\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 30
tA.n rAtrimuShitAstatra suvele haripu~NgavAH . 
la~NkAyA.n dadR^ishurvIrA vanAnyupavanAni cha .. 1..\\
samasaumyAni ramyANi vishAlAnyAyatAni cha . 
dR^iShTiramyANi te dR^iShTvA babhUvurjAtavismayAH .. 2..\\
champakAshokapuMnAgasAlatAlasamAkulA . 
tamAlavanasa~nchannA nAgamAlAsamAvR^itA .. 3..\\
hintAlairarjunairnIpaiH saptaparNaishcha puShpitaiH . 
tilakaiH karNikAraishcha paTAlaishcha samantataH .. 4..\\
shushubhe puShpitAgraishcha latAparigatairdrumaiH . 
la~NkA bahuvidhairdivyairyathendrasyAmarAvatI .. 5..\\
vichitrakusumopetai raktakomalapallavaiH . 
shAdvalaishcha tathA nIlaishchitrAbhirvanarAjibhiH .. 6..\\
gandhADhyAnyabhiramyANi puShpANi cha phalAni cha . 
dhArayantyagamAstatra bhUShaNAnIva mAnavAH .. 7..\\
tachchaitrarathasa~NkAshaM manoGYaM nandanopamam . 
vana.n sarvartukaM ramyaM shushubhe ShaTpadAyutam .. 8..\\
natyUhakoyaShTibhakairnR^ityamAnaishcha barhibhiH . 
rutaM parabhR^itAnA.n cha shushruve vananirjhare .. 9..\\
nityamattaviha~NgAni bhramarAcharitAni cha . 
kokilAkulaShaNDAni vihagAbhirutAni cha .. 10..\\
bhR^i~NgarAjAbhigItAni bhramaraiH sevitAni cha . 
koNAlakavighuShTAni sArasAbhirutAni cha .. 11..\\
vivishuste tatastAni vanAnyupavanAni cha . 
hR^iShTAH pramuditA vIrA harayaH kAmarUpiNaH .. 12..\\
teShAM pravishatA.n tatra vAnarANAM mahaujasAm . 
puShpasa.nsargasurabhirvavau ghrANasukho.anilaH .. 13..\\
anye tu harivIrANA.n yUthAnniShkramya yUthapAH . 
sugrIveNAbhyanuGYAtA la~NkA.n jagmuH patAkinIm .. 14..\\
vitrAsayanto vihagA.nstrAsayanto mR^igadvipAn . 
kampayantashcha tA.n la~NkAM nAdaiH svairnadatAM varAH .. 15..\\
kurvantaste mahAvegA mahI.n chAraNapIDitAm . 
rajashcha sahasaivordhva.n jagAma charaNoddhatam .. 16..\\
R^ikShAH si.nhA varAhAshcha mahiShA vAraNA mR^igAH . 
tena shabdena vitrastA jagmurbhItA disho dasha .. 17..\\
shikhara.n tu trikUTasya prAMshu chaikaM divispR^isham . 
samantAtpuShpasa~nchannaM mahArajatasaMnibham .. 18..\\
shatayojanavistIrNa.n vimala.n chArudarshanam . 
shlakShNa.n shrImanmahachchaiva duShprApaM shakunairapi .. 19..\\
manasApi durAroha.n kiM punaH karmaNA janaiH . 
niviShTA tatra shikhare la~NkA rAvaNapAlitA .. 20..\\
sA purI gopurairuchchaiH pANDurAmbudasaMnibhaiH . 
kA~nchanena cha sAlena rAjatena cha shobhitA .. 21..\\
prAsAdaishcha vimAnaishcha la~NkA paramabhUShitA . 
ghanairivAtapApAye madhyama.n vaiShNavaM padam .. 22..\\
yasyA.n stambhasahasreNa prAsAdaH samala~NkR^itaH . 
kailAsashikharAkAro dR^ishyate khamivollikhan .. 23..\\
chaityaH sa rAkShasendrasya babhUva purabhUShaNam . 
shatena rakShasAM nitya.n yaH samagreNa rakShyate .. 24..\\
tA.n samR^iddhAM samR^iddhArtho lakShmIvA.NllakShmaNAgrajaH . 
rAvaNasya purI.n rAmo dadarsha saha vAnaraiH .. 25..\\
tA.n ratnapUrNAM bahusa.nvidhAnAM 
prAsAdamAlAbhirala~NkR^itA.n cha . 
purIM mahAyantrakavATamukhyAM 
dadarsha rAmo mahatA balena .. 26..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}