\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 114
bahUni nAma varShANi gatasya sumahadvanam . 
shR^iNomyahaM prItikaraM mama nAthasya kIrtanam .. 1..\\
kalyANI bata gAtheya.n laukikI pratibhAti me . 
eti jIvantamAnando nara.n varShashatAdapi .. 2..\\
rAghavasya harINA.n cha kathamAsItsamAgamaH . 
kasmindeshe kimAshritya tattvamAkhyAhi pR^ichchhataH .. 3..\\
sa pR^iShTo rAjaputreNa bR^isyA.n samupaveshitaH . 
AchachakShe tataH sarva.n rAmasya charitaM vane .. 4..\\
yathA pravrajito rAmo mAturdatte vare tava . 
yathA cha putrashokena rAjA dasharatho mR^itaH .. 5..\\
yathA dUtaistvamAnItastUrNa.n rAjagR^ihAtprabho . 
tvayAyodhyAM praviShTena yathA rAjyaM na chepsitam .. 6..\\
chitrakUTa.n giriM gatvA rAjyenAmitrakarshanaH . 
nimantritastvayA bhrAtA dharmamAcharitA satAm .. 7..\\
sthitena rAGYo vachane yathA rAjya.n visarjitam . 
Aryasya pAduke gR^ihya yathAsi punarAgataH .. 8..\\
sarvametanmahAbAho yathAvadvidita.n tava . 
tvayi pratiprayAte tu yadvR^itta.n tannibodha me .. 9..\\
apayAte tvayi tadA samudbhrAntamR^igadvijam . 
praviveshAtha vijana.n sumahaddaNDakAvanam .. 10..\\
teShAM purastAdbalavAngachchhatA.n gahane vane . 
vinadansumahAnAda.n virAdhaH pratyadR^ishyata .. 11..\\
tamutkShipya mahAnAdamUrdhvabAhumadhomukham . 
nikhAte prakShipanti sma nadantamiva ku~njaram .. 12..\\
tatkR^itvA duShkara.n karma bhrAtarau rAmalakShmaNau . 
sAyAhne sharabha~Ngasya ramyamAshramamIyatuH .. 13..\\
sharabha~Nge divaM prApte rAmaH satyaparAkramaH . 
abhivAdya munInsarvA~njanasthAnamupAgamat .. 14..\\
chaturdashasahasrANi rakShasAM bhImakarmaNAm . 
hatAni vasatA tatra rAghaveNa mahAtmanA .. 15..\\
tataH pashchAchchhUrpaNakhA rAmapArshvamupAgatA . 
tato rAmeNa sandiShTo lakShmaNaH sahasotthitaH .. 16..\\
pragR^ihya khaDga.n chichchheda karNanAse mahAbalaH . 
tatastenArditA bAlA rAvaNa.n samupAgatA .. 17..\\
rAvaNAnucharo ghoro mArIcho nAma rAkShasaH . 
lobhayAmAsa vaidehIM bhUtvA ratnamayo mR^igaH .. 18..\\
sA rAmamabravIddR^iShTvA vaidehI gR^ihyatAm iti . 
aho manoharaH kAnta Ashrame no bhaviShyati .. 19..\\
tato rAmo dhanuShpANirdhAvantamanudhAvati . 
sa ta.n jaghAna dhAvanta.n shareNAnataparvaNA .. 20..\\
atha saumyA dashagrIvo mR^iga.n yAte tu rAghave . 
lakShmaNe chApi niShkrAnte praviveshAshrama.n tadA . 
jagrAha tarasA sItA.n grahaH khe rohiNIm iva .. 21..\\
trAtukAma.n tato yuddhe hatvA gR^idhraM jaTAyuSham . 
pragR^ihya sItA.n sahasA jagAmAshu sa rAvaNaH .. 22..\\
tatastvadbhutasa~NkAshAH sthitAH parvatamUrdhani . 
sItA.n gR^ihItvA gachchhanta.n vAnarAH parvatopamAH . 
dadR^ishurvismitAstatra rAvaNa.n rAkShasAdhipam .. 23..\\
praviversha tadA la~NkA.n rAvaNo lokarAvaNaH .. 24..\\
tA.n suvarNaparikrAnte shubhe mahati veshmani . 
praveshya maithilI.n vAkyaiH sAntvayAmAsa rAvaNaH .. 25..\\
nivartamAnaH kAkutstho dR^iShTvA gR^idhraM pravivyathe .. 26..\\
gR^idhra.n hata.n tadA dagdhvA rAmaH priyasakhaM pituH . 
godAvarImanucharanvanoddeshAMshcha puShpitAn . 
