\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 113
ayodhyA.n tu samAlokya chintayAmAsa rAghavaH . 
chintayitvA tato dR^iShTi.n vAnareShu nyapAtayat .. 1..\\
priyakAmaH priya.n rAmastatastvaritavikramam . 
uvAcha dhImA.nstejasvI hanUmantaM plava~Ngamam .. 2..\\
ayodhyA.n tvarito gachchha kShipraM tvaM plavagottama . 
jAnIhi kachchitkushalI jano nR^ipatimandire .. 3..\\
shR^i~NgaverapuraM prApya guha.n gahanagocharam . 
niShAdAdhipatiM brUhi kushala.n vachanAnmama .. 4..\\
shrutvA tu mA.n kushalinamaroga.n vigatajvaram . 
bhaviShyati guhaH prItaH sa mamAtmasamaH sakhA .. 5..\\
ayodhyAyAshcha te mArgaM pravR^ittiM bharatasya cha . 
nivedayiShyati prIto niShAdAdhipatirguhaH .. 6..\\
bharatastu tvayA vAchyaH kushala.n vachanAnmama . 
siddhArtha.n sha.nsa mA.n tasmai sabhAryaM sahalakShmaNam .. 7..\\
haraNa.n chApi vaidehyA rAvaNena balIyasA . 
sugrIveNa cha sa.nvAda.n vAlinashcha vadhaM raNe .. 8..\\
maithilyanveShaNa.n chaiva yathA chAdhigatA tvayA . 
la~NghayitvA mahAtoyamApagApatimavyayam .. 9..\\
upayAna.n samudrasya sAgarasya cha darshanam . 
yathA cha kAritaH setU rAvaNashcha yathA hataH .. 10..\\
varadAnaM mahendreNa brahmaNA varuNena cha . 
mahAdevaprasAdAchcha pitrA mama samAgamam .. 11..\\
jitvA shatrugaNAnrAmaH prApya chAnuttama.n yashaH . 
upayAti samR^iddhArthaH saha mitrairmahAbalaH .. 12..\\
etachchhrutvA yamAkAraM bhajate bharatastataH . 
sa cha te veditavyaH syAtsarva.n yachchApi mAM prati .. 13..\\
GYeyAH sarve cha vR^ittAntA bharatasye~NgitAni cha . 
tattvena mukhavarNena dR^iShTyA vyAbhAShaNena cha .. 14..\\
sarvakAmasamR^iddha.n hi hastyashvarathasa~Nkulam . 
pitR^ipaitAmaha.n rAjya.n kasya nAvartayenmanaH .. 15..\\
sa~NgatyA bharataH shrImAnrAjyenArthI svayaM bhavet . 
prashAstu vasudhA.n sarvAmakhilAM raghunandanaH .. 16..\\
tasya buddhi.n cha viGYAya vyavasAyaM cha vAnara . 
yAvanna dUra.n yAtAH smaH kShipramAgantumarhasi .. 17..\\
iti pratisamAdiShTo hanUmAnmArutAtmajaH . 
mAnuSha.n dhArayanrUpamayodhyAM tvarito yayau .. 18..\\
la~NghayitvA pitR^ipathaM bhujagendrAlaya.n shubham . 
ga~NgAyamunayorbhIma.n saMnipAtamatItya cha .. 19..\\
shR^i~NgaverapuraM prApya guhamAsAdya vIryavAn . 
sa vAchA shubhayA hR^iShTo hanUmAnidamabravIt .. 20..\\
sakhA tu tava kAkutstho rAmaH satyaparAkramaH . 
sasItaH saha saumitriH sa tvA.n kushalamabravIt .. 21..\\
pa~nchamImadya rajanImuShitvA vachanAnmuneH . 
bharadvAjAbhyanuGYAta.n drakShyasyadyaiva rAghavam .. 22..\\
evamuktvA mahAtejAH samprahR^iShTatanUruhaH . 
utpapAta mahAvego vegavAnavichArayan .. 23..\\
so.apashyadrAmatIrtha.n cha nadI.n vAlukinIM tathA . 
gomatI.n tAM cha so.apashyadbhIma.n sAlavanaM tathA .. 24..\\
sa gatvA dUramadhvAna.n tvaritaH kapiku~njaraH . 
AsasAda drumAnphullAnnandigrAmasamIpajAn .. 25..\\
kroshamAtre tvayodhyAyAshchIrakR^iShNAjinAmbaram . 
dadarsha bharata.n dInaM kR^ishamAshramavAsinam .. 26..\\
jaTilaM maladigdhA~NgaM bhrAtR^ivyasanakarshitam . 
phalamUlAshina.n dAntaM tApasaM dharmachAriNam .. 27..\\
samunnatajaTAbhAra.n valkalAjinavAsasaM . 
niyataM bhAvitAtmAnaM brahmarShisamatejasaM .. 28..\\
pAduke te puraskR^itya shAsanta.n vai vasundharAm . 
chaturvarNyasya lokasya trAtAra.n sarvato bhayAt .. 29..\\
upasthitamamAtyaishcha shuchibhishcha purohitaiH . 
balamukhyaishcha yuktaishcha kAShAyAmbaradhAribhiH .. 30..\\
na hi te rAjaputra.n taM chIrakR^iShNAjinAmbaram . 
parimoktu.n vyavasyanti paurA vai dharmavatsalAH .. 31..\\
ta.n dharmamiva dharmaGYaM devavantamivAparam . 
uvAcha prA~njalirvAkay.n hanUmAnmArutAtmajaH .. 32..\\
vasanta.n daNDakAraNye yaM tvaM chIrajaTAdharam . 
anushochasi kAkutstha.n sa tvA kushalamabravIt .. 33..\\
priyamAkhyAmi te deva shoka.n tyakShyasi dAruNam . 
asminmuhUrte bhrAtrA tva.n rAmeNa saha sa~NgataH .. 34..\\
nihatya rAvaNa.n rAmaH pratilabhya cha maithilIm . 
upayAti samR^iddhArthaH saha mitrairmahAbalaiH .. 35..\\
lakShmaNashcha mahAtejA vaidehI cha yashasvinI . 
sItA samagrA rAmeNa mahendreNa shachI yathA .. 36..\\
evamukto hanumatA bharataH kaikayIsutaH . 
papAta sahasA hR^iShTo harShAnmoha.n jagAma ha .. 37..\\
tato muhUrtAdutthAya pratyAshvasya cha rAghavaH . 
hanUmantamuvAchedaM bharataH priyavAdinam .. 38..\\
ashokajaiH prItimayaiH kapimAli~Ngya sambhramAt . 
siShecha bharataH shrImAnvipulairashrubindubhiH .. 39..\\
devo vA mAnuSho vA tvamanukroshAdihAgataH . 
priyAkhyAnasya te saumya dadAmi bruvataH priyam .. 40..\\
gavA.n shatasahasra.n cha grAmANAM cha shataM param . 
sakuNDalAH shubhAchArA bhAryAH kanyAshcha ShoDasha .. 41..\\
hemavarNAH sunAsorUH shashisaumyAnanAH striyaH . 
sarvAbharaNasampannA sampannAH kulajAtibhiH .. 42..\\
nishamya rAmAgamanaM nR^ipAtmajaH 
kapipravIrasya tadAdbhutopamam . 
praharShito rAmadidR^ikShayAbhavat 
punashcha harShAdidamabravIdvachaH .. 43..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}