\documentstyle[11pt,multicol,itrans]{iarticle} #include=ijag.inc #endwordvowel=.h \portraitpage \parindent=0pt % no indents \let\usedvng=\normaldvng % \Largedvng \pagestyle{headings} \begin{document} #indian \centerline{\hugedvng .. vaalmiiki raamaayaNa..}\medskip ##\setcounter{section}{5}## ##\begin{center}## \section{yuddhakaaNDa} ##\end{center}## \medskip 31 atha tasminnimittAni dR^iShTvA lakShmaNapUrvajaH . lakShmaNa.n lakShmisampannamidaM vachanamabravIt .. 1..\\ parigR^ihyodaka.n shItaM vanAni phalavanti cha . balaugha.n sa.nvibhajyemaM vyUhya tiShThema lakShmaNa .. 2..\\ lokakShayakaraM bhImaM bhayaM pashyAmyupasthitam . nibarhaNaM pravIrANAmR^ikShavAnararakShasAm .. 3..\\ vAtAshcha paruSha.n vAnti kampate cha vasundharA . parvatAgrANi vepante patanti dharaNIdharAH .. 4..\\ meghAH kravyAdasa~NkAshAH paruShAH paruShasvanAH . krUrAH krUraM pravarShanti mishra.n shoNitabindubhiH .. 5..\\ raktachandanasa~NkAshA sandhyAparamadAruNA . jvalachcha nipatatyetadAdityAdagnimaNDalam .. 6..\\ AdityamabhivAshyante janayanto mahadbhayam . dInA dInasvarA ghorA aprashastA mR^igadvijAH .. 7..\\ rajanyAmaprakAshashcha santApayati chandramAH . kR^iShNaraktAMshuparyanto yathA lokasya sa~NkShaye .. 8..\\ hrasvo rUkSho.aprashastashcha pariveShaH sulohitaH . AdityamaNDale nIla.n lakShma lakShmaNa dR^ishyate .. 9..\\ dR^ishyante na yathAvachcha nakShatrANyabhivartate . yugAntamiva lokasya pashya lakShmaNa sha.nsati .. 10..\\ kAkAH shyenAstathA gR^idhrA nIchaiH paripatanti cha . shivAshchApyashivA vAchaH pravadanti mahAsvanAH .. 11..\\ kShipramadya durAdharShAM purI.n rAvaNapAlitAm . abhiyAma javenaiva sarvato haribhirvR^itAH .. 12..\\ ityeva.n tu vadanvIro lakShmaNa.n lakShmaNAgrajaH . tasmAdavAtarachchhIghraM parvatAgrAnmahAbalaH .. 13..\\ avatIrya tu dharmAtmA tasmAchchhailAtsa rAghavaH . paraiH paramadurdharSha.n dadarsha balamAtmanaH .. 14..\\ saMnahya tu sasugrIvaH kapirAjabalaM mahat . kAlaGYo rAghavaH kAle sa.nyugAyAbhyachodayat .. 15..\\ tataH kAle mahAbAhurbalena mahatA vR^itaH . prasthitaH purato dhanvI la~NkAmabhimukhaH purIm .. 16..\\ ta.n vibhIShaNa sugrIvau hanUmA~njAmbavAnnalaH . R^ikSharAjastathA nIlo lakShmaNashchAnyayustadA .. 17..\\ tataH pashchAtsumahatI pR^itanarkShavanaukasAm . prachchhAdya mahatIM bhUmimanuyAti sma rAghavam .. 18..\\ shailashR^i~NgANi shatashaH pravR^iddhAMshcha mahIruhAm . jagR^ihuH ku~njaraprakhyA vAnarAH paravAraNAH .. 19..\\ tau tvadIrgheNa kAlena bhrAtarau rAmalakShmaNau . rAvaNasya purI.n la~NkAmAsedaturarindamau .. 20..\\ patAkAmAlinI.n ramyAmudyAnavanashobhitAm . chitravaprA.n suduShprApAmuchchaprAkAratoraNAm .. 