\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 105
tato vaishravaNo rAjA yamashchAmitrakarshanaH . 
sahasrAkSho mahendrashcha varuNashcha parantapaH .. 1..\\
ShaDardhanayanaH shrImAnmahAdevo vR^iShadhvajaH . 
kartA sarvasya lokasya brahmA brahmavidA.n varaH .. 2..\\
ete sarve samAgamya vimAnaiH sUryasaMnibhaiH . 
Agamya nagarI.n la~NkAmabhijagmushcha rAghavam .. 3..\\
tataH sahastAbharaNAnpragR^ihya vipulAnbhujAn . 
abruva.nstridashashreShThAH prA~njali.n rAghavaM sthitam .. 4..\\
kartA sarvasya lokasya shreShTho GYAnavatA.n varaH . 
upekShase katha.n sItAM patantIM havyavAhane . 
katha.n devagaNashreShThamAtmAnaM nAvabudhyase .. 5..\\
R^itadhAmA vasuH pUrva.n vasUnA.n cha prajApatiH . 
tva.n trayANA.n hi lokAnAmAdikartA svayamprabhuH .. 6..\\
rudrANAmaShTamo rudraH sAdhyAnAmapi pa~nchamaH . 
ashvinau chApi te karNau chandrasUryau cha chakShuShI .. 7..\\
ante chAdau cha lokAnA.n dR^ishyase tvaM parantapa . 
upekShase cha vaidehIM mAnuShaH prAkR^ito yathA .. 8..\\
ityukto lokapAlaistaiH svAmI lokasya rAghavaH . 
abravIttridashashreShThAnrAmo dharmabhR^itA.n varaH .. 9..\\
AtmAnaM mAnuShaM manye rAma.n dasharathAtmajam . 
yo.aha.n yasya yatashchAhaM bhagavA.nstadbravItu me .. 10..\\
iti bruvANa.n kAkutsthaM brahmA brahmavidA.n varaH . 
abravIchchhR^iNu me rAma satya.n satyaparAkrama .. 11..\\
bhavAnnArAyaNo devaH shrImAMshchakrAyudho vibhuH . 
ekashR^i~Ngo varAhastvaM bhUtabhavyasapatnajit .. 12..\\
akSharaM brahmasatya.n cha madhye chAnte cha rAghava . 
lokAnA.n tvaM paro dharmo viShvaksenashchaturbhujaH .. 13..\\
shAr~NgadhanvA hR^iShIkeshaH puruShaH puruShottamaH . 
ajitaH khaDgadhR^igviShNuH kR^iShNashchaiva bR^ihadbalaH .. 14..\\
senAnIrgrAmaNIshcha tvaM buddhiH satta.n kShamA damaH . 
prabhavashchApyayashcha tvamupendro madhusUdanaH .. 15..\\
indrakarmA mahendrastvaM padmanAbho raNAntakR^it . 
sharaNya.n sharaNa.n cha tvAmAhurdivyA maharShayaH .. 16..\\
sahasrashR^i~Ngo vedAtmA shatajihvo maharShabhaH . 
tva.n yaGYastvaM vaShaTkArastvamo~NkAraH parantapa .. 17..\\
prabhavaM nidhana.n vA te na viduH ko bhavAniti . 
dR^ishyase sarvabhUteShu brAhmaNeShu cha goShu cha .. 18..\\
dikShu sarvAsu gagane parvateShu vaneShu cha . 
sahasracharaNaH shrImA~nshatashIrShaH sahasradhR^ik .. 19..\\
tva.n dhArayasi bhUtAni vasudhAM cha saparvatAm . 
ante pR^ithivyAH salile dR^ishyase tvaM mahoragaH .. 20..\\
trI.NllokAndhArayanrAma devagandharvadAnavAn . 
aha.n te hR^idaya.n rAma jihvA devI sarasvatI .. 21..\\
devA gAtreShu lomAni nirmitA brahmaNA prabho . 
nimeShaste.abhavadrAtrirunmeShaste.abhavaddivA .. 22..\\
sa.nskArAste.abhavanvedA na tadasti tvayA vinA . 
jagatsarva.n sharIra.n te sthairyamM te vasudhAtalam .. 23..\\
agniH kopaH prasAdaste somaH shrIvatsalakShaNa . 
tvayA lokAstrayaH krAntAH purANe vikramaistribhiH .. 24..\\
mahendrashcha kR^ito rAjA baliM baddhvA mahAsuram . 
sItA lakShmIrbhavAnviShNurdevaH kR^iShNaH prajApatiH .. 25..\\
vadhArtha.n rAvaNasyeha praviShTo mAnuShI.n tanum . 
tadidaM naH kR^ita.n kAryaM tvayA dharmabhR^itA.n vara .. 26..\\
nihato rAvaNo rAma prahR^iShTo divamAkrama . 
amoghaM balavIrya.n te amoghaste parAkramaH .. 27..\\
amoghAste bhaviShyanti bhaktimantashcha ye narAH . 
ye tvA.n devaM dhruvaM bhaktAH purANaM puruShottamam .. 28..\\
ye narAH kIrtayiShyanti nAsti teShAM parAbhavaH .. 29..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}