\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{2}##
##\begin{center}##
\section{araNyakaaNDa}
##\end{center}##
\medskip
 65
kR^itvaivamudaka.n tasmai prasthitau rAghavau tadA . 
avekShantau vane sItAM pashchimA.n jagmaturdisham .. 1..\\
tA.n dishaM dakShiNAM gatvA sharachApAsidhAriNau . 
aviprahatamaikShvAkau panthAnaM pratipedatuH .. 2..\\
gulmairvR^ikShaishcha bahubhirlatAbhishcha praveShTitam . 
AvR^ita.n sarvato durga.n gahanaM ghoradarshanam .. 3..\\
vyatikramya tu vegena gR^ihItvA dakShiNA.n disham . 
subhIma.n tanmahAraNya.n vyatiyAtau mahAbalau .. 4..\\
tataH para.n janasthAnAttrikroshaM gamya rAghavau . 
krau~nchAraNya.n vivishaturgahana.n tau mahaujasau .. 5..\\
nAnAmeghaghanaprakhyaM prahR^iShTamiva sarvataH . 
nAnAvarNaiH shubhaiH puShpairmR^igapakShigaNairyutam .. 6..\\
didR^ikShamANau vaidehI.n tadvanaM tau vichikyatuH . 
tatra tatrAvatiShThantau sItAharaNakarshitau .. 7..\\
lakShmaNastu mahAtejAH sattvavA~nshIlavA~nshuchiH . 
abravItprA~njalirvAkyaM bhrAtara.n dIptatejasaM .. 8..\\
spandate me dR^iDhaM bAhurudvignamiva me manaH . 
prAyashashchApyaniShTAni nimittAnyupalakShaye .. 9..\\
tasmAtsajjIbhavArya tva.n kuruShva vachana.n hitam . 
mamaiva hi nimittAni sadyaH sha.nsanti sambhramam .. 10..\\
eSha va~nchulako nAma pakShI paramadAruNaH . 
Avayorvijaya.n yuddhe sha.nsanniva vinardati .. 11..\\
tayoranveShatoreva.n sarva.n tadvanamojasA . 
sa~njaGYe vipulaH shabdaH prabha~njanniva tadvanam .. 12..\\
sa.nveShTitamivAtyartha.n gahanaM mAtarishvanA . 
vanasya tasya shabdo.abhUddivamApUrayanniva .. 13..\\
ta.n shabda.n kA~NkShamANastu rAmaH kakShe sahAnujaH . 
dadarsha sumahAkAya.n rAkShasaM vipulorasaM .. 14..\\
Asedatustatastatra tAvubhau pramukhe sthitam . 
vivR^iddhamashirogrIva.n kabandhamudare mukham .. 15..\\
romabhirnichitaistIkShNairmahAgirimivochchhritam . 
nIlameghanibha.n raudraM meghastanitaniHsvanam .. 16..\\
mahApakShmeNa pi~Ngena vipulenAyatena cha . 
ekenorasi ghoreNa nayanenAshudarshinA .. 17..\\
mahAdaMShTropapanna.n ta.n lelihAnaM mahAmukham . 
bhakShayantaM mahAghorAnR^ikShasi.nhamR^igadvipAn .. 18..\\
ghorau bhujau vikurvANamubhau yojanamAyatau . 
karAbhyA.n vividhAngR^ihya R^iShkAnpakShigaNAnmR^igAn .. 19..\\
AkarShanta.n vikarShantamanekAnmR^igayUthapAn . 
sthitamAvR^itya panthAna.n tayorbhrAtroH prapannayoH .. 20..\\
atha tau samatikramya kroshamAtre dadarshatuH . 
mahAnta.n dAruNaM bhImaM kabandhaM bhujasa.nvR^itam .. 21..\\
sa mahAbAhuratyarthaM prasArya vipulau bhujau . 
jagrAha sahitAveva rAghavau pIDayanbalAt .. 22..\\
khaDginau dR^iDhadhanvAnau tigmatejau mahAbhujau . 
bhrAtarau vivashaM prAptau kR^iShyamANau mahAbalau .. 23..\\
tAvuvAcha mahAbAhuH kabandho dAnavottamaH . 
kau yuvA.n vR^iShabhaskandhau mahAkhaDgadhanurdharau .. 24..\\
ghora.n deshamimaM prAptau mama bhakShAvupasthitau . 
vadata.n kAryamiha vAM kimarthaM chAgatau yuvAm .. 25..\\
ima.n deshamanuprAptau kShudhArtasyeha tiShThataH . 
sabANachApakhaDgau cha tIkShNashR^i~NgAvivarShabhau . 
mamAsyamanusamprAptau durlabha.n jIvitaM punaH .. 26..\\
tasya tadvachana.n shrutvA kabandhasya durAtmanaH . 
uvAcha lakShmaNa.n rAmo mukhena parishuShyatA .. 27..\\
kR^ichchhrAtkR^ichchhrataraM prApya dAruNa.n satyavikrama . 
vyasana.n jIvitAntAya prAptamaprApya tAM priyAm .. 28..\\
kAlasya sumahadvIrya.n sarvabhUteShu lakShmaNa . 
tvA.n cha mAM cha naravyAghra vyasanaiH pashya mohitau . 
nAtibhAro.asti daivasya sarvabhuteShu lakShmaNa .. 29..\\
shUrAshcha balavantashcha kR^itAstrAshcha raNAjire . 
kAlAbhipannAH sIdanti yathA vAlukasetavaH .. 30..\\
iti bruvANo dR^iDhasatyavikramo 
mahAyashA dAsharathiH pratApavAn . 
avekShya saumitrimudagravikramaM 
sthirA.n tadA svAM matimAtmanAkarot .. 31..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}