21..\\ tA.n surairapi durdharShAM rAmavAkyaprachoditAH . yathAnidesha.n sampIDya nyavishanta vanaukasaH .. 22..\\ la~NkAyAstUttaradvAra.n shailashR^i~Ngamivonnatam . rAmaH sahAnujo dhanvI jugopa cha rurodha cha .. 23..\\ la~NkAmupaniviShTashcha rAmo dasharathAtmajaH . lakShmaNAnucharo vIraH purI.n rAvaNapAlitAm .. 24..\\ uttaradvAramAsAdya yatra tiShThati rAvaNaH . nAnyo rAmAddhi taddvAra.n samarthaH parirakShitum .. 25..\\ rAvaNAdhiShThitaM bhIma.n varuNeneva sAgaram . sAyudhau rAkShasairbhImairabhigupta.n samantataH . laghUnA.n trAsajananaM pAtAlamiva dAnavaiH .. 26..\\ vinyastAni cha yodhAnAM bahUni vividhAni cha . dadarshAyudhajAlAni tathaiva kavachAni cha .. 27..\\ pUrva.n tu dvAramAsAdya nIlo harichamUpatiH . atiShThatsaha maindena dvividena cha vIryavAn .. 28..\\ a~Ngado dakShiNadvAra.n jagrAha sumahAbalaH . R^iShabheNa gavAkSheNa gajena gavayena cha .. 29..\\ hanUmAnpashchimadvAra.n rarakSha balavAnkapiH . pramAthi praghasAbhyA.n cha vIrairanyaishcha sa~NgataH .. 30..\\ madhyame cha svaya.n gulme sugrIvaH samatiShThata . saha sarvairharishreShThaiH suparNashvasanopamaiH .. 31..\\ vAnarANA.n tu ShaTtriMshatkoTyaH prakhyAtayUthapAH . nipIDyopaniviShTAshcha sugrIvo yatra vAnaraH .. 32..\\ shAsanena tu rAmasya lakShmaNaH savibhIShaNaH . dvAre dvAre harINA.n tu koTiM koTiM nyaveshayat .. 33..\\ pashchimena tu rAmasya sugrIvaH saha jAmbavAn . adUrAnmadhyame gulme tasthau bahubalAnugaH .. 34..\\ te tu vAnarashArdUlAH shArdUlA iva daMShTriNaH . gR^ihItvA drumashailAgrAnhR^iShTA yuddhAya tasthire .. 35..\\ sarve vikR^italA~NgUlAH sarve daMShTrAnakhAyudhAH . sarve vikR^itachitrA~NgAH sarve cha vikR^itAnanAH .. 36..\\ dashanAgabalAH ke chitke chiddashaguNottarAH . ke chinnAgasahasrasya babhUvustulyavikramAH .. 37..\\ santi chaughA balAH ke chitke chichchhataguNottarAH . aprameyabalAshchAnye tatrAsanhariyUthapAH .. 38..\\ adbhutashcha vichitrashcha teShAmAsItsamAgamaH . tatra vAnarasainyAnA.n shalabhAnAmivodgamaH .. 39..\\ paripUrNamivAkAsha.n sa~nchanneva cha medinI . la~NkAmupaniviShTaishcha sampatadbhishcha vAnaraiH .. 40..\\ shata.n shatasahasrANAM pR^ithagR^ikShavanaukasAm . la~NkA dvArANyupAjagmuranye yoddhu.n samantataH .. 41..\\ AvR^itaH sa giriH sarvaistaiH samantAtplava~NgamaiH . ayutAnA.n sahasra.n cha purIM tAm abhyavartata .. 42..\\ vAnarairbalavadbhishcha babhUva drumapANibhiH . sarvataH sa.nvR^itA la~NkA duShpraveshApi vAyunA .. 43..\\ rAkShasA vismaya.n jagmuH sahasAbhinipIDitAH . vAnarairmeghasa~NkAshaiH shakratulyaparAkramaiH .. 44..\\ mahA~nshabdo.abhavattatra balaughasyAbhivartataH . sAgarasyeva bhinnasya yathA syAtsalilasvanaH .. 