\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 22
tatastamakShobhyabala.n la~NkAyAM nR^ipateshcharaH . 
suvele rAghava.n shaile niviShTaM pratyavedayan .. 1..\\
chArANA.n rAvaNaH shrutvA prAptaM rAmaM mahAbalam . 
jAtodvego.abhavatki.n chitsachivAMshchedamabravIt .. 2..\\
mantriNaH shIghramAyAntu sarve vai susamAhitAH . 
ayaM no mantrakAlo hi samprApta iva rAkShasAH .. 3..\\
tasya tachchhAsana.n shrutvA mantriNo.abhyAgamandrutam . 
tataH saMmantrayAmAsa sachivai rAkShasaiH saha .. 4..\\
mantrayitvA sa durdharShaH kShama.n yatsamanantaram . 
visarjayitvA sachivAnpravivesha svamAlayam .. 5..\\
tato rAkShasamAhUya vidyujjihvaM mahAbalam . 
mAyAvidaM mahAmAyaH prAvishadyatra maithilI .. 6..\\
vidyujjihva.n cha mAyAGYamabravIdrAkShasAdhipaH . 
mohayiShyAmahe sItAM mAyayA janakAtmajAm .. 7..\\
shiro mAyAmaya.n gR^ihya rAghavasya nishAchara . 
mA.n tva.n samupatiShThasva mahachcha sasharaM dhanuH .. 8..\\
evamuktastathetyAha vidyujjihvo nishAcharaH . 
tasya tuShTo.abhavadrAjA pradadau cha vibhUShaNam .. 9..\\
ashokavanikAyA.n tu pravivesha mahAbalaH . 
tato dInAmadainyArhA.n dadarsha dhanadAnujaH . 
adhomukhI.n shokaparAmupaviShTAM mahItale .. 10..\\
bhartArameva dhyAyantImashokavanikA.n gatAm . 
upAsyamAnA.n ghorAbhI rAkShasIbhiradUrataH .. 11..\\
upasR^itya tataH sItAM praharShannAma kIrtayan . 
ida.n cha vachanaM dhR^iShTamuvAcha janakAtmajAm .. 12..\\
sAntvyamAnA mayA bhadre yamupAshritya valgase . 
khara hantA sa te bhartA rAghavaH samare hataH .. 13..\\
chhinna.n te sarvato mUlaM darpaste nihato mayA . 
vyasanenAtmanaH sIte mama bhAryA bhaviShyasi .. 14..\\
alpapuNye nivR^ittArthe mUDhe paNDitamAnini . 
shR^iNu bhartR^ibadha.n sIte ghoraM vR^itravadhaM yathA .. 15..\\
samAyAtaH samudrAntaM mA.n hantu.n kila rAghavaH . 
vAnarendrapraNItena balena mahatA vR^itaH .. 16..\\
saMniviShTaH samudrasya tIramAsAdya dakShiNam . 
balena mahatA rAmo vrajatyasta.n divAkare .. 17..\\
athAdhvani parishrAntamardharAtre sthitaM balam . 
sukhasupta.n samAsAdya chAritaM prathama.n charaiH .. 18..\\
tatprahastapraNItena balena mahatA mama . 
balamasya hata.n rAtrau yatra rAmaH sulakShmaNaH .. 19..\\
paTTasAnparighAnkhaDgAMshchakrAndaNDAnmahAyasAn . 
bANajAlAni shUlAni bhAsvarAnkUTamudgarAn .. 20..\\
yaShTIshcha tomarAnprAsaMshchakrANi musalAni cha . 
udyamyodyamya rakShobhirvAnareShu nipAtitAH .. 21..\\
atha suptasya rAmasya prahastena pramAthinA . 
asakta.n kR^itahastena shirashchhinnaM mahAsinA .. 22..\\
vibhIShaNaH samutpatya nigR^ihIto yadR^ichchhayA . 
dishaH pravrAjitaH sarvairlakShmaNaH plavagaiH saha .. 23..\\
sugrIvo grIvayA shete bhagnayA plavagAdhipaH . 
nirastahanukaH shete hanUmAnrAkShasairhataH .. 24..\\
jAmbavAnatha jAnubhyAm utpatannihato yudhi . 
paTTasairbahubhishchhinno nikR^ittaH pAdapo yathA .. 25..\\
maindashcha dvividashchobhau nihatau vAnararShabhau . 
niHshvasantau rudantau cha rudhireNa samukShitau .. 26..\\
asinAbhyAhatashchhinno madhye ripuniShUdanaH . 
abhiShTanati medinyAM panasaH panaso yathA .. 27..\\
nArAchairbahubhishchhinnaH shete daryA.n darImukhaH . 
kumudastu mahAtejA niShkUjansAyakairhataH .. 28..\\
a~Ngado bahubhishchhinnaH sharairAsAdya rAkShasaiH . 
pAtito rudhirodgArI kShitau nipatito.a~NgadaH .. 29..\\
harayo mathitA nAgai rathajAlaistathApare . 
shAyitA mR^iditAstatra vAyuvegairivAmbudAH .. 30..\\
pradrutAshcha pare trastA hanyamAnA jaghanyataH . 
abhidrutAstu rakShobhiH si.nhairiva mahAdvipAH .. 31..\\
sAgare patitAH ke chitke chidgaganamAshritAH . 
R^ikShA vR^ikShAnupArUDhA vAnaraistu vimishritAH .. 32..\\
sAgarasya cha tIreShu shaileShu cha vaneShu cha . 
pi~NgAkShAste virUpAkShairbahubhirbahavo hatAH .. 33..\\
eva.n tava hato bhartA sasainyo mama senayA . 
kShatajArdra.n rajodhvastamida.n chAsyAhR^itaM shiraH .. 34..\\
tataH paramadurdharSho rAvaNo rAkShaseshvaraH . 
sItAyAmupashR^iNvantyA.n rAkShasImidamabravIt .. 35..\\
rAkShasa.n krUrakarmANa.n vidyujjihvaM tvamAnaya . 
yena tadrAghavashiraH sa~NgrAmAtsvayamAhR^itam .. 36..\\
vidyujjihvastato gR^ihya shirastatsasharAsanam . 
praNAma.n shirasA kR^itvA rAvaNasyAgrataH sthitaH .. 37..\\
tamabravIttato rAjA rAvaNo rAkShasa.n sthitam . 
vidyujjihvaM mahAjihva.n samIpaparivartinam .. 38..\\
agrataH kuru sItAyAH shIghra.n dAsharatheH shiraH . 
avasthAM pashchimAM bhartuH kR^ipaNA sAdhu pashyatu .. 39..\\
evamukta.n tu tadrakShaH shirastatpriyadarshanam . 
upanikShipya sItAyAH kShipramantaradhIyata .. 40..\\
rAvaNashchApi chikShepa bhAsvara.n kArmukaM mahat . 
triShu lokeShu vikhyAta.n sItAmidamuvAcha ha .. 41..\\
ida.n tattava rAmasya kArmukaM jyAsamanvitam . 
iha prahastenAnIta.n hatvA taM nishi mAnuSham .. 42..\\
sa vidyujjihvena sahaiva tachchhiro 
dhanushcha bhUmau vinikIrya rAvaNaH . 
videharAjasya sutA.n yashasvinIM 
tato.abravIttAM bhava me vashAnugA .. 43..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}