\documentstyle[11pt,multicol,itrans]{iarticle} #include=ijag.inc #endwordvowel=.h \portraitpage \parindent=0pt % no indents \let\usedvng=\normaldvng % \Largedvng \pagestyle{headings} \begin{document} #indian \centerline{\hugedvng .. vaalmiiki raamaayaNa..}\medskip ##\setcounter{section}{5}## ##\begin{center}## \section{yuddhakaaNDa} ##\end{center}## \medskip 116 shirasya~njalimAdAya kaikeyInandivardhanaH . babhAShe bharato jyeShTha.n rAmaM satyaparAkramam .. 1..\\ pUjitA mAmikA mAtA datta.n rAjyamidaM mama . taddadAmi punastubhya.n yathA tvamadadA mama .. 2..\\ dhuramekAkinA nyastAmR^iShabheNa balIyasA . kishoravadguruM bhAraM na voDhumahamutsahe .. 3..\\ vArivegena mahatA bhinnaH seturiva kSharan . durbandhanamidaM manye rAjyachchhidramasa.nvR^itam .. 4..\\ gati.n khara ivAshvasya ha.nsasyeva cha vAyasaH . nAnvetumutsahe deva tava mArgamarindama .. 5..\\ yathA cha ropito vR^ikSho jAtashchAntarniveshane . mahAMshcha sudurAroho mahAskandhaH prashAkhavAn .. 6..\\ shIryeta puShpito bhUtvA na phalAni pradarshayet . tasya nAnubhavedartha.n yasya hetoH sa ropyate .. 7..\\ eShopamA mahAbAho tvamartha.n vettumarhasi . yadyasmAnmanujendra tvaM bhaktAnbhR^ityAnna shAdhi hi .. 8..\\ jagadadyAbhiShikta.n tvAmanupashyatu sarvataH . pratapantamivAdityaM madhyAhne dIptatejasaM .. 9..\\ tUryasa~NghAtanirghoShaiH kA~nchInUpuranisvanaiH . madhurairgItashabdaishcha pratibudhyasva sheShva cha .. 10..\\ yAvadAvartate chakra.n yAvatI cha vasundharA . tAvattvamiha sarvasya svAmitvamabhivartaya .. 11..\\ bharatasya vachaH shrutvA rAmaH parapura~njayaH . tatheti pratijagrAha niShasAdAsane shubhe .. 12..\\ tataH shatrughnavachanAnnipuNAH shmashruvardhakAH . sukhahastAH sushIghrAshcha rAghavaM paryupAsata .. 13..\\ pUrva.n tu bharate snAte lakShmaNe cha mahAbale . sugrIve vAnarendre cha rAkShasendre vibhIShaNe .. 14..\\ vishodhitajaTaH snAtashchitramAlyAnulepanaH . mahArhavasanopetastasthau tatra shriyA jvalan .. 15..\\ pratikarma cha rAmasya kArayAmAsa vIryavAn . lakShmaNasya cha lakShmIvAnikShvAkukulavardhanaH .. 16..\\ pratikarma cha sItAyAH sarvA dasharathastriyaH . Atmanaiva tadA chakrurmanasvinyo manoharam .. 17..\\ tato rAghavapatnInA.n sarvAsAmeva shobhanam . chakAra yatnAtkausalyA prahR^iShTA putravatsalA .. 18..\\ tataH shatrughnavachanAtsumantro nAma sArathiH . yojayitvAbhichakrAma ratha.n sarvA~Ngashobhanam .. 19..\\ arkamaNDalasa~NkAsha.n divyaM dR^iShTvA ratha.n sthitam . Aruroha mahAbAhU rAmaH satyaparAkramaH .. 20..\\ ayodhyAyA.n tu sachivA rAGYo dasharathasya ye . purohitaM puraskR^itya mantrayAmAsurarthavat .. 21..\\ mantrayanrAmavR^iddhyartha.n vR^ittyarthaM nagarasya cha . sarvamevAbhiShekArtha.n jayArhasya mahAtmanaH . kartumarhatha rAmasya yadyanma~NgalapUrvakam .. 