\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 3
sugrIvasya vachaH shrutvA hetumatparamArthavit . 
pratijagrAha kAkutstho hanUmantamathAbravIt .. 1..\\
tarasA setubandhena sAgarochchhoShaNena vA . 
sarvathA susamartho.asmi sAgarasyAsya la~Nghane .. 2..\\
kati durgANi durgAyA la~NkAyAstadbravIhi me . 
GYAtumichchhAmi tatsarva.n darshanAdiva vAnara .. 3..\\
balasya parimANa.n cha dvAradurgakriyAm api . 
gupti karma cha la~NkAyA rakShasA.n sadanAni cha .. 4..\\
yathAsukha.n yathAvachcha la~NkAyAmasi dR^iShTavAn . 
saramAchakShva tattvena sarvathA kushalo hyasi .. 5..\\
shrutvA rAmasya vachana.n hanUmAnmArutAtmajaH . 
vAkya.n vAkyavidAM shreShTho rAmaM punarathAbravIt .. 6..\\
shrUyatA.n sarvamAkhyAsye durgakarmavidhAnataH . 
guptA purI yathA la~NkA rakShitA cha yathA balaiH .. 7..\\
parA.n samR^iddhiM la~NkAyAH sAgarasya cha bhImatAm . 
vibhAga.n cha balaughasya nirdesha.n vAhanasya cha .. 8..\\
prahR^iShTA muditA la~NkA mattadvipasamAkulA . 
mahatI rathasampUrNA rakShogaNasamAkulA .. 9..\\
dR^iDhabaddhakavATAni mahAparighavanti cha . 
dvArANi vipulAnyasyAshchatvAri sumahAnti cha .. 10..\\
vapreShUpalayantrANi balavanti mahAnti cha . 
AgataM parasainya.n taistatra pratinivAryate .. 11..\\
dvAreShu sa.nskR^itA bhImAH kAlAyasamayAH shitAH . 
shatasho rochitA vIraiH shataghnyo rakShasA.n gaNaiH .. 12..\\
sauvarNashcha mahA.nstasyAH prAkAro duShpradharShaNaH . 
maNividrumavaidUryamuktAvicharitAntaraH .. 13..\\
sarvatashcha mahAbhImAH shItatoyA mahAshubhAH . 
agAdhA grAhavatyashcha parikhA mInasevitAH .. 14..\\
dvAreShu tAsA.n chatvAraH sa~NkramAH paramAyatAH . 
yantrairupetA bahubhirmahadbhirdR^iDhasandhibhiH .. 15..\\
trAyante sa~NkramAstatra parasainyAgame sati . 
yantraistairavakIryante parikhAsu samantataH .. 16..\\
ekastvakampyo balavAnsa~NkramaH sumahAdR^iDhaH . 
kA~nchanairbahubhiH stambhairvedikAbhishcha shobhitaH .. 17..\\
svayaM prakR^itisampanno yuyutsU rAma rAvaNaH . 
utthitashchApramattashcha balAnAmanudarshane .. 18..\\
la~NkA purI nirAlambA devadurgA bhayAvahA . 
nAdeyaM pArvata.n vanya.n kR^itrimaM cha chaturvidham .. 19..\\
sthitA pAre samudrasya dUrapArasya rAghava . 
naupathashchApi nAstyatra nirAdeshashcha sarvataH .. 20..\\
shailAgre rachitA durgA sA pUrdevapuropamA . 
vAjivAraNasampUrNA la~NkA paramadurjayA .. 21..\\
parighAshcha shataghnyashcha yantrANi vividhAni cha . 
shobhayanti purI.n la~NkAM rAvaNasya durAtmanaH .. 22..\\
ayuta.n rakShasAmatra pashchimadvAramAshritam . 
shUlahastA durAdharShAH sarve khaDgAgrayodhinaH .. 23..\\
niyuta.n rakShasAmatra dakShiNadvAramAshritam . 
chatura~NgeNa sainyena yodhAstatrApyanuttamAH .. 24..\\
prayuta.n rakShasAmatra pUrvadvAraM samAshritam . 
charmakhaDgadharAH sarve tathA sarvAstrakovidAH .. 25..\\
arbuda.n rakShasAmatra uttaradvAramAshritam . 
rathinashchAshvavAhAshcha kulaputrAH supUjitAH .. 26..\\
shata.n shatasahasrANAM madhyama.n gulmamAshritam . 
yAtudhAnA durAdharShAH sAgrakoTishcha rakShasAm .. 27..\\
te mayA sa~NkramA bhagnAH parikhAshchAvapUritAH . 
dagdhA cha nagarI la~NkA prAkArAshchAvasAditAH .. 28..\\
yena kena tu mArgeNa tarAma varuNAlayam . 
hateti nagarI la~NkA.n vAnarairavadhAryatAm .. 29..\\
a~Ngado dvivido maindo jAmbavAnpanaso nalaH . 
nIlaH senApatishchaiva balasheSheNa ki.n tava .. 30..\\
plavamAnA hi gatvA tA.n rAvaNasya mahApurIm . 
saprakArA.n sabhavanAmAnayiShyanti maithilIm .. 31..\\
evamAGYApaya kShipraM balAnA.n sarvasa~Ngraham . 
muhUrtena tu yuktena prasthAnamabhirochaya .. 32..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}