\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 25
atha tA.n jAtasantApAM tena vAkyena mohitAm . 
saramA hlAdayAmAsa pR^itivI.n dyaurivAmbhasA .. 1..\\
tatastasyA hita.n sakhyAshchikIrShantI sakhI vachaH . 
uvAcha kAle kAlaGYA smitapUrvAbhibhAShiNI .. 2..\\
utsaheyamaha.n gatvA tvadvAkyamasitekShaNe . 
nivedya kushala.n rAme pratichchhannA nivartitum .. 3..\\
na hi me kramamANAyA nirAlambe vihAyasi . 
samartho gatimanvetuM pavano garuDo.api vA .. 4..\\
evaM bruvANA.n tA.n sItA saramAM punarabravIt . 
madhura.n shlakShNayA vAchA pUrvashokAbhipannayA .. 5..\\
samarthA gagana.n gantumapi vA tva.n rasAtalam . 
avagachchhAmyakartavya.n kartavyaM te madantare .. 6..\\
matpriya.n yadi kartavyaM yadi buddhiH sthirA tava . 
GYAtumichchhAmi ta.n gatvA kiM karotIti rAvaNaH .. 7..\\
sa hi mAyAbalaH krUro rAvaNaH shatrurAvaNaH . 
mAM mohayati duShTAtmA pItamAtreva vAruNI .. 8..\\
tarjApayati mAM nityaM bhartsApayati chAsakR^it . 
rAkShasIbhiH sughorAbhiryA mA.n rakShanti nityashaH .. 9..\\
udvignA sha~NkitA chAsmi na cha svasthaM mano mama . 
tadbhayAchchAhamudvignA ashokavanikA.n gatAH .. 10..\\
yadi nAma kathA tasya nishchita.n vApi yadbhavet . 
nivedayethAH sarva.n tatparo me syAdanugrahaH .. 11..\\
sA tvevaM bruvatI.n sItAM saramA valgubhAShiNI . 
uvAcha vachana.n tasyAH spR^ishantI bAShpaviklavam .. 12..\\
eSha te yadyabhiprAyastasmAdgachchhAmi jAnaki . 
gR^ihya shatrorabhiprAyamupAvR^ittA.n cha pashya mAm .. 13..\\
evamuktvA tato gatvA samIpa.n tasya rakShasaH . 
shushrAva kathita.n tasya rAvaNasya samantriNaH .. 14..\\
sA shrutvA nishchaya.n tasya nishchayaGYA durAtmanaH . 
punarevAgamatkShipramashokavanikA.n tadA .. 15..\\
sA praviShTA punastatra dadarsha janakAtmajAm . 
pratIkShamANA.n svAmeva bhraShTapadmAmiva shriyam .. 16..\\
tA.n tu sItA punaH prAptA.n saramAM valgubhAShiNIm . 
pariShvajya cha susnigdha.n dadau cha svayamAsanam .. 17..\\
ihAsInA sukha.n sarvamAkhyAhi mama tattvataH . 
krUrasya nishchaya.n tasya rAvaNasya durAtmanaH .. 18..\\
evamuktA tu saramA sItayA vepamAnayA . 
kathita.n sarvamAchaShTa rAvaNasya samantriNaH .. 19..\\
jananyA rAkShasendro vai tvanmokShArthaM bR^ihadvachaH . 
aviddhena cha vaidehi mantrivR^iddhena bodhitaH .. 20..\\
dIyatAmabhisatkR^itya manujendrAya maithilI . 
nidarshana.n te paryAptaM janasthAne yadadbhutam .. 21..\\
la~Nghana.n cha samudrasya darshanaM cha hanUmataH . 
vadha.n cha rakShasA.n yuddhe kaH kuryAnmAnuSho bhuvi .. 22..\\
eva.n sa mantrivR^iddhaishcha mAtrA cha bahu bhAShitaH . 
na tvAmutsahate moktumartahmarthaparo yathA .. 23..\\
notsahatyamR^ito moktu.n yuddhe tvAm iti maithili . 
sAmAtyasya nR^isha.nsasya nishchayo hyeSha vartate .. 24..\\
tadeShA susthirA buddhirmR^ityulobhAdupasthitA . 
bhayAnna shaktastvAM moktumanirastastu sa.nyuge . 
rAkShasAnA.n cha sarveShAmAtmanash cha vadhena hi .. 25..\\
nihatya rAvaNa.n sa~Nkhye sarvathA nishitaiH sharaiH . 
pratineShyati rAmastvAmayodhyAmasitekShaNe .. 26..\\
etasminnantare shabdo bherIsha~NkhasamAkulaH . 
shruto vai sarvasainyAnA.n kampayandharaNItalam .. 27..\\
shrutvA tu ta.n vAnarasainyashabdaM 
la~NkAgatA rAkShasarAjabhR^ityAH . 
naShTaujaso dainyaparItacheShTAH 
shreyo na pashyanti nR^ipasya doShaiH .. 28..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}