\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 104
evamuktA tu vaidehI paruSha.n lomaharShaNam . 
rAghaveNa saroSheNa bhR^ishaM pravyathitAbhavat .. 1..\\
sA tadashrutapUrva.n hi jane mahati maithilI . 
shrutvA bhartR^ivacho rUkSha.n lajjayA vrIDitAbhavat .. 2..\\
pravishantIva gAtrANi svAnyeva janakAtmajA . 
vAkshalyaistaiH sashalyeva bhR^ishamashrUNyavartayat .. 3..\\
tato bAShpaparikliShTaM pramArjantI svamAnanam . 
shanairgadgadayA vAchA bhartAramidamabravIt .. 4..\\
kiM mAmasadR^isha.n vAkyamIdR^ishaM shrotradAruNam . 
rUkSha.n shrAvayase vIra prAkR^itaH prAkR^itAm iva .. 5..\\
na tathAsmi mahAbAho yathA tvamavagachchhasi . 
pratyaya.n gachchha me svena chAritreNaiva te shape .. 6..\\
pR^ithakstrINAM prachAreNa jAti.n tvaM parisha~Nkase . 
parityajemA.n sha~NkA.n tu yadi te.ahaM parIkShitA .. 7..\\
yadyaha.n gAtrasa.nsparshaM gatAsmi vivashA prabho . 
kAmakAro na me tatra daiva.n tatrAparAdhyati .. 8..\\
madadhIna.n tu yattanme hR^idayaM tvayi vartate . 
parAdhIneShu gAtreShu ki.n kariShyAmyanIshvarA .. 9..\\
sahasa.nvR^iddhabhAvAchcha sa.nsargeNa cha mAnada . 
yadyaha.n te na viGYAtA hatA tenAsmi shAshvatam .. 10..\\
preShitaste yadA vIro hanUmAnavalokakaH . 
la~NkAsthAha.n tvayA vIra kiM tadA na visarjitA .. 11..\\
pratyakSha.n vAnarendrasya tvadvAkyasamanantaram . 
tvayA santyaktayA vIra tyakta.n syAjjIvitaM mayA .. 12..\\
na vR^ithA te shramo.aya.n syAtsaMshaye nyasya jIvitam . 
suhR^ijjanapariklesho na chAyaM niShphalastava .. 13..\\
tvayA tu narashArdUla krodhamevAnuvartatA . 
laghuneva manuShyeNa strItvameva puraskR^itam .. 14..\\
apadeshena janakAnnotpattirvasudhAtalAt . 
mama vR^itta.n cha vR^ittaGYa bahu te na puraskR^itam .. 15..\\
na pramANIkR^itaH pANirbAlye bAlena pIDitaH . 
mama bhaktishcha shIla.n cha sarvaM te pR^iShThataH kR^itam .. 16..\\
evaM bruvANA rudatI bAShpagadgadabhAShiNI . 
abravIllakShmaNa.n sItA dIna.n dhyAnaparaM sthitam .. 17..\\
chitAM me kuru saumitre vyasanasyAsya bheShajam . 
mithyApavAdopahatA nAha.n jIvitumutsahe .. 18..\\
aprItasya guNairbhartustyaktayA janasa.nsadi . 
yA kShamA me gatirgantuM pravekShye havyavAhanam .. 19..\\
evamuktastu vaidehyA lakShmaNaH paravIrahA . 
amarShavashamApanno rAghavAnanamaikShata .. 20..\\
sa viGYAya manashchhanda.n rAmasyAkArasUchitam . 
chitA.n chakAra saumitrirmate rAmasya vIryavAn .. 21..\\
adhomukha.n tato rAma.n shanaiH kR^itvA pradakShiNam . 
upAsarpata vaidehI dIpyamAna.n hutAshanam .. 22..\\
praNamya devatAbhyashcha brAhmaNebhyashcha maithilI . 
baddhA~njalipuTA chedamuvAchAgnisamIpataH .. 23..\\
yathA me hR^idayaM nityaM nApasarpati rAghavAt . 
tathA lokasya sAkShI mA.n sarvataH pAtu pAvakaH .. 24..\\
evamuktvA tu vaidehI parikramya hutAshanam . 
vivesha jvalana.n dIptaM niHsa~NgenAntarAtmanA .. 25..\\
janaH sa sumahA.nstatra bAlavR^iddhasamAkulaH . 
dadarsha maithilI.n tatra pravishantI.n hutAshanam .. 26..\\
tasyAmagni.n vishantyA.n tu hAheti vipulaH svanaH . 
rakShasA.n vAnarANA.n cha sambabhUvAdbhutopamaH .. 27..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}