45..\\ tena shabdena mahatA saprAkArA satoraNA . la~NkA prachalitA sarvA sashailavanakAnanA .. 46..\\ rAmalakShmaNaguptA sA sugrIveNa cha vAhinI . babhUva durdharShatarA sarvairapi surAsuraiH .. 47..\\ rAghavaH saMniveshyaiva.n sainyaM svaM rakShasAM vadhe . saMmantrya mantribhiH sArdhaM nishchitya cha punaH punaH .. 48..\\ AnantaryamabhiprepsuH kramayogArthatattvavit . vibhIShaNasyAnumate rAjadharmamanusmaran . a~Ngada.n vAlitanayaM samAhUyedamabravIt .. 49..\\ gatvA saumya dashagrIvaM brUhi madvachanAtkape . la~NghayitvA purI.n la~NkAM bhaya.n tyaktvA gatavyathaH .. 50..\\ bhraShTashrIkagataishvaryamumUrSho naShTachetanaH . R^iShINA.n devatAnAM cha gandharvApsarasAM tathA .. 51..\\ nAgAnAmatha yakShANA.n rAGYA.n cha rajanIchara . yachcha pApa.n kR^itaM mohAdavaliptena rAkShasa .. 52..\\ nUnamadya gato darpaH svayambhU varadAnajaH . yasya daNDadharaste.aha.n dArAharaNakarshitaH . daNDa.n dhArayamANastu la~NkAdvare vyavasthitaH .. 53..\\ padavI.n devatAnAM cha maharShINAM cha rAkShasa . rAjarShINA.n cha sarveNAM gamiShyasi mayA hataH .. 54..\\ balena yena vai sItAM mAyayA rAkShasAdhama . mAmatikrAmayitvA tva.n hR^itavA.nstadvidarshaya .. 55..\\ arAkShasamima.n loka.n kartAsmi nishitaiH sharaiH . na chechchharaNamabhyeShi mAmupAdAya maithilIm .. 56..\\ dharmAtmA rakShasA.n shreShThaH samprApto.ayaM vibhIShaNaH . la~Nkaishvarya.n dhruva.n shrImAnayaM prApnotyakaNTakam .. 57..\\ na hi rAjyamadharmeNa bhoktu.n kShaNamapi tvayA . shakyaM mUrkhasahAyena pApenAvijitAtmanA .. 58..\\ yudhyasva vA dhR^iti.n kR^itvA shauryamAlambya rAkShasa . machchharaistva.n raNe shAntastataH pUto bhaviShyasi .. 59..\\ yadyAvishasi lokA.nstrInpakShibhUto manojavaH . mama chakShuShpathaM prApya na jIvanpratiyAsyasi .. 60..\\ bravImi tvA.n hitaM vAkya.n kriyatAm aurdhvadekikam . sudR^iShTA kriyatA.n la~NkA jIvita.n te mayi sthitam .. 61..\\ ityuktaH sa tu tAreyo rAmeNAkliShTakarmaNA . jagAmAkAshamAvishya mUrtimAniva havyavAT .. 62..\\ so.atipatya muhUrtena shrImAnrAvaNamandiram . dadarshAsInamavyagra.n rAvaNaM sachivaiH saha .. 63..\\ tatastasyAvidUreNa nipatya haripu~NgavaH . dIptAgnisadR^ishastasthAva~NgadaH kanakA~NgadaH .. 64..\\ tadrAmavachana.n sarvamanyUnAdhikamuttamam . sAmAtya.n shrAvayAmAsa nivedyAtmAnamAtmanA .. 65..\\ dUto.aha.n kosalendrasya rAmasyAkliShTakarmaNaH . vAliputro.a~Ngado nAma yadi te shrotramAgataH .. 66..\\ Aha tvA.n rAghavo rAmaH kausalyAnandavardhanaH . niShpatya pratiyudhyasva nR^isha.nsaM puruShAdhama .. 67..\\ hantAsmi tvA.n sahAmAtyaM saputraGYAtibAndhavam . nirudvignAstrayo lokA bhaviShyanti hate tvayi .. 