\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 29
sa tu kR^itvA suvelasya matimArohaNaM prati . 
lakShmaNAnugato rAmaH sugrIvamidamabravIt .. 1..\\
vibhIShaNa.n cha dharmaGYamanuraktaM nishAcharam . 
mantraGYa.n cha vidhiGYaM cha shlakShNayA parayA girA .. 2..\\
suvela.n sAdhu shailendramima.n dhAtushataish chitam . 
adhyArohAmahe sarve vatsyAmo.atra nishAmimAm .. 3..\\
la~NkA.n chAlokayiShyAmo nilayaM tasya rakShasaH . 
yena me maraNAntAya hR^itA bhAryA durAtmanA .. 4..\\
yena dharmo na viGYAto na vR^ittaM na kula.n tathA . 
rAkShasyA nIchayA buddhyA yena tadgarhita.n kR^itam .. 5..\\
yasminme vardhate roShaH kIrtite rAkShasAdhame . 
yasyAparAdhAnnIchasya vadha.n drakShyAmi rakShasAm .. 6..\\
eko hi kurute pApa.n kAlapAshavashaM gataH . 
nIchenAtmApachAreNa kula.n tena vinashyati .. 7..\\
eva.n saMmantrayanneva sakrodho rAvaNaM prati . 
rAmaH suvela.n vAsAya chitrasAnumupAruhat .. 8..\\
pR^iShThato lakShmaNa chainamanvagachchhatsamAhitaH . 
sashara.n chApamudyamya sumahadvikrame rataH .. 9..\\
tamanvarohatsugrIvaH sAmAtyaH savibhIShaNaH . 
hanUmAna~Ngado nIlo maindo dvivida eva cha .. 10..\\
gajo gavAkSho gavayaH sharabho gandhamAdanaH . 
panasaH kumudashchaiva haro rambhashcha yUthapaH .. 11..\\
ete chAnye cha bahavo vAnarAH shIghragAminaH . 
te vAyuvegapravaNAsta.n giriM girichAriNaH . 
adhyArohanta shatashaH suvela.n yatra rAghavaH .. 12..\\
te tvadIrgheNa kAlena girimAruhya sarvataH . 
dadR^ishuH shikhare tasya viShaktAmiva khe purIm .. 13..\\
tA.n shubhAM pravaradvArAM prAkAravarashobhitAm . 
la~NkA.n rAkShasasampUrNA.n dadR^ishurhariyUthapAH .. 14..\\
prAkArachayasa.nsthaishcha tathA nIlairnishAcharaiH . 
dadR^ishuste harishreShThAH prAkAramapara.n kR^itam .. 15..\\
te dR^iShTvA vAnarAH sarve rAkShasAnyuddhakA~NkShiNaH . 
mumuchurvipulAnnAdA.nstatra rAmasya pashyataH .. 16..\\
tato.astamagamatsUryaH sandhyayA pratira~njitaH . 
pUrNachandrapradIpA cha kShapA samabhivartate .. 17..\\
tataH sa rAmo harivAhinIpatir 
vibhIShaNena pratinandya satkR^itaH . 
salakShmaNo yUthapayUthasa.nvR^itaH 
suvela pR^iShThe nyavasadyathAsukham .. 18..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}