\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 111
anuGYAta.n tu rAmeNa tadvimAnamanuttamam . 
utpapAta mahAmeghaH shvasanenoddhato yathA .. 1..\\
pAtayitvA tatashchakShuH sarvato raghunandanaH . 
abravInmaithilI.n sItAM rAmaH shashinibhAnanAm .. 2..\\
kailAsashikharAkAre trikUTashikhare sthitAm . 
la~NkAmIkShasva vaidehi nirmitA.n vishvakarmaNA .. 3..\\
etadAyodhanaM pashya mA.nsashoNitakardamam . 
harINA.n rAkShasAnA.n cha sIte vishasanaM mahat .. 4..\\
tavahetorvishAlAkShi rAvaNo nihato mayA . 
kumbhakarNo.atra nihataH prahastashcha nishAcharaH .. 5..\\
lakShmaNenendrajichchAtra rAvaNirnihato raNe . 
virUpAkShashcha duShprekShyo mahApArshvamahodarau .. 6..\\
akampanashcha nihato balino.anye cha rAkShasAH . 
trishirAshchAtikAyashcha devAntakanarAntakau .. 7..\\
atra mandodarI nAma bhAryA taM paryadevayat . 
sapatnInA.n sahasreNa sAsreNa parivAritA .. 8..\\
etattu dR^ishyate tIrtha.n samudrasya varAnane . 
yatra sAgaramuttIrya tA.n rAtrimuShitA vayam .. 9..\\
eSha seturmayA baddhaH sAgare salilArNave . 
tavahetorvishAlAkShi nalasetuH suduShkaraH .. 10..\\
pashya sAgaramakShobhya.n vaidehi varuNAlayam . 
apAramabhigarjanta.n sha~NkhashuktiniShevitam .. 11..\\
hiraNyanAbha.n shailendra.n kA~nchanaM pashya maithili . 
vishramArtha.n hanumato bhittvA sAgaramutthitam .. 12..\\
atra rAkShasarAjo.ayamAjagAma vibhIShaNaH .. 13..\\
eShA sA dR^ishyate sIte kiShkindhA chitrakAnanA . 
sugrIvasya purI ramyA yatra vAlI mayA hataH .. 14..\\
dR^ishyate.asau mahAnsIte savidyudiva toyadaH . 
R^ishyamUko girishreShThaH kA~nchanairdhAtubhirvR^itaH .. 15..\\
atrAha.n vAnarendreNa sugrIveNa samAgataH . 
samayashcha kR^itaH sIte vadhArtha.n vAlino mayA .. 16..\\
eShA sA dR^ishyate pampA nalinI chitrakAnanA . 
tvayA vihIno yatrAha.n vilalApa suduHkhitaH .. 17..\\
asyAstIre mayA dR^iShTA shabarI dharmachAriNI . 
atra yojanabAhushcha kabandho nihato mayA .. 18..\\
dR^ishyate.asau janasthAne sIte shrImAnvanaspatiH . 
yatra yuddhaM mahadvR^itta.n tavahetorvilAsini . 
rAvaNasya nR^isha.nsasya jaTAyoshcha mahAtmanaH .. 19..\\
kharashcha nihatashsa~Nkhye dUShaNashcha nipAtitaH . 
trishirAshcha mahAvIryo mayA bANairajihmagaiH .. 20..\\
parNashAlA tathA chitrA dR^ishyate shubhadarshanA . 
yatra tva.n rAkShasendreNa rAvaNena hR^itA balAt .. 21..\\
eShA godAvarI ramyA prasannasalilA shivA . 
agastyasyAshramo hyeSha dR^ishyate pashya maithili .. 22..\\
vaidehi dR^ishyate chAtra sharabha~NgAshramo mahAn . 
upayAtaH sahasrAkSho yatra shakraH purandaraH .. 23..\\
ete te tApasAvAsA dR^ishyante tanumadhyame . 
atriH kulapatiryatra sUryavaishvAnaraprabhaH . 
atra sIte tvayA dR^iShTA tApasI dharmachAriNI .. 24..\\
asmindeshe mahAkAyo virAdho nihato mayA .. 25..\\
asau sutanushailendrashchitrakUTaH prakAshate . 
yatra mA.n kaikayIputraH prasAdayitumAgataH .. 26..\\
eShA sA yamunA dUrAddR^ishyate chitrakAnanA . 
bharadvAjAshramo yatra shrImAneSha prakAshate .. 27..\\
eShA tripathagA ga~NgA dR^ishyate varavarNini . 
shR^i~Ngaverapura.n chaitadguho yatra samAgataH .. 28..\\
eShA sA dR^ishyate.ayodhyA rAjadhAnI piturmama . 
ayodhyA.n kuru vaidehi praNAmaM punarAgatA .. 29..\\
tataste vAnarAH sarve rAkShasashcha vibhIShaNaH . 
utpatyotpatya dadR^ishustAM purI.n shubhadarshanAm .. 30..\\
tatastu tAM pANDuraharmyamAlinIM 
vishAlakakShyA.n gajavAjisa~NkulAm . 
purImayodhyA.n dadR^ishuH plava~NgamAH 
purIM mahendrasya yathAmarAvatIm .. 31..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}