\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 11
ityuktvA paruSha.n vAkyaM rAvaNaM rAvaNAnujaH . 
AjagAma muhUrtena yatra rAmaH salakShmaNaH .. 1..\\
taM merushikharAkAra.n dIptAmiva shatahradAm . 
gaganasthaM mahIsthAste dadR^ishurvAnarAdhipAH .. 2..\\
tamAtmapa~nchama.n dR^iShTvA sugrIvo vAnarAdhipaH . 
vAnaraiH saha durdharShashchintayAmAsa buddhimAn .. 3..\\
chintayitvA muhUrta.n tu vAnarA.nstAnuvAcha ha . 
hanUmatpramukhAnsarvAnida.n vachanamuttamam .. 4..\\
eSha sarvAyudhopetashchaturbhiH saha rAkShasaiH . 
rAkShaso.abhyeti pashyadhvamasmAnhantuM na saMshayaH .. 5..\\
sugrIvasya vachaH shrutvA sarve te vAnarottamAH . 
sAlAnudyamya shailAMshcha ida.n vachanamabruvan .. 6..\\
shIghra.n vyAdisha no rAjanvadhAyaiShA.n durAtmanAm . 
nipatantu hatAshchaite dharaNyAmalpajIvitAH .. 7..\\
teShA.n sambhAShamANAnAmanyonyaM sa vibhIShaNaH . 
uttara.n tIramAsAdya khastha eva vyatiShThata .. 8..\\
uvAcha cha mahAprAGYaH svareNa mahatA mahAn . 
sugrIva.n tAMshcha samprekShya khastha eva vibhIShaNaH .. 9..\\
rAvaNo nAma durvR^itto rAkShaso rAkShaseshvaraH . 
tasyAhamanujo bhrAtA vibhIShaNa iti shrutaH .. 10..\\
tena sItA janasthAnAddhR^itA hatvA jaTAyuSham . 
ruddhvA cha vivashA dInA rAkShasIbhiH surakShitA .. 11..\\
tamaha.n hetubhirvAkyairvividhaishcha nyadarshayam . 
sAdhu niryAtyatA.n sItA rAmAyeti punaH punaH .. 12..\\
sa cha na pratijagrAha rAvaNaH kAlachoditaH . 
uchyamAno hita.n vAkyaM viparIta ivauShadham .. 13..\\
so.ahaM paruShitastena dAsavachchAvamAnitaH . 
tyaktvA putrAMshcha dArAMshcha rAghava.n sharaNa.n gataH .. 14..\\
sarvalokasharaNyAya rAghavAya mahAtmane . 
nivedayata mA.n kShipra.n vibhIShaNamupasthitam .. 15..\\
etattu vachana.n shrutvA sugrIvo laghuvikramaH . 
lakShmaNasyAgrato rAma.n sa.nrabdhamidamabravIt .. 16..\\
rAvaNasyAnujo bhrAtA vibhIShaNa iti shrutaH . 
chaturbhiH saha rakShobhirbhavanta.n sharaNa.n gataH .. 17..\\
rAvaNena praNihita.n tamavehi vibhIShaNam . 
tasyAhaM nigrahaM manye kShama.n kShamavatA.n vara .. 18..\\
rAkShaso jihmayA buddhyA sandiShTo.ayamupasthitaH . 
prahartuM mAyayA chhanno vishvaste tvayi rAghava .. 19..\\
badhyatAmeSha tIvreNa daNDena sachivaiH saha . 
rAvaNasya nR^isha.nsasya bhrAtA hyeSha vibhIShaNaH .. 20..\\
evamuktvA tu ta.n rAmaM sa.nrabdho vAhinIpatiH . 
vAkyaGYo vAkyakushala.n tato maunamupAgamat .. 21..\\
sugrIvasya tu tadvAkya.n shrutvA rAmo mahAbalaH . 
samIpasthAnuvAcheda.n hanUmatpramukhAnharIn .. 22..\\
yadukta.n kapirAjena rAvaNAvarajaM prati . 
vAkya.n hetumadatyarthaM bhavadbhirapi tachchhrutam .. 23..\\
suhR^idA hyarthakR^ichchheShu yuktaM buddhimatA satA . 
samarthenApi sandeShTu.n shAshvatIM bhUtimichchhatA .. 24..\\
ityevaM paripR^iShTAste sva.n svaM matamatandritAH . 
sopachAra.n tadA rAmamUchurhitachikIrShavaH .. 25..\\
aGYAtaM nAsti te ki.n chittriShu lokeShu rAghava . 
