\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{2}##
##\begin{center}##
\section{araNyakaaNDa}
##\end{center}##
\medskip
 8
sutIkShNenAbhyanuGYAtaM prasthita.n raghunandanam . 
vaidehI snigdhayA vAchA bhartAramidamabravIt .. 1..\\
aya.n dharmaH susUkShmeNa vidhinA prApyate mahAn . 
nivR^ittena cha shakyo.aya.n vyasanAtkAmajAdiha .. 2..\\
trINyeva vyasanAnyatra kAmajAni bhavantyuta . 
mithyA vAkyaM paramaka.n tasmAdgurutarAvubhau . 
paradArAbhigamana.n vinA vaira.n cha raudratA .. 3..\\
mithyAvAkyaM na te bhUtaM na bhaviShyati rAghava . 
kuto.abhilaShaNa.n strINAM pareShA.n dharmanAshanam .. 4..\\
tachcha sarvaM mahAbAho shakya.n voDhu.n jitendriyaiH . 
tava vashyendriyatva.n cha jAnAmi shubhadarshana .. 5..\\
tR^itIya.n yadidaM raudraM paraprANAbhihi.nsanam . 
nirvaira.n kriyate mohAttachcha te samupasthitam .. 6..\\
pratiGYAtastvayA vIra daNDakAraNyavAsinAm . 
R^iShINA.n rakShaNArthAya vadhaH sa.nyati rakShasAm .. 7..\\
etannimitta.n cha vanaM daNDakA iti vishrutam . 
prasthitastva.n saha bhrAtrA dhR^itabANasharAsanaH .. 8..\\
tatastvAM prasthita.n dR^iShTvA mama chintAkulaM manaH . 
tvadvR^itta.n chintayantyA vai bhavenniHshreyasa.n hitam .. 9..\\
na hi me rochate vIra gamana.n daNDakAnprati . 
kAraNa.n tatra vakShyAmi vadantyAH shrUyatAM mama .. 10..\\
tva.n hi bANadhanuShpANirbhrAtrA saha vana.n gataH . 
dR^iShTvA vanacharAnsarvAnkachchitkuryAH sharavyayam .. 11..\\
kShatriyANAmiha dhanurhutAshasyendhanAni cha . 
samIpataH sthita.n tejobalamuchchhrayate bhR^isham .. 12..\\
purA kila mahAbAho tapasvI satyavAkshuchiH . 
kasmiMshchidabhavatpuNye vane ratamR^igadvije .. 13..\\
tasyaiva tapaso vighna.n kartumindraH shachIpatiH . 
khaDgapANirathAgachchhadAshramaM bhaTa rUpadhR^ik .. 14..\\
tasmi.nstadAshramapade nihitaH khaDga uttamaH . 
sa nyAsavidhinA dattaH puNye tapasi tiShThataH .. 15..\\
sa tachchhastramanuprApya nyAsarakShaNatatparaH . 
vane tu vicharatyeva rakShanpratyayamAtmanaH .. 16..\\
yatra gachchhatyupAdAtuM mUlAni cha phalAni cha . 
na vinA yAti ta.n khaDgaM nyAsarakShaNatatparaH .. 17..\\
nitya.n shastraM parivahankrameNa sa tapodhanaH . 
chakAra raudrI.n svAM buddhi.n tyaktvA tapasi nishchayam .. 18..\\
tataH sa raudrAbhirataH pramatto.adharmakarShitaH . 
tasya shastrasya sa.nvAsAjjagAma narakaM muniH .. 19..\\
snehAchcha bahumAnAchcha smAraye tvAM na shikShaye . 
na katha.n chana sA kAryA hR^ihItadhanuShA tvayA .. 20..\\
buddhirvaira.n vinA hantuM rAkShasAndaNDakAshritAn . 
aparAdha.n vinA hantuM lokAnvIra na kAmaye .. 21..\\
kShatriyANA.n tu vIrANA.n vaneShu niyatAtmanAm . 
dhanuShA kAryametAvadArtAnAmabhirakShaNam .. 22..\\
kva cha shastra.n kva cha vanaM kva cha kShAtraM tapaH kva cha . 
vyAviddhamidamasmAbhirdeshadharmastu pUjyatAm .. 23..\\
tadAryakaluShA buddhirjAyate shastrasevanAt . 
punargatvA tvayodhyAyA.n kShatradharmaM chariShyasi .. 24..\\
akShayA tu bhavetprItiH shvashrU shvashurayormama . 
yadi rAjya.n hi saMnyasya bhavestvaM nirato muniH .. 25..\\
dharmAdarthaH prabhavati dharmAtprabhavate sukham . 
dharmeNa labhate sarva.n dharmasAramidaM jagat .. 26..\\
AtmAnaM niyamaistaistaiH karShayitvA prayatnataH . 
prApyate nipuNairdharmo na sukhAllabhyate sukham .. 27..\\
nitya.n shuchimatiH saumya chara dharma.n tapovane . 
sarva.n hi vidita.n tubhyaM trailokyamapi tattvataH .. 28..\\
strIchApalAdetadudAhR^itaM me 
dharma.n cha vaktuM tava kaH samarthaH . 
vichArya buddhyA tu sahAnujena 
yadrochate tatkuru mAchireNa .. 29..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}