\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 24
sItA.n tu mohitAM dR^iShTvA saramA nAma rAkShasI . 
AsasAdAshu vaidehIM priyAM praNayinI sakhI .. 1..\\
sA hi tatra kR^itA mitra.n sItayA rakShyamANayA . 
rakShantI rAvaNAdiShTA sAnukroshA dR^iDhavratA .. 2..\\
sA dadarsha sakhI.n sItAM saramA naShTachetanAm . 
upAvR^ityotthitA.n dhvastA.n vaDavAmiva pA.nsuShu .. 3..\\
tA.n samAshvAsayAmAsa sakhI snehena suvratA . 
uktA yadrAvaNena tvaM pratyukta.n cha svayaM tvayA .. 4..\\
sakhIsnehena tadbhIru mayA sarvaM pratishrutam . 
lInayA ganahe shUhye bhayamutsR^ijya rAvaNAt . 
tava hetorvishAlAkShi na hi me jIvitaM priyam .. 5..\\
sa sambhrAntashcha niShkrAnto yatkR^ite rAkShasAdhipaH . 
tachcha me vidita.n sarvamabhiniShkramya maithili .. 6..\\
na shakya.n sauptika.n kartuM rAmasya viditAtmanaH . 
vadhashcha puruShavyAghre tasminnevopapadyate .. 7..\\
na chaiva vAnarA hantu.n shakyAH pAdapayodhinaH . 
surA devarShabheNeva rAmeNa hi surakShitAH .. 8..\\
dIrghavR^ittabhujaH shrImAnmahoraskaH pratApavAn . 
dhanvI sa.nhananopeto dharmAtmA bhuvi vishrutaH .. 9..\\
vikrAnto rakShitA nityamAtmanash cha parasya cha . 
lakShmaNena saha bhrAtrA kushalI nayashAstravit .. 10..\\
hantA parabalaughAnAmachintyabalapauruShaH . 
na hato rAghavaH shrImAnsIte shatrunibarhaNaH .. 11..\\
ayuktabuddhikR^ityena sarvabhUtavirodhinA . 
iyaM prayuktA raudreNa mAyA mAyAvidA tvayi .. 12..\\
shokaste vigataH sarvaH kalyANa.n tvAm upasthitam . 
dhruva.n tvAM bhajate lakShmIH priyaM prItikara.n shR^iNu .. 13..\\
uttIrya sAgara.n rAmaH saha vAnarasenayA . 
saMniviShTaH samudrasya tIramAsAdya dakShiNam .. 14..\\
dR^iShTo me paripUrNArthaH kAkutsthaH sahalakShmaNaH . 
sahitaiH sAgarAntasthairbalaistiShThati rakShitaH .. 15..\\
anena preShitA ye cha rAkShasA laghuvikramaH . 
rAghavastIrNa ityevaM pravR^ittistairihAhR^itA .. 16..\\
sa tA.n shrutvA vishAlAkShi pravR^ittiM rAkShasAdhipaH . 
eSha mantrayate sarvaiH sachivaiH saha rAvaNaH .. 17..\\
iti bruvANA saramA rAkShasI sItayA saha . 
sarvodyogena sainyAnA.n shabdaM shushrAva bhairavam .. 18..\\
daNDanirghAtavAdinyAH shrutvA bheryA mahAsvanam . 
uvAcha saramA sItAmidaM madhurabhAShiNI .. 19..\\
saMnAhajananI hyeShA bhairavA bhIru bherikA . 
bherInAda.n cha gambhIra.n shR^iNu toyadanisvanam .. 20..\\
kalpyante mattamAta~NgA yujyante rathavAjinaH . 
tatra tatra cha saMnaddhAH sampatanti padAtayaH .. 21..\\
ApUryante rAjamArgAH sainyairadbhutadarshanaiH . 
vegavadbhirnadadbhishcha toyaughairiva sAgaraH .. 22..\\
shAstrANA.n cha prasannAnAM charmaNA.n varmaNAM tathA . 
rathavAjigajAnA.n cha bhUShitAnAM cha rakShasAm .. 23..\\
prabhA.n visR^ijatAM pashya nAnAvarNAM samutthitAm . 
vanaM nirdahato dharme yathArUpa.n vibhAvasoH .. 24..\\
ghaNTAnA.n shR^iNu nirghoShaM rathAnAM shR^iNu nisvanam . 
hayAnA.n heShamANAnAM shR^iNu tUryadhvaniM yathA .. 25..\\
udyatAyudhahastAnA.n rAkShasendrAnuyAyinAm . 
sambhramo rakShasAmeSha tumulo lomaharShaNaH .. 26..\\
shrIstvAM bhajati shokaghnI rakShasAM bhayamAgatam . 
rAmAtkamalapatrAkShi daityAnAmiva vAsavAt .. 27..\\
avajitya jitakrodhastamachintyaparAkramaH . 
rAvaNa.n samare hatvA bhartA tvAdhigamiShyati .. 28..\\
vikramiShyati rakShaHsu bhartA te sahalakShmaNaH . 
yathA shatruShu shatrughno viShNunA saha vAsavaH .. 29..\\
Agatasya hi rAmasya kShiprama~NkagatA.n satIm . 
aha.n drakShyAmi siddhArthAM tvA.n shatrau vinipAtite .. 30..\\
ashrUNyAnandajAni tva.n vartayiShyasi shobhane . 
samAgamya pariShvaktA tasyorasi mahorasaH .. 31..\\
achirAnmokShyate sIte devi te jaghana.n gatAm . 
dhR^itAmetAM bahUnmAsAnveNI.n rAmo mahAbalaH .. 32..\\
tasya dR^iShTvA mukha.n devi pUrNachandramivoditam . 
mokShyase shokaja.n vAri nirmokamiva pannagI .. 33..\\
rAvaNa.n samare hatvA nachirAdeva maithili . 
tvayA samagraM priyayA sukhArho lapsyate sukham .. 34..\\
samAgatA tva.n rAmeNa modiShyasi mahAtmanA . 
suvarSheNa samAyuktA yathA sasyena medinI .. 35..\\
girivaramabhito.anuvartamAno 
haya iva maNDalamAshu yaH karoti . 
tamiha sharaNamabhyupehi devi 
divasakaraM prabhavo hyayaM prajAnAm .. 36..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}