\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 115
shrutvA tu paramAnandaM bharataH satyavikramaH . 
hR^iShTamAGYApayAmAsa shatrughnaM paravIrahA .. 1..\\
daivatAni cha sarvANi chaityAni nagarasya cha . 
sugandhamAlyairvAditrairarchantu shuchayo narAH .. 2..\\
rAjadArAstathAmAtyAH sainyAH senAgaNA~NganAH . 
abhiniryAntu rAmasya draShTu.n shashinibhaM mukham .. 3..\\
bharatasya vachaH shrutvA shatrughnaH paravIrahA . 
viShTIranekasAhasrIshchodayAmAsa vIryavAn .. 4..\\
samIkuruta nimnAni viShamANi samAni cha . 
sthAnAni cha nirasyantAM nandigrAmAditaH param .. 5..\\
si~nchantu pR^ithivI.n kR^itsnA.n himashItena vAriNA . 
tato.abhyavakira.nstvanye lAjaiH puShpaishcha sarvataH .. 6..\\
samuchchhritapatAkAstu rathyAH puravarottame . 
shobhayantu cha veshmAni sUryasyodayanaM prati .. 7..\\
sragdAmamuktapuShpaishcha sugandhaiH pa~nchavarNakaiH . 
rAjamArgamasambAdha.n kirantu shatasho narAH .. 8..\\
mattairnAgasahasraishcha shAtakumbhavibhUShitaH . 
apare hemakakShyAbhiH sagajAbhiH kareNubhiH . 
niryayustvarayA yuktA rathaishcha sumahArathAH .. 9..\\
tato yAnAnyupArUDhAH sarvA dasharathastriyaH . 
kausalyAM pramukhe kR^itvA sumitrA.n chApi niryayuH .. 10..\\
ashvAnA.n khurashabdena rathanemisvanena cha . 
sha~NkhadundubhinAdena sa~ncachAleva medinI .. 11..\\
kR^itsna.n cha nagaraM tattu nandigrAmamupAgamat . 
dvijAtimukhyairdharmAtmA shreNImukhyaiH sanaigamaiH .. 12..\\
mAlyamodaka hastaishcha mantribhirbharato vR^itaH . 
sha~NkhabherIninAdaishcha bandibhishchAbhivanditaH .. 13..\\
AryapAdau gR^ihItvA tu shirasA dharmakovidaH . 
pANDura.n chhatramAdAya shuklamAlyopashobhitam .. 14..\\
shukle cha vAlavyajane rAjArhe hemabhUShite . 
upavAsakR^isho dInashchIrakR^iShNAjinAmbaraH .. 15..\\
bhrAturAgamana.n shrutvA tatpUrvaM harShamAgataH . 
pratyudyayau tadA rAmaM mahAtmA sachivaiH saha .. 16..\\
samIkShya bharato vAkyamuvAcha pavanAtmajam . 
kachchinna khalu kApeyI sevyate chalachittatA . 
na hi pashyAmi kAkutstha.n rAmamAryaM parantapam .. 17..\\
athaivamukte vachane hanUmAnidamabravIt . 
artha.n viGYApayanneva bharataM satyavikramam .. 18..\\
sadA phalAnkusumitAnvR^ikShAnprApya madhusravAn . 
bharadvAjaprasAdena mattabhramaranAditAn .. 19..\\
tasya chaiSha varo datto vAsavena parantapa . 
sasainyasya tadAtithya.n kR^ita.n sarvaguNAnvitam .. 20..\\
nisvanaH shrUyate bhImaH prahR^iShTAnA.n vanaukasAm . 
manye vAnarasenA sA nadI.n tarati gomatIm .. 21..\\
rajovarSha.n samudbhUtaM pashya vAlukinIM prati . 
manye sAlavana.n ramyaM lolayanti plava~NgamAH .. 22..\\
tadetaddR^ishyate dUrAdvimala.n chandrasaMnibham . 
vimAnaM puShpaka.n divyaM manasA brahmanirmitam .. 23..\\
rAvaNaM bAndhavaiH sArdha.n hatvA labdhaM mahAtmanA . 
dhanadasya prasAdena divyametanmanojavam .. 24..\\
etasminbhrAtarau vIrau vaidehyA saha rAghavau . 
sugrIvashcha mahAtejA rAkShasendro vibhIShaNaH .. 25..\\
tato harShasamudbhUto nisvano divamaspR^ishat . 
