabandhumiva duHkhitaH .. 31..\\
rAmo.atha sahasaumitrirvana.n yAtvA sa vIryavAn . 
sthUlAnhatvA mahArohInanu tastAra ta.n dvijam .. 32..\\
rohimA.nsAni choddhR^itya peshIkR^itvA mahAyashAH . 
shakunAya dadau rAmo ramye haritashAdvale .. 33..\\
yattatpretasya martyasya kathayanti dvijAtayaH . 
tatsvargagamana.n tasya kShipra.n rAmo jajApa ha .. 34..\\
tato godAvarI.n gatvA nadIM naravarAtmajau . 
udaka.n chakratustasmai gR^idhrarAjAya tAvubhau .. 35..\\
sa gR^idhrarAjaH kR^itavAnyashaskaraM 
suduShkara.n karma raNe nipAtitaH . 
maharShikalpena cha sa.nskR^itastadA 
jagAma puNyA.n gatimAtmanaH shubhAm .. 36..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}