22..\\ iti te mantriNaH sarve sandishya tu purohitam . nagarAnniryayustUrNa.n rAmadarshanabuddhayaH .. 23..\\ hariyukta.n sahasrAkSho rathamindra ivAnaghaH . prayayau rathamAsthAya rAmo nagaramuttamam .. 24..\\ jagrAha bharato rashmI~nshatrughnashchhatramAdade . lakShmaNo vyajana.n tasya mUrdhni samparyavIjayat .. 25..\\ shveta.n cha vAlavyajana.n sugrIvo vAnareshvaraH . apara.n chandrasa~NkAsha.n rAkShasendro vibhIShaNaH .. 26..\\ R^iShisa~NghairtadAkAshe devaishcha samarudgaNaiH . stUyamAnasya rAmasya shushruve madhuradhvaniH .. 27..\\ tataH shatru~njayaM nAma ku~njaraM parvatopamam . Aruroha mahAtejAH sugrIvo vAnareshvaraH .. 28..\\ navanAgasahasrANi yayurAsthAya vAnarAH . mAnuSha.n vigraha.n kR^itvA sarvAbharaNabhUShitAH .. 29..\\ sha~NkhashabdapraNAdaishcha dundubhInA.n cha nisvanaiH . prayayU puruShavyAghrastAM purI.n harmyamAlinIm .. 30..\\ dadR^ishuste samAyAnta.n rAghavaM sapuraHsaram . virAjamAna.n vapuShA rathenAtiratha.n tadA .. 31..\\ te vardhayitvA kAkutstha.n rAmeNa pratinanditAH . anujagmurmahAtmAnaM bhrAtR^ibhiH parivAritam .. 32..\\ amAtyairbrAhmaNaishchaiva tathA prakR^itibhirvR^itaH . shriyA viruruche rAmo nakShatrairiva chandramAH .. 33..\\ sa purogAmibhistUryaistAlasvastikapANibhiH . pravyAharadbhirmuditairma~NgalAni yayau vR^itaH .. 34..\\ akShata.n jAtarUpaM cha gAvaH kanyAstathA dvijAH . narA modakahastAshcha rAmasya purato yayuH .. 35..\\ sakhya.n cha rAmaH sugrIve prabhAvaM chAnilAtmaje . vAnarANA.n cha tatkarma vyAchachakShe.atha mantriNAm . shrutvA cha vismaya.n jagmurayodhyApuravAsinaH .. 36..\\ dyutimAnetadAkhyAya rAmo vAnarasa.nvR^itaH . hR^iShTapuShTajanAkIrNAmayodhyAM pravivesha ha .. 37..\\ tato hyabhyuchchhrayanpaurAH patAkAste gR^ihe gR^ihe . aikShvAkAdhyuShita.n ramyamAsasAda piturgR^iham .. 38..\\ piturbhavanamAsAdya pravishya cha mahAtmanaH . kausalyA.n cha sumitrAM cha kaikeyIM chAbhyavAdayat .. 39..\\ athAbravIdrAjaputro bharata.n dharmiNA.n varam . athopahitayA vAchA madhura.n raghunandanaH .. 40..\\ yachcha madbhavana.n shreShThaM sAshokavanikaM mahat . muktAvaidUryasa~NkIrNa.n sugrIvasya nivedaya .. 41..\\ tasya tadvachana.n shrutvA bharataH satyavikramaH . pANau gR^ihItvA sugrIvaM pravivesha tamAlayam .. 42..\\ tatastailapradIpAMshcha parya~NkAstaraNAni cha . gR^ihItvA vivishuH kShipra.n shatrughnena prachoditAH .. 43..\\ uvAcha cha mahAtejAH sugrIva.n rAghavAnujaH . abhiShekAya rAmasya dUtAnAGYApaya prabho .. 44..\\ sauvarNAnvAnarendrANA.n chaturNAM chaturo ghaTAn . dadau kShipra.n sa sugrIvaH sarvaratnavibhUShitAn .. 45..\\ yathA pratyUShasamaye chaturNA.n sAgarAmbhasAm . pUrNairghaTaiH pratIkShadhva.n tathA kuruta vAnarAH .. 46..\\ evamuktA mahAtmAno vAnarA vAraNopamAH . utpeturgagana.n shIghra.n garuDA iva shIghragAH .. 