\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 21
tatastamakShobhya bala.n la~NkAdhipataye charAH . 
suvele rAghava.n shaile niviShTaM pratyavedayan .. 1..\\
chArANA.n rAvaNaH shrutvA prAptaM rAmaM mahAbalam . 
jAtodvego.abhavatki.n chichchhArdUla.n vAkyamabravIt .. 2..\\
ayathAvachcha te varNo dInashchAsi nishAchara . 
nAsi kachchidamitrANA.n kruddhAnA.n vashamAgataH .. 3..\\
iti tenAnushiShTastu vAchaM mandamudIrayat . 
tadA rAkShasashArdUla.n shArdUlo bhayavihvalaH .. 4..\\
na te chArayitu.n shakyA rAjanvAnarapu~NgavAH . 
vikrAntA balavantashcha rAghaveNa cha rakShitAH .. 5..\\
nApi sambhAShitu.n shakyAH samprashno.atra na labhyate . 
sarvato rakShyate panthA vAnaraiH parvatopamaiH .. 6..\\
praviShTamAtre GYAto.ahaM bale tasminnachArite . 
balAdgR^ihIto bahubhirbahudhAsmi vidAritaH .. 7..\\
jAnubhirmuShTibhirdantaistalaishchAbhihato bhR^isham . 
pariNIto.asmi haribhirbalavadbhiramarShaNaiH .. 8..\\
pariNIya cha sarvatra nIto.aha.n rAmasa.nsadam . 
rudhirAdigdhasarvA~Ngo vihvalashchalitendriyaH .. 9..\\
haribhirvadhyamAnashcha yAchamAnaH kR^itA~njaliH . 
rAghaveNa paritrAto jIvAmi ha yadR^ichchhayA .. 10..\\
eSha shailaiH shilAbhishcha pUrayitvA mahArNavam . 
dvAramAshritya la~NkAyA rAmastiShThati sAyudhaH .. 11..\\
garuDavyUhamAsthAya sarvato haribhirvR^itaH . 
mA.n visR^ijya mahAtejA la~NkAmevAbhivartate .. 12..\\
purA prAkAramAyAti kShipramekatara.n kuru . 
sItA.n chAsmai prayachchhAshu suyuddha.n vA pradIyatAm .. 13..\\
manasA santatApAtha tachchhrutvA rAkShasAdhipaH . 
shArdUlasya mahadvAkyamathovAcha sa rAvaNaH .. 14..\\
yadi mAM pratiyudhyerandevagandharvadAnavAH . 
naiva sItAM pradAsyAmi sarvalokabhayAdapi .. 15..\\
evamuktvA mahAtejA rAvaNaH punarabravIt . 
chAritA bhavatA senA ke.atra shUrAH plava~NgamAH .. 16..\\
kIdR^ishAH kimprabhAvAshcha vAnarA ye durAsadAH . 
kasya putrAshcha pautrAshcha tattvamAkhyAhi rAkShasa .. 17..\\
tatratra pratipatsyAmi GYAtvA teShAM balAbalam . 
avashyaM balasa~NkhyAna.n kartavya.n yuddhamichchhatA .. 18..\\
athaivamuktaH shArdUlo rAvaNenottamashcharaH . 
ida.n vachanamArebhe vaktuM rAvaNasaMnidhau .. 19..\\
atharkSharajasaH putro yudhi rAjansudurjayaH . 
gadgadasyAtha putro.atra jAmbavAniti vishrutaH .. 20..\\
gadgadasyaiva putro.anyo guruputraH shatakratoH . 
kadana.n yasya putreNa kR^itamekena rakShasAm .. 21..\\
suSheNashchApi dharmAtmA putro dharmasya vIryavAn . 
saumyaH somAtmajashchAtra rAjandadhimukhaH kapiH .. 22..\\
sumukho durmukhashchAtra vegadarshI cha vAnaraH . 
mR^ityurvAnararUpeNa nUna.n sR^iShTaH svayambhuvA .. 23..\\
putro hutavahasyAtha nIlaH senApatiH svayam . 
anilasya cha putro.atra hanUmAniti vishrutaH .. 24..\\
naptA shakrasya durdharSho balavAna~Ngado yuvA . 
maindashcha dvividashchobhau balinAvashvisambhavau .. 25..\\
putrA vaivasvatasyAtra pa~nchakAlAntakopamAH . 
gajo gavAkSho gavayaH sharabho gandhamAdanaH .. 26..\\
shveto jyotirmukhashchAtra bhAskarasyAtmasambhavau . 
varuNasya cha putro.atha hemakUTaH plava~NgamaH .. 27..\\
vishvakarmasuto vIro nalaH plavagasattamaH . 
vikrAnto vegavAnatra vasuputraH sudurdharaH .. 28..\\
dashavAnarakoTyashcha shUrANA.n yuddhakA~NkShiNAm . 
shrImatA.n devaputrANA.n sheShAnnAkhyAtumutsahe .. 29..\\
putro dasharathasyaiSha si.nhasa.nhanano yuvA . 
dUShaNo nihato yena kharashcha trishirAstathA .. 30..\\
nAsti rAmasya sadR^isho vikrame bhuvi kash chana . 
virAdho nihato yena kabandhashchAntakopamaH .. 31..\\
vaktuM na shakto rAmasya naraH kashchidguNAnkShitau . 
janasthAnagatA yena tAvanto rAkShasA hatAH .. 32..\\
lakShmaNashchAtra dharmAtmA mAta~NgAnAmivarShabhaH . 
yasya bANapathaM prApya na jIvedapi vAsavaH .. 33..\\
rAkShasAnA.n variShThashcha tava bhrAtA vibhIShaNaH . 
parigR^ihya purI.n la~NkAM rAghavasya hite rataH .. 34..\\
iti sarva.n samAkhyAta.n tavedaM vAnaraM balam . 
suvele.adhiShThita.n shaile sheShakArye bhavAngatiH .. 35..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}