AsedaturmahAraNye kabandhaM nAma rAkShasaM .. 27..\\
tataH kabandhavachanAdrAmaH satyaparAkramaH . 
R^ishyamUka.n giriM gatvA sugrIveNa samAgataH .. 28..\\
tayoH samAgamaH pUrvaM prItyA hArdo vyajAyata . 
itaretara sa.nvAdAtpragADhaH praNayastayoH .. 29..\\
rAmaH svabAhuvIryeNa svarAjyaM pratyapAdayat . 
vAlina.n samare hatvA mahAkAyaM mahAbalam .. 30..\\
sugrIvaH sthApito rAjye sahitaH sarvavAnaraiH . 
rAmAya pratijAnIte rAjaputryAstu mArgaNam .. 31..\\
AdiShTA vAnarendreNa sugrIveNa mahAtmanA . 
dashakoTyaH plava~NgAnA.n sarvAH prasthApitA dishaH .. 32..\\
teShAM no vipranaShTAnA.n vindhye parvatasattame . 
bhR^isha.n shokAbhitaptAnAM mahAnkAlo.atyavartata .. 33..\\
bhrAtA tu gR^idhrarAjasya sampAtirnAma vIryavAn . 
samAkhyAti sma vasati.n sItAyA rAvaNAlaye .. 34..\\
so.aha.n duHkhaparItAnAM duHkhaM tajGYAtinAM nudan . 
AtmavIrya.n samAsthAya yojanAnAM shataM plutaH .. 35..\\
tatrAhamekAmadrAkShamashokavanikA.n gatAm . 
kausheyavastrAM malinAM nirAnandA.n dR^iDhavratAm .. 36..\\
tayA sametya vidhivatpR^iShTvA sarvamaninditAm . 
abhiGYAnaM maNi.n labdhvA charitArtho.ahamAgataH .. 37..\\
mayA cha punarAgamya rAmasyAkliShTakarmaNaH . 
abhiGYAnaM mayA dattamarchiShmAnsa mahAmaNiH .. 38..\\
shrutvA tAM maithilI.n hR^iShTastvAshasha.nse sa jIvitam . 
jIvitAntamanuprAptaH pItvAmR^itamivAturaH .. 39..\\
udyojayiShyannudyoga.n dadhre la~NkAvadhe manaH . 
jighA.nsuriva lokA.nste sarvA.NllokAnvibhAvasuH .. 40..\\
tataH samudramAsAdya nala.n setumakArayat . 
ataratkapivIrANA.n vAhinI tena setunA .. 41..\\
prahastamavadhInnIlaH kumbhakarNa.n tu rAghavaH . 
lakShmaNo rAvaNasuta.n svayaM rAmastu rAvaNam .. 42..\\
sa shakreNa samAgamya yamena varuNena cha . 
surarShibhishcha kAkutstho varA.Nllebhe parantapaH .. 43..\\
sa tu dattavaraH prItyA vAnaraishcha samAgataH . 
puShpakeNa vimAnena kiShkindhAmabhyupAgamat .. 44..\\
ta.n ga~NgAM punarAsAdya vasantaM munisaMnidhau . 
avighnaM puShyayogena shvo rAma.n draShTumarhasi .. 45..\\
tataH sa satya.n hanumadvacho mahan 
nishamya hR^iShTo bharataH kR^itA~njaliH . 
uvAcha vANIM manasaH praharShiNI 
chirasya pUrNaH khalu me manorathaH .. 46..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}