47..\\ jAmbavAMshcha hanUmAMshcha vegadarshI cha vAnaraH . R^iShabhashchaiva kalashA~njalapUrNAnathAnayan . nadIshatAnAM pa~nchAnA.n jale kumbhairupAharan .. 48..\\ pUrvAtsamudrAtkalasha.n jalapUrNamathAnayat . suSheNaH sattvasampannaH sarvaratnavibhUShitam .. 49..\\ R^iShabho dakShiNAttUrNa.n samudrAjjalamAharat .. 50..\\ raktachandanakarpUraiH sa.nvR^ita.n kA~nchanaM ghaTam . gavayaH pashchimAttoyamAjahAra mahArNavAt .. 51..\\ ratnakumbhena mahatA shItaM mArutavikramaH . uttarAchcha jala.n shIghra.n garuDAnilavikramaH .. 52..\\ abhiShekAya rAmasya shatrughnaH sachivaiH saha . purohitAya shreShThAya suhR^idbhyash cha nyavedayat .. 53..\\ tataH sa prayato vR^iddho vasiShTho brAhmaNaiH saha . rAma.n ratnamayo pIThe sahasItaM nyaveshayat .. 54..\\ vasiShTho vAmadevashcha jAbAliratha kAshyapaH . kAtyAyanaH suyaGYashcha gautamo vijayastathA .. 55..\\ abhyaShi~nchannaravyAghraM prasannena sugandhinA . salilena sahasrAkSha.n vasavo vAsavaM yathA .. 56..\\ R^itvigbhirbrAhmaNaiH pUrva.n kanyAbhirmantribhistathA . yodhaishchaivAbhyaShi~ncha.nste samprahR^iShTAH sanaigamaiH .. 57..\\ sarvauShadhirasaishchApi daivatairnabhasi sthitaiH . chaturhirlokapAlaishcha sarvairdevaishcha sa~NgataiH .. 58..\\ chhatra.n tasya cha jagrAha shatrughnaH pANDura.n shubham . shveta.n cha vAlavyajana.n sugrIvo vAnareshvaraH . apara.n chandrasa~NkAsha.n rAkShasendro vibhIShaNaH .. 59..\\ mAlA.n jvalantI.n vapuShA kA~nchanIM shatapuShkarAm . rAghavAya dadau vAyurvAsavena prachoditaH .. 60..\\ sarvaratnasamAyuktaM maNiratnavibhUShitam . muktAhAraM narendrAya dadau shakraprachoditaH .. 61..\\ prajagurdevagandharvA nanR^itushchApsaro gaNAH . abhiSheke tadarhasya tadA rAmasya dhImataH .. 62..\\ bhUmiH sasyavatI chaiva phalavantashcha pAdapAH . gandhavanti cha puShpANi babhUvU rAghavotsave .. 63..\\ sahasrashatamashvAnA.n dhenUnAM cha gavAM tathA . dadau shata.n vR^iShAnpUrva.n dvijebhyo manujarShabhaH .. 64..\\ triMshatkoTIrhiraNyasya brAhmaNebhyo dadau punaH . nAnAbharaNavastrANi mahArhANi cha rAghavaH .. 65..\\ arkarashmipratIkAshA.n kA~nchanIM maNivigrahAm . sugrIvAya sraja.n divyAM prAyachchhanmanujarShabhaH .. 66..\\ vaidUryamaNichitre cha vajraratnavibhUShite . vAliputrAya dhR^itimAna~NgadAyA~Ngade dadau .. 67..\\ maNipravarajuShTa.n cha muktAhAramanuttamam . sItAyai pradadau rAmashchandrarashmisamaprabham .. 68..\\ araje vAsasI divye shubhAnyAbharaNAni cha . avekShamANA vaidehI pradadau vAyusUnave .. 69..\\ avamuchyAtmanaH kaNThAddhAra.n janakanandinI . avaikShata harInsarvAnbhartAra.n cha muhurmuhuH .. 70..\\ tAmi~NgitaGYaH samprekShya babhAShe janakAtmajAm . pradehi subhage hAra.n yasya tuShTAsi bhAmini .. 71..