68..\\ devadAnavayakShANA.n gandharvoragarakShasAm . shatrumadyoddhariShyAmi tvAmR^iShINA.n cha kaNTakam .. 69..\\ vibhIShaNasya chaishvaryaM bhaviShyati hate tvayi . na chetsatkR^itya vaidehIM praNipatya pradAsyasi .. 70..\\ ityevaM paruSha.n vAkyaM bruvANe haripu~Ngave . amarShavashamApanno nishAcharagaNeshvaraH .. 71..\\ tataH sa roShatAmrAkShaH shashAsa sachivA.nstadA . gR^ihyatAmeSha durmedhA vadhyatAmiti chAsakR^it .. 72..\\ rAvaNasya vachaH shrutvA dIptAgnisamatejasaH . jagR^ihusta.n tato ghorAshchatvAro rajanIcharAH .. 73..\\ grAhayAmAsa tAreyaH svayamAtmAnamAtmanA . bala.n darshayitu.n vIro yAtudhAnagaNe tadA .. 74..\\ sa tAnbAhudvaye saktAnAdAya patagAniva . prAsAda.n shailasa~NkAshamutpApAtA~NgadastadA .. 75..\\ te.antarikShAdvinirdhUtAstasya vegena rAkShasAH . bhumau nipatitAH sarve rAkShasendrasya pashyataH .. 76..\\ tataH prAsAdashikhara.n shailashR^i~Ngamivonnatam . tatpaphAla tadAkrAnta.n dashagrIvasya pashyataH .. 77..\\ bha~NktvA prAsAdashikharaM nAma vishrAvya chAtmanaH . vinadya sumahAnAdamutpapAta vihAyasA .. 78..\\ rAvaNastu para.n chakre krodhaM prAsAdadharShaNAt . vinAsha.n chAtmanaH pashyanniHshvAsaparamo.abhavat .. 79..\\ rAmastu bahubhirhR^iShTairninadadbhiH plava~NgamaiH . vR^ito ripuvadhAkA~NkShI yuddhAyaivAbhyavartata .. 80..\\ suSheNastu mahAvIryo girikUTopamo hariH . bahubhiH sa.nvR^itastatra vAnaraiH kAmarUpibhiH .. 81..\\ chaturdvArANi sarvANi sugrIvavachanAtkapiH . paryAkramata durdharSho nakShatrANIva chandramAH .. 82..\\ teShAmakShauhiNishata.n samavekShya vanaukasAm . la~NkAmupaniviShTAnA.n sAgara.n chAtivartatAm .. 83..\\ rAkShasA vismaya.n jagmustrAsaM jagmustathApare . apare samaroddharShAddharShamevopapedire .. 84..\\ kR^itsna.n hi kapibhirvyAptaM prAkAraparikhAntaram . dadR^ishU rAkShasA dInAH prAkAra.n vAnarIkR^itam .. 85..\\ tasminmahAbhIShaNake pravR^itte kolAhale rAkShasarAjadhAnyAm . pragR^ihya rakShA.nsi mahAyudhAni yugAntavAtA iva sa.nvicheruH .. 86..\\ ##\end{multicols}## ## \medskip\hrule\medskip The files in this directory are revised versions of the digital files produced by Professor Muneo Tokunaga, Kyoto University, and copyrighted by him. I am grateful to Professor Tokunaga for his agreement to this use of his original files and for permitting the revised versions to be made publicly available. \\ Dr J. D. Smith ; email: jds10@cam.ac.uk ; http://bombay.oriental.cam.ac.uk/index.html \medskip\hrule\medskip ITRANS conversion questions to: Avinash Chopde \medskip\hrule\medskip Last updated on \today ; Send corrections to sanskrit@cheerful.com \end{document}