strIbAlayuvavR^iddhAnA.n rAmo.ayamiti kIrtitaH .. 26..\\
rathaku~njaravAjibhyaste.avatIrya mahI.n gatAH . 
dadR^ishusta.n vimAnasthaM narAH somamivAmbare .. 27..\\
prA~njalirbharato bhUtvA prahR^iShTo rAghavonmukhaH . 
svAgatena yathArthena tato rAmamapUjayat .. 28..\\
manasA brahmaNA sR^iShTe vimAne lakShmaNAgrajaH . 
rarAja pR^ithudIrghAkSho vajrapANirivAparaH .. 29..\\
tato vimAnAgragataM bharato bhrAtara.n tadA . 
vavande praNato rAmaM merusthamiva bhAskaram .. 30..\\
Aropito vimAna.n tadbharataH satyavikramaH . 
rAmamAsAdya muditaH punarevAbhyavAdayat .. 31..\\
ta.n samutthApya kAkutsthashchirasyAkShipatha.n gatam . 
a~Nke bharatamAropya muditaH pariShaShvaje .. 32..\\
tato lakShmaNamAsAdya vaidehI.n cha parantapaH . 
abhyavAdayata prIto bharato nAma chAbravIt .. 33..\\
sugrIva.n kaikayI putro jAmbavantaM tathA~Ngadam . 
mainda.n cha dvividaM nIlamR^iShabhaM chaiva sasvaje .. 34..\\
te kR^itvA mAnuSha.n rUpaM vAnarAH kAmarUpiNaH . 
kushalaM paryapR^iShhanta prahR^iShTA bharata.n tadA .. 35..\\
vibhIShaNa.n cha bharataH sAntvayanvAkyamabravIt . 
diShTyA tvayA sahAyena kR^ita.n karma suduShkaram .. 36..\\
shatrughnashcha tadA rAmamabhivAdya salakShmaNam . 
sItAyAshcharaNau pashchAdvavande vinayAnvitaH .. 37..\\
rAmo mAtaramAsAdya viShaNNa.n shokakarshitAm . 
jagrAha praNataH pAdau mano mAtuH prasAdayan .. 38..\\
abhivAdya sumitrA.n cha kaikeyIM cha yashasvinIm . 
sa mAtR^Ishcha tadA sarvAH purohitamupAgamat .. 39..\\
svAgata.n te mahAbAho kausalyAnandavardhana . 
iti prA~njalayaH sarve nAgarA rAmamabruvan .. 40..\\
tanya~njalisahasrANi pragR^ihItAni nAgaraiH . 
AkoshAnIva padmAni dadarsha bharatAgrajaH .. 41..\\
pAduke te tu rAmasya gR^ihItvA bharataH svayam . 
charaNAbhyAM narendrasya yojayAmAsa dharmavit .. 42..\\
abravIchcha tadA rAmaM bharataH sa kR^itA~njaliH . 
etatte rakShita.n rAjanrAjyaM niryAtitaM mayA .. 43..\\
adya janma kR^itArthaM me sa.nvR^ittashcha manorathaH . 
yastvAM pashyAmi rAjAnamayodhyAM punarAgatam .. 44..\\
avekShatAM bhavAnkosha.n koShThAgAraM puraM balam . 
bhavatastejasA sarva.n kR^itaM dashaguNaM mayA .. 45..\\
tathA bruvANaM bharata.n dR^iShTvA taM bhrAtR^ivatsalam . 
mumuchurvAnarA bAShpa.n rAkShasashcha vibhIShaNaH .. 46..\\
tataH praharShAdbharatama~NkamAropya rAghavaH . 
yayau tena vimAnena sasainyo bharatAshramam .. 47..\\
bharatAshramamAsAdya sasainyo rAghavastadA . 
avatIrya vimAnAgrAdavatasthe mahItale .. 48..\\
abravIchcha tadA rAmastadvimAnamanuttamam . 
vaha vaishravaNa.n devamanujAnAmi gamyatAm .. 49..\\
tato rAmAbhyanuGYAta.n tadvimAnamanuttamam . 
uttarA.n dishamuddishya jagAma dhanadAlayam .. 50..\\
purohitasyAtmasamasya rAghavo 
bR^ihaspateH shakra ivAmarAdhIaph . 
nipIDya pAdau pR^ithagAsane shubhe 
sahaiva tenopavivesha vIryavAn .. 51..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}