\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 107
etachchhrutvA shubha.n vAkyaM rAghaveNa subhAShitam . 
ida.n shubhataraM vAkyaM vyAjahAra maheshvaraH .. 1..\\
puShkarAkSha mahAbAho mahAvakShaH parantapa . 
diShTyA kR^itamida.n karma tvayA shastrabhR^itA.n vara .. 2..\\
diShTyA sarvasya lokasya pravR^iddha.n dAruNaM tamaH . 
apAvR^itta.n tvayA sa~Nkhye rAma rAvaNajaM bhayam .. 3..\\
AshvAsya bharata.n dInaM kausalyAM cha yashasvinIm . 
kaikeyI.n cha sumitrAM cha dR^iShTvA lakShmaNamAtaram .. 4..\\
prApya rAjyamayodhyAyAM nandayitvA suhR^ijjanam . 
ikShvAkUNA.n kule vaMsha.n sthApayitvA mahAbala .. 5..\\
iShTvA turagamedhena prApya chAnuttama.n yashaH . 
brAhmaNebhyo dhana.n dattvA tridivaM gantumarhasi .. 6..\\
eSha rAjA vimAnasthaH pitA dasharathastava . 
kAkutstha mAnuShe loke gurustava mahAyashAH .. 7..\\
indraloka.n gataH shrImA.nstvayA putreNa tAritaH . 
lakShmaNena saha bhrAtrA tvamenamabhivAdaya .. 8..\\
mahAdevavachaH shrutvA kAkutsthaH sahalakShmaNaH . 
vimAnashikharasthasya praNAmamakarotpituH .. 9..\\
dIpyamAna.n svayAM lakShmyA virajo.ambaradhAriNam . 
lakShmaNena saha bhrAtrA dadarsha pitaraM prabhuH .. 10..\\
harSheNa mahatAviShTo vimAnastho mahIpatiH . 
prANaiH priyatara.n dR^iShTvA putraM dasharathastadA .. 11..\\
AropyA~NkaM mahAbAhurvarAsanagataH prabhuH . 
bAhubhyA.n sampariShvajya tato vAkyaM samAdade .. 12..\\
na me svargo bahumataH saMmAnashcha surarShibhiH . 
tvayA rAma vihInasya satyaM pratishR^iNomi te .. 13..\\
kaikeyyA yAni choktAni vAkyAni vadatA.n vara . 
tava pravrAjanArthAni sthitAni hR^idaye mama .. 14..\\
tvA.n tu dR^iShTvA kushalinaM pariShvajya salakShmaNam . 
adya duHkhAdvimukto.asmi nIhArAdiva bhAskaraH .. 15..\\
tArito.aha.n tvayA putra suputreNa mahAtmanA . 
aShTAvakreNa dharmAtmA tArito brAhmaNo yathA .. 16..\\
idAnI.n cha vijAnAmi yathA saumya sureshvaraiH . 
vadhArtha.n rAvaNasyeha vihitaM puruShottamam .. 17..\\
siddhArthA khalu kausalyA yA tvA.n rAma gR^iha.n gatam . 
vanAnnivR^itta.n sa.nhR^iShTA drakShyate shatrusUdana .. 18..\\
siddhArthAH khalu te rAma narA ye tvAM purI.n gatam . 
jalArdramabhiShikta.n cha drakShyanti vasudhAdhipam .. 19..\\
anuraktena balinA shuchinA dharmachAriNA . 
ichchheya.n tvAmahaM draShTuM bharatena samAgatam .. 20..\\
chaturdashasamAH saumya vane niryApitAstvayA . 
vasatA sItayA sArdha.n lakShmaNena cha dhImatA .. 21..\\
nivR^ittavanavAso.asi pratiGYA saphalA kR^itA . 
rAvaNa.n cha raNe hatvA devAste paritoShitAH .. 22..\\
kR^ita.n karma yashaH shlAghyaM prAptaM te shatrusUdana . 
bhrAtR^ibhiH saha rAjyastho dIrghamAyuravApnuhi .. 23..\\
iti bruvANa.n rAjAnaM rAmaH prA~njalirabravIt . 
kuru prasAda.n dharmaGYa kaikeyyA bharatasya cha .. 24..\\
saputrA.n tvAM tyajAmIti yaduktA kaikayI tvayA . 
sa shApaH kaikayI.n ghoraH saputrAM na spR^ishetprabho .. 25..\\
sa tatheti mahArAjo rAmamuktvA kR^itA~njalim . 
lakShmaNa.n cha pariShvajya punarvAkyamuvAcha ha .. 26..\\
rAma.n shushrUShatA bhaktyA vaidehyA saha sItayA . 
kR^itA mama mahAprItiH prApta.n dharmaphalaM cha te .. 27..\\
dharmaM prApsyasi dharmaGYa yashashcha vipulaM bhuvi . 
rAme prasanne svarga.n cha mahimAnaM tathaiva cha .. 28..\\
rAma.n shushrUSha bhadra.n te sumitrAnandavardhana . 
rAmaH sarvasya lokasya shubheShvabhirataH sadA .. 29..\\
ete sendrAstrayo lokAH siddhAshcha paramarShayaH . 
abhigamya mahAtmAnamarchanti puruShottamam .. 30..\\
etattaduktamavyaktamakSharaM brahmanirmitam . 
devAnA.n hR^idayaM saumya guhyaM rAmaH parantapaH .. 31..\\
avApta.n dharmacharaNa.n yashashcha vipulaM tvayA . 
rAma.n shushrUShatA bhaktyA vaidehyA saha sItayA .. 32..\\
sa tathoktvA mahAbAhurlakShmaNaM prA~njali.n sthitam . 
uvAcha rAjA dharmAtmA vaidehI.n vachanaM shubham .. 33..\\
kartavyo na tu vaidehi manyustyAgamimaM prati . 
rAmeNa tvadvishuddhyartha.n kR^itametaddhitaiShiNA .. 34..\\
na tva.n subhru samAdheyA patishushrUvaNaM prati . 
avashya.n tu mayA vAchyameSha te daivataM param .. 35..\\
iti pratisamAdishya putrau sItA.n tathA snuShAm . 
indraloka.n vimAnena yayau dasharatho jvalan .. 36..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}