\\ pauruSha.n vikramo buddhiryasminnetAni nityadA . dadau sA vAyuputrAya ta.n hAramasitekShaNA .. 72..\\ hanUmA.nstena hAreNa shushubhe vAnararShabhaH . chandrAMshuchayagaureNa shvetAbhreNa yathAchalaH .. 73..\\ tato dvivida maindAbhyAM nIlAya cha parantapaH . sarvAnkAmaguNAnvIkShya pradadau vasudhAdhipaH .. 74..\\ sarvavAnaravR^iddhAshcha ye chAnye vAnareshvarAH . vAsobhirbhUShaNaishchaiva yathArhaM pratipUjitAH .. 75..\\ yathArhaM pUjitAH sarve kAmai ratnaishcha puShkalair . prahR^iShTamanasaH sarve jagmureva yathAgatam .. 76..\\ rAghavaH paramodAraH shashAsa parayA mudA . uvAcha lakShmaNa.n rAmo dharmaGYa.n dharmavatsalaH .. 77..\\ AtiShTha dharmaGYa mayA sahemAM gAM pUrvarAjAdhyuShitAM balena . tulyaM mayA tvaM pitR^ibhirdhR^itA yA tA.n yauvarAjye dhuramudvahasva .. 78..\\ sarvAtmanA paryanunIyamAno yadA na saumitrirupaiti yogam . niyujyamAno bhuvi yauvarAjye tato.abhyaShi~nchadbharataM mahAtmA .. 79..\\ rAghavashchApi dharmAtmA prApya rAjyamanuttamam . Ije bahuvidhairyaGYaiH sasuhR^idbhrAtR^ibAndhavaH .. 80..\\ pauNDarIkAshvamedhAbhyA.n vAjapeyena chAsakR^it . anyaishcha vividhairyaGYairayajatpArthivarShabhaH .. 81..\\ rAjya.n dashasahasrANi prApya varShANi rAghavaH . shatAshvamedhAnAjahre sadashvAnbhUridakShiNAn .. 82..\\ AjAnulambibAhushcha mahAskandhaH pratApavAn . lakShmaNAnucharo rAmaH pR^ithivImanvapAlayat .. 83..\\ na paryadevanvidhavA na cha vyAlakR^itaM bhayam . na vyAdhijaM bhaya.n vApi rAme rAjyaM prashAsati .. 84..\\ nirdasyurabhavalloko nAnarthaH ka.n chidaspR^ishat . na cha sma vR^iddhA bAlAnAM pretakAryANi kurvate .. 85..\\ sarvaM muditamevAsItsarvo dharmaparo.abhavat . rAmamevAnupashyanto nAbhyahi.nsanparasparam .. 86..\\ AsanvarShasahasrANi tathA putrasahasriNaH . nirAmayA vishokAshcha rAme rAjyaM prashAsati .. 87..\\ nityapuShpA nityaphalAstaravaH skandhavistR^itAH . kAlavarShI cha parjanyaH sukhasparshashcha mArutaH .. 88..\\ svakarmasu pravartante tuShThAH svaireva karmabhiH . AsanprajA dharmaparA rAme shAsati nAnR^itAH .. 89..\\ sarve lakShaNasampannAH sarve dharmaparAyaNAH . dashavarShasahasrANi rAmo rAjyamakArayat .. 90..\\ ##\end{multicols}## ## \medskip\hrule\medskip The files in this directory are revised versions of the digital files produced by Professor Muneo Tokunaga, Kyoto University, and copyrighted by him. I am grateful to Professor Tokunaga for his agreement to this use of his original files and for permitting the revised versions to be made publicly available. \\ Dr J. D. Smith ; email: jds10@cam.ac.uk ; http://bombay.oriental.cam.ac.uk/index.html \medskip\hrule\medskip ITRANS conversion questions to: Avinash Chopde \medskip\hrule\medskip Last updated on \today ; Send corrections to sanskrit@cheerful.com \end{document}