\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 23
sA sItA tachchhiro dR^iShTvA tachcha kArmukamuttamam . 
sugrIvapratisa.nsargamAkhyAta.n cha hanUmatA .. 1..\\
nayane mukhavarNa.n cha bhartustatsadR^ishaM mukham . 
keshAnkeshAntadesha.n cha taM cha chUDAmaNi.n shubham .. 2..\\
etaiH sarvairabhiGYAnairabhiGYAya suduHkhitA . 
vijagarhe.atha kaikeyI.n kroshantI kurarI yathA .. 3..\\
sakAmA bhava kaikeyi hato.aya.n kulanandanaH . 
kulamutsAdita.n sarva.n tvayA kalahashIlayA .. 4..\\
AryeNa kiM nu kaikeyyAH kR^ita.n rAmeNa vipriyam . 
yadgR^ihAchchIravasanastayA prasthApito vanam .. 5..\\
evamuktvA tu vaidehI vepamAnA tapasvinI . 
jagAma jagatIM bAlA chhinnA tu kadalI yathA .. 6..\\
sA muhUrtAtsamAshvasya pratilabhya cha chetanAm . 
tachchhiraH samupAghrAya vilalApAyatekShaNA .. 7..\\
hA hatAsmi mahAbAho vIravratamanuvratA . 
imA.n te pashchimAvasthAM gatAsmi vidhavA kR^itA .. 8..\\
prathamaM maraNaM nAryA bharturvaiguNyamuchyate . 
suvR^ittaH sAdhuvR^ittAyAH sa.nvR^ittastvaM mamAgrataH .. 9..\\
duHkhAdduHkhaM prapannAyA magnAyAH shokasAgare . 
yo hi mAmudyatastrAtu.n so.api tvaM vinipAtitaH .. 10..\\
sA shvashrUrmama kausalyA tvayA putreNa rAghava . 
vatseneva yathA dhenurvivatsA vatsalA kR^itA .. 11..\\
AdiShTa.n dIrghamAyuste yairachintyaparAkrama . 
anR^ita.n vachana.n teShAmalpAyurasi rAghava .. 12..\\
atha vA nashyati praGYA prAGYasyApi satastava . 
pachatyena.n tathA kAlo bhUtAnAM prabhavo hyayam .. 13..\\
adR^iShTaM mR^ityumApannaH kasmAttvaM nayashAstravit . 
vyasanAnAmupAyaGYaH kushalo hyasi varjane .. 14..\\
tathA tva.n sampariShvajya raudrayAtinR^isha.nsayA . 
kAlarAtryA mayAchchhidya hR^itaH kamalalochanaH .. 15..\\
upasheShe mahAbAho mA.n vihAya tapasvinIm . 
priyAmiva shubhAM nArIM pR^ithivIM puruSharShabha .. 16..\\
archita.n satataM yatnAdgandhamAlyairmayA tava . 
ida.n te matpriya.n vIra dhanuH kA~nchanabhUShitam .. 17..\\
pitrA dasharathena tva.n shvashureNa mamAnagha . 
pUrvaishcha pitR^ibhiH sArdhaM nUna.n svarge samAgataH .. 18..\\
divi nakShatrabhUtastvaM mahatkarma kR^itaM priyam . 
puNya.n rAjarShivaMsha.n tvamAtmanaH samupekShase .. 19..\\
kiM mAnna prekShase rAjankiM mAM na pratibhAShase . 
bAlAM bAlena samprAptAM bhAryAM mA.n sahachAriNIm .. 20..\\
saMshruta.n gR^ihNatA pANiM chariShyAmIti yattvayA . 
smara tanmama kAkutstha naya mAmapi duHkhitAm .. 21..\\
kasmAnmAmapahAya tva.n gato gatimatA.n vara . 
asmAllokAdamu.n loka.n tyaktvA mAmiha duHkhitAm .. 22..\\
kalyANairuchita.n yattatpariShvaktaM mayaiva tu . 
kravyAdaistachchharIra.n te nUna.n viparikR^iShyate .. 23..\\
agniShTomAdibhiryaGYairiShTavAnAptadakShiNaiH . 
agnihotreNa sa.nskAra.n kena tvaM tu na lapsyase .. 24..\\
pravrajyAmupapannAnA.n trayANAmekamAgatam . 
pariprakShyati kausalyA lakShmaNa.n shokalAlasA .. 25..\\
sa tasyAH paripR^ichchhantyA vadhaM mitrabalasya te . 
tava chAkhyAsyate nUnaM nishAyA.n rAkShasairvadham .. 26..\\
sA tvA.n suptaM hataM shrutvA mA.n cha rakShogR^ihaM gatAm . 
hR^idayena vidIrNena na bhaviShyati rAghava .. 27..\\
sAdhu pAtaya mA.n kShipra.n rAmasyopari rAvaNaH . 
samAnaya patiM patnyA kuru kalyANamuttamam .. 28..\\
shirasA me shirashchAsya kAya.n kAyena yojaya . 
rAvaNAnugamiShyAmi gatiM bharturmahAtmanaH . 
muhUrtamapi nechchhAmi jIvituM pApajIvinA .. 29..\\
shrutaM mayA vedavidAM brAhmaNAnAM piturgR^ihe . 
yAsA.n strINAM priyo bhartA tAsAM lokA mahodayAH .. 30..\\
kShamA yasmindamastyAgaH satya.n dharmaH kR^itaGYatA . 
ahi.nsA chaiva bhUtAnA.n tamR^ite kA gatirmama .. 31..\\
iti sA duHkhasantaptA vilalApAyatekShaNA . 
bhartuH shiro dhanustatra samIkShya janakAtmajA .. 32..\\
eva.n lAlapyamAnAyAM sItAyA.n tatra rAkShasaH . 
abhichakrAma bhartAramanIkasthaH kR^itA~njaliH .. 33..\\
vijayasvAryaputreti so.abhivAdya prasAdya cha . 
nyavedayadanuprAptaM prahasta.n vAhinIpatim .. 34..\\
amAtyaiH sahitaH sarvaiH prahastaH samupasthitaH . 
ki.n chidAtyayikaM kAryaM teShAM tvaM darshanaM kuru .. 35..\\
etachchhrutvA dashagrIvo rAkShasaprativeditam . 
ashokavanikA.n tyaktvA mantriNAM darshana.n yayau .. 36..\\
sa tu sarva.n samarthyaiva mantribhiH kR^ityamAtmanaH . 
sabhAM pravishya vidadhe viditvA rAmavikramam .. 37..\\
antardhAna.n tu tachchhIrShaM tachcha kArmukamuttamam . 
jagAma rAvaNasyaiva niryANasamanantaram .. 38..\\
rAkShasendrastu taiH sArdhaM mantribhirbhImavikramaiH . 
samarthayAmAsa tadA rAmakAryavinishchayam .. 39..\\
avidUrasthitAnsarvAnbalAdhyakShAnhitaiShiNaH . 
abravItkAlasadR^isho rAvaNo rAkShasAdhipaH .. 40..\\
shIghraM bherIninAdena sphuTakoNAhatena me . 
samAnayadhva.n sainyAni vaktavya.n cha na kAraNam .. 41..\\
tatastatheti pratigR^ihya tadvacho 
balAdhipAste mahadAtmano balam . 
samAnayaMshchaiva samAgata.n cha te 
nyavedayanbhartari yuddhakA~NkShiNi .. 42..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}