\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 26
tena sha~NkhavimishreNa bherIshabdena rAghavaH . 
upayato mahAbAhU rAmaH parapura~njayaH .. 1..\\
taM ninAdaM nishamyAtha rAvaNo rAkShaseshvaraH . 
muhUrta.n dhyAnamAsthAya sachivAnabhyudaikShata .. 2..\\
atha tAnsachivA.nstatra sarvAnAbhAShya rAvaNaH . 
sabhA.n saMnAdayansarvAmityuvAcha mahAbalaH .. 3..\\
taraNa.n sAgarasyApi vikramaM balasa~ncayam . 
yaduktavanto rAmasya bhavantastanmayA shrutam . 
bhavatashchApyaha.n vedmi yuddhe satyaparAkramAn .. 4..\\
tatastu sumahAprAGYo mAlyavAnnAma rAkShasaH . 
rAvaNasya vachaH shrutvA mAtuH paitAmaho.abravIt .. 5..\\
vidyAsvabhivinIto yo rAjA rAjannayAnugaH . 
sa shAsti chiramaishvaryamarIMshcha kurute vashe .. 6..\\
sandadhAno hi kAlena vigR^ihNaMshchAribhiH saha . 
svapakShavardhana.n kurvanmahadaishvaryamashnute .. 7..\\
hIyamAnena kartavyo rAGYA sandhiH samena cha . 
na shatrumavamanyeta jyAyAnkurvIta vigraham .. 8..\\
tanmahya.n rochate sandhiH saha rAmeNa rAvaNa . 
yadarthamabhiyuktAH sma sItA tasmai pradIyatAm .. 9..\\
tasya devarShayaH sarve gandharvAshcha jayaiShiNaH . 
virodhaM mA gamastena sandhiste tena rochatAm .. 10..\\
asR^ijadbhagavAnpakShau dvAveva hi pitAmahaH . 
surANAmasurANA.n cha dharmAdharmau tadAshrayau .. 11..\\
dharmo hi shrUyate pakShaH surANA.n cha mahAtmanAm . 
adharmo rakShasaM pakSho hyasurANA.n cha rAvaNa .. 12..\\
dharmo vai grasate.adharma.n tataH kR^itamabhUdyugam . 
adharmo grasate dharma.n tatastiShyaH pravartate .. 13..\\
tattvayA charatA lokAndharmo vinihato mahAn . 
adharmaH pragR^ihItashcha tenAsmadbalinaH pare .. 14..\\
sa pramAdAdvivR^iddhaste.adharmo.ahirgrasate hi naH . 
vivardhayati pakSha.n cha surANA.n surabhAvanaH .. 15..\\
viShayeShu prasaktena yatki~ncitkAriNA tvayA . 
R^iShINAmagnikalpAnAmudvego janito mahAn . 
teShAM prabhAvo durdharShaH pradIpta iva pAvakaH .. 16..\\
tapasA bhAvitAtmAno dharmasyAnugrahe ratAH . 
mukhyairyaGYairyajantyete nitya.n taistairdvijAtayaH .. 17..\\
juhvatyagnIMshcha vidhivadvedAMshchochchairadhIyate . 
abhibhUya cha rakShA.nsi brahmaghoShAnudairayan . 
disho vipradrutAH sarve stanayitnurivoShNage .. 18..\\
R^iShINAmagnikalpAnAmagnihotrasamutthitaH . 
Adatte rakShasA.n tejo dhUmo vyApya disho dasha .. 19..\\
teShu teShu cha desheShu puNyeShu cha dR^iDhavrataiH . 
charyamANa.n tapastIvra.n santApayati rAkShasAn .. 20..\\
utpAtAnvividhAndR^iShTvA ghorAnbahuvidhA.nstathA . 
vinAshamanupashyAmi sarveShA.n rakShasAm aham .. 21..\\
kharAbhistanitA ghorA meghAH pratibhaya~NkaraH . 
shoNitenAbhivarShanti la~NkAmuShNena sarvataH .. 22..\\
rudatA.n vAhanAnA.n cha prapatantyasrabindavaH . 
dhvajA dhvastA vivarNAshcha na prabhAnti yathApuram .. 23..\\
vyAlA gomAyavo gR^idhrA vAshanti cha subhairavam . 
pravishya la~NkAmanisha.n samavAyAMsh cha kurvate .. 24..\\
kAlikAH pANDurairdantaiH prahasantyagrataH sthitAH . 
striyaH svapneShu muShNantyo gR^ihANi pratibhAShya cha .. 25..\\
gR^ihANAM balikarmANi shvAnaH paryupabhu~njate . 
kharA goShu prajAyante mUShikA nakulaiH saha .. 26..\\
mArjArA dvIpibhiH sArdha.n sUkarAH shunakaiH saha . 
kiMnarA rAkShasaishchApi sameyurmAnuShaiH saha .. 27..\\
pANDurA raktapAdAshcha vihagAH kAlachoditAH . 
rAkShasAnA.n vinAshAya kapotA vicharanti cha .. 28..\\
chIkI kUchIti vAshantyaH shArikA veshmasu sthitAH . 
patanti grathitAshchApi nirjitAH kalahaiShiNaH .. 29..\\
karAlo vikaTo muNDaH puruShaH kR^iShNapi~NgalaH . 
kAlo gR^ihANi sarveShA.n kAle kAle.anvavekShate . 
etAnyanyAni duShTAni nimittAnyutpatanti cha .. 30..\\
viShNuM manyAmahe rAmaM mAnuSha.n dehamAsthitam . 
na hi mAnuShamAtro.asau rAghavo dR^iDhavikramaH .. 31..\\
yena baddhaH samudrasya sa setuH paramAdbhutaH . 
kuruShva nararAjena sandhi.n rAmeNa rAvaNa .. 32..\\
ida.n vachastatra nigadya mAlyavan 
parIkShya rakSho.adhipatermanaH punaH . 
anuttameShUttamapauruSho balI 
babhUva tUShNI.n samavekShya rAvaNam .. 33..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}