AtmAnaM pUjayanrAma pR^ichchhasyasmAnsuhR^ittayA .. 26..\\
tva.n hi satyavrataH shUro dhArmiko dR^iDhavikramaH . 
parIkShya kArA smR^itimAnnisR^iShTAtmA suhR^itsu cha .. 27..\\
tasmAdekaikashastAvadbruvantu sachivAstava . 
hetuto matisampannAH samarthAshcha punaH punaH .. 28..\\
ityukte rAghavAyAtha matimAna~Ngado.agrataH . 
vibhIShaNaparIkShArthamuvAcha vachana.n hariH .. 29..\\
shatroH sakAshAtsamprAptaH sarvathA sha~Nkya eva hi . 
vishvAsayogyaH sahasA na kartavyo vibhIShaNaH .. 30..\\
chhAdayitvAtmabhAva.n hi charanti shaThabuddhayaH . 
praharanti cha randhreShu so.anarthaH sumahAnbhavet .. 31..\\
arthAnarthau vinishchitya vyavasAyaM bhajeta ha . 
guNataH sa~Ngraha.n kuryAddoShatastu visarjayet .. 32..\\
yadi doSho mahA.nstasmi.nstyajyatAmavisha~Nkitam . 
guNAnvApi bahU~nGYAtvA sa~NgrahaH kriyatAM nR^ipa .. 33..\\
sharabhastvatha nishchitya sArtha.n vachanamabravIt . 
kShipramasminnaravyAghra chAraH pratividhIyatAm .. 34..\\
praNidhAya hi chAreNa yathAvatsUkShmabuddhinA . 
parIkShya cha tataH kAryo yathAnyAyaM parigrahaH .. 35..\\
jAmbavA.nstvatha samprekShya shAstrabuddhyA vichakShaNaH . 
vAkya.n viGYApayAmAsa guNavaddoShavarjitam .. 36..\\
baddhavairAchcha pApAchcha rAkShasendrAdvibhIShaNaH . 
adesha kAle samprAptaH sarvathA sha~NkyatAm ayam .. 37..\\
tato maindastu samprekShya nayApanayakovidaH . 
vAkya.n vachanasampanno babhAShe hetumattaram .. 38..\\
vachanaM nAma tasyaiSha rAvaNasya vibhIShaNaH . 
pR^ichchhyatAM madhureNAya.n shanairnaravareshvara .. 39..\\
bhAvamasya tu viGYAya tatastattva.n kariShyasi . 
yadi dR^iShTo na duShTo vA buddhipUrvaM nararShabha .. 40..\\
atha sa.nskArasampanno hanUmAnsachivottamaH . 
uvAcha vachana.n shlakShNamarthavanmadhuraM laghu .. 41..\\
na bhavantaM matishreShTha.n samarthaM vadatAM varam . 
atishAyayitu.n shakto bR^ihaspatirapi bruvan .. 42..\\
na vAdAnnApi sa~NgharShAnnAdhikyAnna cha kAmataH . 
vakShyAmi vachana.n rAjanyathArthaM rAmagauravAt .. 43..\\
arthAnarthanimitta.n hi yaduktaM sachivaistava . 
tatra doShaM prapashyAmi kriyA na hyupapadyate .. 44..\\
R^ite niyogAtsAmarthyamavaboddhuM na shakyate . 
sahasA viniyogo hi doShavAnpratibhAti me .. 45..\\
chArapraNihita.n yuktaM yaduktaM sachivaistava . 
arthasyAsambhavAttatra kAraNaM nopapadyate .. 46..\\
adesha kAle samprApta ityaya.n yadvibhIShaNaH . 
vivakShA chAtra me.astIya.n tAM nibodha yathA mati .. 47..\\
sa eSha deshaH kAlashcha bhavatIha yathA tathA . 
puruShAtpuruShaM prApya tathA doShaguNAvapi .. 48..\\
daurAtmya.n rAvaNe dR^iShTvA vikrama.n cha tathA tvayi . 
yuktamAgamana.n tasya sadR^ishaM tasya buddhitaH .. 49..\\
aGYAtarUpaiH puruShaiH sa rAjanpR^ichchhyatAm iti . 
yaduktamatra me prekShA kA chidasti samIkShitA .. 50..\\
pR^ichchhyamAno visha~Nketa sahasA buddhimAnvachaH . 
tatra mitraM praduShyeta mithyapR^iShTa.n sukhAgatam .. 51..\\
ashakyaH sahasA rAjanbhAvo vettuM parasya vai . 
antaH svabhAvairgItaistairnaipuNyaM pashyatA bhR^isham .. 52..\\
na tvasya bruvato jAtu lakShyate duShTabhAvatA . 
prasanna.n vadana.n chApi tasmAnme nAsti saMshayaH .. 53..\\
asha~NkitamatiH svastho na shaThaH parisarpati . 
na chAsya duShTA vAkchApi tasmAnnAstIha saMshayaH .. 54..\\
AkArashchhAdyamAno.api na shakyo vinigUhitum . 
balAddhi vivR^iNotyeva bhAvamantargataM nR^iNAm .. 55..\\
deshakAlopapanna.n cha kAryaM kAryavidA.n vara . 
saphala.n kurute kShipraM prayogeNAbhisa.nhitam .. 56..\\
udyoga.n tava samprekShya mithyAvR^ittaM cha rAvaNam . 
vAlinashcha vadha.n shrutvA sugrIva.n chAbhiShechitam .. 57..\\
rAjyaM prArthayamAnashcha buddhipUrvamihAgataH . 
etAvattu puraskR^itya yujyate tvasya sa~NgrahaH .. 58..\\
yathAshakti mayokta.n tu rAkShasasyArjavaM prati . 
tvaM pramANa.n tu sheShasya shrutvA buddhimatA.n vara .. 59..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}