\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 28
naravAnararAjau tau sa cha vAyusutaH kapiH . 
jAmbavAnR^ikSharAjashcha rAkShasashcha vibhIShaNaH .. 1..\\
a~Ngado vAliputrashcha saumitriH sharabhaH kapiH . 
suSheNaH sahadAyAdo maindo dvivida eva cha .. 2..\\
gajo gavAkSho kumudo nalo.atha panasastathA . 
amitraviShayaM prAptAH samavetAH samarthayan .. 3..\\
iya.n sA lakShyate la~NkA purI rAvaNapAlitA . 
sAsuroragagandharvairamarairapi durjayA .. 4..\\
kAryasiddhiM puraskR^itya mantrayadhva.n vinirNaye . 
nitya.n saMnihito hyatra rAvaNo rAkShasAdhipaH .. 5..\\
tathA teShu bruvANeShu rAvaNAvarajo.abravIt . 
vAkyamagrAmyapadavatpuShkalArtha.n vibhIShaNaH .. 6..\\
analaH sharabhashchaiva sampAtiH praghasastathA . 
gatvA la~NkAM mamAmAtyAH purIM punarihAgatAH .. 7..\\
bhUtvA shakunayaH sarve praviShTAsh cha riporbalam . 
vidhAna.n vihitaM yachcha taddR^iShTvA samupasthitAH .. 8..\\
sa.nvidhAna.n yathAhuste rAvaNasya durAtmanaH . 
rAma tadbruvataH sarva.n yathAtathyena me shR^iNu .. 9..\\
pUrvaM prahastaH sabalo dvAramAsAdya tiShThati . 
dakShiNa.n cha mahAvIryau mahApArshvamahodarau .. 10..\\
indrajitpashchimadvAra.n rAkShasairbahubhirvR^itaH . 
paTTasAsidhanuShmadbhiH shUlamudgarapANibhiH .. 11..\\
nAnApraharaNaiH shUrairAvR^ito rAvaNAtmajaH . 
rAkShasAnA.n sahasraistu bahubhiH shastrapANibhiH .. 12..\\
yuktaH paramasa.nvigno rAkShasairbahubhirvR^itaH . 
uttaraM nagaradvAra.n rAvaNaH svayamAsthitaH .. 13..\\
virUpAkShastu mahatA shUlakhaDgadhanuShmatA . 
balena rAkShasaiH sArdhaM madhyama.n gulmamAsthitaH .. 14..\\
etAneva.nvidhAngulmA.Nlla~NkAyA.n samudIkShya te . 
mAmakAH sachivAH sarve shIghraM punarihAgatAH .. 15..\\
gajAnA.n cha sahasraM cha rathAnAmayutaM pure . 
hayAnAmayute dve cha sAgrakoTI cha rakShasAm .. 16..\\
vikrAntA balavantashcha sa.nyugeShvAtatAyinaH . 
iShTA rAkShasarAjasya nityamete nishAcharAH .. 17..\\
ekaikasyAtra yuddhArthe rAkShasasya vishAM pate . 
parivAraH sahasrANA.n sahasramupatiShThate .. 18..\\
etAM pravR^itti.n la~NkAyAM mantriproktaM vibhIShaNaH . 
rAma.n kamalapatrAkShamidamuttaramabravIt .. 19..\\
kubera.n tu yadA rAma rAvaNaH pratyayudhyata . 
ShaShTiH shatasahasrANi tadA niryAnti rAkShasAH .. 20..\\
parAkrameNa vIryeNa tejasA sattvagauravAt . 
sadR^ishA yo.atra darpeNa rAvaNasya durAtmanaH .. 21..\\
atra manyurna kartavyo roShaye tvAM na bhIShaye . 
samartho hyasi vIryeNa surANAm api nigrahe .. 22..\\
tadbhavAMshchatura~NgeNa balena mahatA vR^itaH . 
vyUhyeda.n vAnarAnIkaM nirmathiShyasi rAvaNam .. 23..\\
rAvaNAvaraje vAkyamevaM bruvati rAghavaH . 
shatrUNAM pratighAtArthamida.n vachanamabravIt .. 24..\\
pUrvadvAre tu la~NkAyA nIlo vAnarapu~NgavaH . 
prahastaM pratiyoddhA syAdvAnarairbahubhirvR^itaH .. 25..\\
a~Ngado vAliputrastu balena mahatA vR^itaH . 
dakShiNe bAdhatA.n dvAre mahApArshvamahodarau .. 26..\\
hanUmAnpashchimadvAraM nipIDya pavanAtmajaH . 
pravishatvaprameyAtmA bahubhiH kapibhirvR^itaH .. 27..\\
daityadAnavasa~NghAnAmR^iShINA.n cha mahAtmanAm . 
viprakArapriyaH kShudro varadAnabalAnvitaH .. 28..\\
parikrAmati yaH sarvA.NllokAnsantApayanprajAH . 
tasyAha.n rAkShasendrasya svayameva vadhe dhR^itaH .. 29..\\
uttaraM nagaradvAramaha.n saumitriNA saha . 
nipIDyAbhipravekShyAmi sabalo yatra rAvaNaH .. 30..\\
vAnarendrashcha balavAnR^ikSharAjashcha jAmbavAn . 
rAkShasendrAnujash chaiva gulme bhavatu madhyame .. 31..\\
na chaiva mAnuSha.n rUpa.n kAryaM haribhirAhave . 
eShA bhavatu naH sa.nj~nA yuddhe.asminvAnare bale .. 32..\\
vAnarA eva nishchihna.n svajane.asminbhaviShyati . 
vaya.n tu mAnuSheNaiva sapta yotsyAmahe parAn .. 33..\\
ahameva saha bhrAtrA lakShmaNena mahaujasA . 
AtmanA pa~nchamashchAya.n sakhA mama vibhIShaNaH .. 34..\\
sa rAmaH kAryasiddhyarthamevamuktvA vibhIShaNam . 
suvelArohaNe buddhi.n chakAra matimAnmatim .. 35..\\
tatastu rAmo mahatA balena 
prachchhAdya sarvAM pR^ithivIM mahAtmA . 
prahR^iShTarUpo.abhijagAma la~NkAM 
kR^itvA mati.n so.arivadhe mahAtmA .. 36..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}