\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 18
tA.nstu te.ahaM pravakShyAmi prekShamANasya yUthapAn . 
rAghavArthe parAkrAntA ye na rakShanti jIvitam .. 1..\\
snigdhA yasya bahushyAmA bAlA lA~NgUlamAshritAH . 
tAmrAH pItAH sitAH shvetAH prakIrNA ghorakarmaNaH .. 2..\\
pragR^ihItAH prakAshante sUryasyeva marIchayaH . 
pR^ithivyA.n chAnukR^iShyante haro nAmaiSha yUthapaH .. 3..\\
yaM pR^iShThato.anugachchhanti shatasho.atha sahasrashaH . 
drumAnudyamya sahitA la~NkArohaNatatparAH .. 4..\\
eSha koTIsahasreNa vAnarANAM mahaujasAm . 
AkA~NkShate tvA.n sa~NgrAme jetuM parapura~njaya .. 5..\\
nIlAniva mahAmeghA.nstiShThato yA.nstu pashyasi . 
asitA~njanasa~NkAshAnyuddhe satyaparAkramAn .. 6..\\
nakhadaMShTrAyudhAnvIrA.nstIkShNakopAnbhayAvahAn . 
asa~NkhyeyAnanirdeshyAnparaM pAramivodadheH .. 7..\\
parvateShu cha ye ke chidviShameShu nadIShu cha . 
ete tvAmabhivartante rAjannR^iShkAH sudAruNAH .. 8..\\
eShAM madhye sthito rAjanbhImAkSho bhImadarshanaH . 
parjanya iva jImUtaiH samantAtparivAritaH .. 9..\\
R^ikShavanta.n girishreShThamadhyAste narmadAM piban . 
sarvarkShANAmadhipatirdhUmro nAmaiSha yUthapaH .. 10..\\
yavIyAnasya tu bhrAtA pashyainaM parvatopamam . 
bhrAtrA samAno rUpeNa vishiShTastu parAkrame .. 11..\\
sa eSha jAmbavAnnAma mahAyUthapayUthapaH . 
prashAnto guruvartI cha samprahAreShvamarShaNaH .. 12..\\
etena sAhya.n sumahatkR^itaM shakrasya dhImatA . 
devAsure jAmbavatA labdhAshcha bahavo varAH .. 13..\\
Aruhya parvatAgrebhyo mahAbhravipulAH shilAH . 
mu~nchanti vipulAkArA na mR^ityorudvijanti cha .. 14..\\
rAkShasAnA.n cha sadR^ishAH pishAchAnAM cha romashAH . 
etasya sainye bahavo vicharantyagnitejasaH .. 15..\\
ya.n tvenamabhisa.nrabdhaM plavamAnamiva sthitam . 
prekShante vAnarAH sarve sthita.n yUthapayUthapam .. 16..\\
eSha rAjansahasrAkShaM paryupAste harIshvaraH . 
balena balasampanno rambho nAmaiSha yUthapaH .. 17..\\
yaH sthita.n yojane shaila.n gachchhanpArshvena sevate . 
Urdhva.n tathaiva kAyena gataH prApnoti yojanam .. 18..\\
yasmAnna parama.n rUpa.n chatuShpAdeShu vidyate . 
shrutaH saMnAdano nAma vAnarANAM pitAmahaH .. 19..\\
yena yuddha.n tadA datta.n raNe shakrasya dhImatA . 
parAjayashcha na prAptaH so.aya.n yUthapayUthapaH . 
yasya vikramamANasya shakrasyeva parAkramaH .. 20..\\
eSha gandharvakanyAyAmutpannaH kR^iShNavartmanA . 
purA devAsure yuddhe sAhyArtha.n tridivaukasAm .. 21..\\
yasya vaishravaNo rAjA jambUmupaniShevate . 
yo rAjA parvatendrANAM bahukiMnarasevinAm .. 22..\\
vihArasukhado nityaM bhrAtuste rAkShasAdhipa . 
tatraiSha vasati shrImAnbalavAnvAnararShabhaH . 
yuddheShvakatthano nitya.n krathano nAma yUthapaH .. 23..\\
vR^itaH koTisahasreNa harINA.n samupasthitaH . 
eShaivAsha.nsate la~NkA.n svenAnIkena marditum .. 24..\\
yo ga~NgAmanu paryeti trAsayanhastiyUthapAn . 
hastinA.n vAnarANA.n cha pUrvavairamanusmaran .. 25..\\
eSha yUthapatirnetA gachchhangiriguhAshayaH . 
harINA.n vAhinI mukhyo nadIM haimavatIm anu .. 26..\\
ushIra bIjamAshritya parvataM mandaropamam . 
ramate vAnarashreShTho divi shakra iva svayam .. 27..\\
ena.n shatasahasrANAM sahasramabhivartate . 
eSha durmarShaNo rAjanpramAthI nAma yUthapaH .. 28..\\
vAtenevoddhataM megha.n yamenamanupashyasi . 
vivartamAnaM bahusho yatraitadbahula.n rajaH .. 29..\\
ete.asitamukhA ghorA golA~NgUlA mahAbalAH . 
shata.n shatasahasrANi dR^iShTvA vai setubandhanam .. 30..\\
golA~NgUlaM mahAvega.n gavAkShaM nAma yUthapam . 
parivAryAbhivartante la~NkAM marditumojasA .. 31..\\
bhramarAcharitA yatra sarvakAmaphaladrumAH . 
ya.n sUryatulyavarNAbhamanuparyeti parvatam .. 32..\\
yasya bhAsA sadA bhAnti tadvarNA mR^igapakShiNaH . 
yasya prasthaM mahAtmAno na tyajanti maharShayaH .. 33..\\
tatraiSha ramate rAjanramye kA~nchanaparvate . 
mukhyo vAnaramukhyAnA.n kesarI nAma yUthapaH .. 34..\\
ShaShTirgirisahasrANA.n ramyAH kA~nchanaparvatAH . 
teShAM madhye girivarastvamivAnagha rakShasAm .. 35..\\
tatraite kapilAH shvetAstAmrAsyA madhupi~NgalAH . 
nivasantyuttamagirau tIkShNadaMShTrAnakhAyudhAH .. 36..\\
si.nha iva chaturdaMShTrA vyAghrA iva durAsadAH . 
sarve vaishvanarasamA jvalitAshIviShopamAH .. 37..\\
sudIrghA~nchitalA~NgUlA mattamAta~NgasaMnibhAH . 
mahAparvatasa~NkAshA mahAjImUtanisvanAH .. 38..\\
eSha chaiShAmadhipatirmadhye tiShThati vIryavAn . 
nAmnA pR^ithivyA.n vikhyAto rAja~nshatabalIti yaH . 
eShaivAsha.nsate la~NkA.n svenAnIkena marditum .. 39..\\
gajo gavAkSho gavayo nalo nIlashcha vAnaraH . 
ekaika eva yUthAnA.n koTibhirdashabhirvR^itaH .. 40..\\
tathAnye vAnarashreShThA vindhyaparvatavAsinaH . 
na shakyante bahutvAttu sa~NkhyAtu.n laghuvikramAH .. 41..\\
sarve mahArAja mahAprabhAvAH 
sarve mahAshailanikAshakAyAH . 
sarve samarthAH pR^ithivI.n kShaNena 
kartuM pravidhvastavikIrNashailAm .. 42..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}