\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 109
tA.n rAtrimuShitaM rAmaM sukhotthitamarindamam . 
abravItprA~njalirvAkya.n jayaM pR^iShTvA vibhIShaNaH .. 1..\\
snAnAni chA~NgarAgANi vastrANyAbharaNAni cha . 
chandanAni cha divyAni mAlyAni vividhAni cha .. 2..\\
ala~NkAravidashchemA nAryaH padmanibhekShaNAH . 
upasthitAstvA.n vidhivatsnApayiShyanti rAghava .. 3..\\
evamuktastu kAkutsthaH pratyuvAcha vibhIShaNam . 
harInsugrIvamukhyA.nstva.n snAnenopanimantraya .. 4..\\
sa tu tAmyati dharmAtmA mamahetoH sukhochitaH . 
sukumAro mahAbAhuH kumAraH satyasaMshravaH .. 5..\\
ta.n vinA kaikeyIputraM bharata.n dharmachAriNam . 
na me snAnaM bahumata.n vastrANyAbharaNAni cha .. 6..\\
ita eva pathA kShipraM pratigachchhAma tAM purIm . 
ayodhyAmAyato hyeSha panthAH paramadurgamaH .. 7..\\
evamuktastu kAkutsthaM pratyuvAcha vibhIShaNaH . 
ahnA tvAM prApayiShyAmi tAM purIM pArthivAtmaja .. 8..\\
puShpakaM nAma bhadra.n te vimAna.n sUryasaMnibham . 
mama bhrAtuH kuberasya rAvaNenAhR^itaM balAt .. 9..\\
tadidaM meghasa~NkAsha.n vimAnamiha tiShThati . 
tena yAsyasi yAnena tvamayodhyA.n gajajvaraH .. 10..\\
aha.n te yadyanugrAhyo yadi smarasi me guNAn . 
vasa tAvadiha prAGYa yadyasti mayi sauhR^idam .. 11..\\
lakShmaNena saha bhrAtrA vaidehyA chApi bhAryayA . 
architaH sarvakAmaistva.n tato rAma gamiShyasi .. 12..\\
prItiyuktastu me rAma sasainyaH sasuhR^idgaNaH . 
satkriyA.n vihitA.n tAvadgR^ihANa tvaM mayodyatAm .. 13..\\
praNayAdbahumAnAchcha sauhR^idena cha rAghava . 
prasAdayAmi preShyo.ahaM na khalvAGYApayAmi te .. 14..\\
evamuktastato rAmaH pratyuvAcha vibhIShaNam . 
rakShasA.n vAnarANA.n cha sarveShAM chopashR^iNvatAm .. 15..\\
pUjito.aha.n tvayA vIra sAchivyena parantapa . 
sarvAtmanA cha cheShTibhiH sauhR^idenottamena cha .. 16..\\
na khalvetanna kuryA.n te vachana.n rAkShaseshvara . 
ta.n tu me bhrAtaraM draShTuM bharataM tvarate manaH .. 17..\\
mAM nivartayitu.n yo.asau chitrakUTamupAgataH . 
shirasA yAchato yasya vachanaM na kR^itaM mayA .. 18..\\
kausalyA.n cha sumitrAM cha kaikeyIM cha yashasvinIm . 
gurUMshcha suhR^idashchaiva paurAMshcha tanayaiH saha .. 19..\\
upasthApaya me kShipra.n vimAnaM rAkShaseshvara . 
kR^itakAryasya me vAsaH katha.n chidiha saMmataH .. 20..\\
anujAnIhi mA.n saumya pUjito.asmi vibhIShaNa . 
manyurna khalu kartavyastvaritastvAnumAnaye .. 21..\\
tataH kA~nchanachitrA~Nga.n vaidUryamaNivedikam . 
kUTAgAraiH parikShipta.n sarvato rajataprabham .. 22..\\
pANDurAbhiH patAkAbhirdhvajaishcha samala~NkR^itam . 
shobhita.n kA~nchanairharmyairhemapadmavibhUShitam .. 23..\\
prakIrNa.n ki~NkiNIjAlairmuktAmaNigavAkShitam . 
ghaNTAjAlaiH parikShipta.n sarvato madhurasvanam .. 24..\\
tanmerushikharAkAraM nirmita.n vishvakarmaNA . 
bahubhirbhUShita.n harmyairmuktArajatasaMnibhau .. 25..\\
talaiH sphaTikachitrA~NgairvaidUryaishcha varAsanaiH . 
mahArhAstaraNopetairupapannaM mahAdhanaiH .. 26..\\
upasthitamanAdhR^iShya.n tadvimAnaM manojavam . 
nivedayitvA rAmAya tasthau tatra vibhIShaNaH .. 27..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}