\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{2}##
##\begin{center}##
\section{araNyakaaNDa}
##\end{center}##
\medskip
 68
evamuktau tu tau vIrau kabandhena nareshvarau . 
giripradaramAsAdya pAvaka.n visasarjatuH .. 1..\\
lakShmaNastu maholkAbhirjvalitAbhiH samantataH . 
chitAmAdIpayAmAsa sA prajajvAla sarvataH .. 2..\\
tachchharIra.n kabandhasya ghR^itapiNDopamaM mahat . 
medasA pachyamAnasya manda.n dahati pAvaka .. 3..\\
sa vidhUya chitAmAshu vidhUmo.agnirivotthitaH . 
araje vAsasI vibhranmAlA.n divyAM mahAbalaH .. 4..\\
tatashchitAyA vegena bhAsvaro virajAmbaraH . 
utpapAtAshu sa.nhR^iShTaH sarvapratya~NgabhUShaNaH .. 5..\\
vimAne bhAsvare tiShThanha.nsayukte yashaskare . 
prabhayA cha mahAtejA disho dasha virAjayan .. 6..\\
so.antarikShagato rAma.n kabandho vAkyamabravIt . 
shR^iNu rAghava tattvena yathA sImAmavApsyasi .. 7..\\
rAma ShaDyuktayo loke yAbhiH sarva.n vimR^ishyate . 
parimR^iShTo dashAntena dashAbhAgena sevyate .. 8..\\
dashAbhAgagato hInastva.n rAma sahalakShmaNaH . 
yatkR^ite vyasanaM prApta.n tvayA dArapradharShaNam .. 9..\\
tadavashya.n tvayA kAryaH sa suhR^itsuhR^idA.n vara . 
akR^itvA na hi te siddhimahaM pashyAmi chintayan .. 10..\\
shrUyatA.n rAma vakShyAmi sugrIvo nAma vAnaraH . 
bhrAtrA nirastaH kruddhena vAlinA shakrasUnunA .. 11..\\
R^iShyamUke girivare pampAparyantashobhite . 
nivasatyAtmavAnvIrashchaturbhiH saha vAnaraiH .. 12..\\
vayasya.n taM kuru kShipramito gatvAdya rAghava . 
adrohAya samAgamya dIpyamAne vibhAvasau .. 13..\\
na cha te so.avamantavyaH sugrIvo vAnarAdhipaH . 
kR^itaGYaH kAmarUpI cha sahAyArthI cha vIryavAn .. 14..\\
shaktau hyadya yuvA.n kartuM kAryaM tasya chikIrShitam . 
kR^itArtho vAkR^itArtho vA kR^itya.n tava kariShyati .. 15..\\
sa R^ikSharajasaH putraH pampAmaTati sha~NkitaH . 
bhAskarasyaurasaH putro vAlinA kR^itakilbiShaH .. 16..\\
saMnidhAyAyudha.n kShipramR^iShyamUkAlayaM kapim . 
kuru rAghava satyena vayasya.n vanachAriNam .. 17..\\
sa hi sthAnAni sarvANi kArtsnyena kapiku~njaraH . 
naramA.nsAshinA.n loke naipuNyAdadhigachchhati .. 18..\\
na tasyAvidita.n loke ki.n chidasti hi rAghava . 
yAvatsUryaH pratapati sahasrAMshurarindama .. 19..\\
sa nadIrvipulA~nshailAngiridurgANi kandarAn . 
anviShya vAnaraiH sArdhaM patnI.n te.adhigamiShyati .. 20..\\
vAnarAMshcha mahAkAyAnpreShayiShyati rAghava . 
disho vichetu.n tA.n sItAM tvadviyogena shochatIm .. 21..\\
sa merushR^i~NgAgragatAmaninditAM 
pravishya pAtAlatale.api vAshritAm . 
plava~NgamAnAM pravarastava priyAM 
nihatya rakShA.nsi punaH pradAsyati .. 22..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}