\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{2}##
##\begin{center}##
\section{araNyakaaNDa}
##\end{center}##
\medskip
 70
tau kabandhena taM mArgaM pampAyA darshita.n vane . 
Atasthaturdisha.n gR^ihya pratIchIM nR^ivarAtmajau .. 1..\\
tau shaileShvAchitAnekAnkShaudrakalpaphaladrumAn . 
vIkShantau jagmaturdraShTu.n sugrIvaM rAmalakShmaNau .. 2..\\
kR^itvA cha shailapR^iShThe tu tau vAsa.n raghunandanau . 
pampAyAH pashchima.n tIra.n rAghavAvupatasthatuH .. 3..\\
tau puShkariNyAH pampAyAstIramAsAdya pashchimam . 
apashyatA.n tatastatra shabaryA ramyamAshramam .. 4..\\
tau tamAshramamAsAdya drumairbahubhirAvR^itam . 
suramyamabhivIkShantau shabarImabhyupeyatuH .. 5..\\
tau tu dR^iShTvA tadA siddhA samutthAya kR^itA~njaliH . 
pAdau jagrAha rAmasya lakShmaNasya cha dhImataH .. 6..\\
tAmuvAcha tato rAmaH shramaNI.n saMshitavratAm . 
kachchitte nirjitA vighnAH kachchitte vardhate tapaH .. 7..\\
kachchitte niyataH kopa AhArash cha tapodhane . 
kachchitte niyamAH prAptAH kachchitte manasaH sukham . 
kachchitte gurushushrUShA saphalA chArubhAShiNi .. 8..\\
rAmeNa tApasI pR^iShThA sA siddhA siddhasaMmatA . 
shasha.nsa shabarI vR^iddhA rAmAya pratyupasthitA .. 9..\\
chitrakUTa.n tvayi prApte vimAnairatulaprabhaiH . 
itaste divamArUDhA yAnahaM paryachAriSham .. 10..\\
taishchAhamuktA dharmaGYairmahAbhAgairmaharShibhiH . 
AgamiShyati te rAmaH supuNyamimamAshramam .. 11..\\
sa te pratigrahItavyaH saumitrisahito.atithiH . 
ta.n cha dR^iShTvA varA.NllokAnakShayA.nstvaM gamiShyasi .. 12..\\
mayA tu vividha.n vanyaM sa~ncitaM puruSharShabha . 
tavArthe puruShavyAghra pampAyAstIrasambhavam .. 13..\\
evamuktaH sa dharmAtmA shabaryA shabarIm idam . 
rAghavaH prAha viGYAne tAM nityamabahiShkR^itAm .. 14..\\
danoH sakAshAttattvena prabhAva.n te mahAtmanaH . 
shrutaM pratyakShamichchhAmi sandraShTu.n yadi manyase .. 15..\\
etattu vachana.n shrutvA rAmavaktrAdviniHsR^itam . 
shabarI darshayAmAsa tAvubhau tadvanaM mahat .. 16..\\
pashya meghaghanaprakhyaM mR^igapakShisamAkulam . 
mata~Ngavanamityeva vishruta.n raghunandana .. 17..\\
iha te bhAvitAtmAno guravo me mahAdyute . 
juhavAMshchakrire tIrthaM mantravanmantrapUjitam .. 18..\\
iyaM pratyaksthalI vedI yatra te me susatkR^itAH . 
puShpopahAra.n kurvanti shramAdudvepibhiH karaiH .. 19..\\
teShA.n tapaH prabhAvena pashyAdyApi raghUttama . 
dyotayanti dishaH sarvAH shriyA vedyo.atulaprabhAH .. 20..\\
ashaknuvadbhistairgantumupavAsashramAlasaiH . 
chintite.abhyAgatAnpashya sametAnsapta sAgarAn .. 21..\\
kR^itAbhiShekaistairnyastA valkalAH pAdapeShviha . 
adyApi na vishuShyanti pradeshe raghunandana .. 22..\\
kR^itsna.n vanamida.n dR^iShTaM shrotavyaM cha shrutaM tvayA . 
tadichchhAmyabhyanuGYAtA tyaktumetatkalevaram .. 23..\\
teShAmichchhAmyaha.n gantu.n samIpaM bhAvitAtmanAm . 
munInAmAshraMmo yeShAmaha.n cha parichAriNI .. 24..\\
dharmiShTha.n tu vachaH shrutvA rAghavaH sahalakShmaNaH . 
anujAnAmi gachchheti prahR^iShTavadano.abravIt .. 25..\\
anuGYAtA tu rAmeNa hutvAtmAna.n hutAshane . 
jvalatpAvakasa~NkAshA svargameva jagAma sA .. 26..\\
yatra te sukR^itAtmAno viharanti maharShayaH . 
tatpuNya.n shabarIsthAna.n jagAmAtmasamAdhinA .. 27..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}