\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 34
yudhyatAmeva teShA.n tu tadA vAnararakShasAm . 
ravirasta.n gato rAtriH pravR^ittA prANahAriNI .. 1..\\
anyonyaM baddhavairANA.n ghorANAM jayamichchhatAm . 
sampravR^ittaM nishAyuddha.n tadA vAraNarakShasAm .. 2..\\
rAkShaso.asIti harayo harishchAsIti rAkShasAH . 
anyonya.n samare jaghnustasmi.nstamasi dAruNe .. 3..\\
jahi dAraya chaitIti katha.n vidravasIti cha . 
eva.n sutumulaH shabdastasmi.nstamasi shushruve .. 4..\\
kAlAH kA~nchanasaMnAhAstasmi.nstamasi rAkShasAH . 
samprAdR^ishyanta shailendrA dIptauShadhivanA iva .. 5..\\
tasmi.nstamasi duShpAre rAkShasAH krodhamUrchhitAH . 
paripeturmahAvegA bhakShayantaH plava~NgamAn .. 6..\\
te hayAnkA~nchanApIDandhvajAMshchAgnishikhopamAn . 
Aplutya dashanaistIkShNairbhImakopA vyadArayan .. 7..\\
ku~njarAnku~njarArohAnpatAkAdhvajino rathAn . 
chakarShushcha dadaMshushcha dashanaiH krodhamUrchhitAH .. 8..\\
lakShmaNashchApi rAmashcha sharairAshIviShomapaiH . 
dR^ishyAdR^ishyAni rakShA.nsi pravarANi nijaghnatuH .. 9..\\
tura~Ngakhuravidhvasta.n rathanemisamuddhatam . 
rurodha karNanetrANiNyudhyatA.n dharaNIrajaH .. 10..\\
vartamAne tathA ghore sa~NgrAme lomaharShaNe . 
rudhirodA mahAvegA nadyastatra prasusruvuH .. 11..\\
tato bherImR^ida~NgAnAM paNavAnA.n cha nisvanaH . 
sha~NkhaveNusvanonmishraH sambabhUvAdbhutopamaH .. 12..\\
hatAnA.n stanamAnAnAM rAkShasAnA.n cha nisvanaH . 
shastrANA.n vAnarANA.n cha sambabhUvAtidAruNaH .. 13..\\
shastrapuShpopahArA cha tatrAsIdyuddhamedinI . 
durGYeyA durniveshA cha shoNitAsravakardamA .. 14..\\
sA babhUva nishA ghorA harirAkShasahAriNI . 
kAlarAtrIva bhUtAnA.n sarveShA.n duratikramA .. 15..\\
tataste rAkShasAstatra tasmi.nstamasi dAruNe . 
rAmamevAbhyadhAvanta sa.nhR^iShTA sharavR^iShTibhiH .. 16..\\
teShAmApatatA.n shabdaH kruddhAnAmabhigarjatAm . 
udvarta iva saptAnA.n samudrANAmabhUtsvanaH .. 17..\\
teShA.n rAmaH sharaiH ShaDbhiH ShaDjaghAna nishAcharAn . 
nimeShAntaramAtreNa shitairagnishikhopamaiH .. 18..\\
yaGYashatrushcha durdharSho mahApArshvamahodarau . 
vajradaMShTro mahAkAyastau chobhau shukasAraNau .. 19..\\
te tu rAmeNa bANaughaH sarvamarmasu tADitAH . 
yuddhAdapasR^itAstatra sAvasheShAyuSho.abhavan .. 20..\\
tataH kA~nchanachitrA~NgaiH sharairagnishikhopamaiH . 
dishashchakAra vimalAH pradishashcha mahAbalaH .. 21..\\
ye tvanye rAkShasA vIrA rAmasyAbhimukhe sthitAH . 
te.api naShTAH samAsAdya pata~NgA iva pAvakam .. 22..\\
suvarNapu~NkhairvishikhaiH sampatadbhiH sahasrashaH . 
babhUva rajanI chitrA khadyotairiva shAradI .. 23..\\
rAkShasAnA.n cha ninadairharINAM chApi garjitaiH . 
sA babhUva nishA ghorA bhUyo ghoratarA tadA .. 24..\\
tena shabdena mahatA pravR^iddhena samantataH . 
trikUTaH kandarAkIrNaH pravyAharadivAchalaH .. 25..\\
golA~NgUlA mahAkAyAstamasA tulyavarchasaH . 
sampariShvajya bAhubhyAM bhakShayanrajanIcharAn .. 26..\\
a~Ngadastu raNe shatruM nihantu.n samupasthitaH . 
rAvaNernijaghAnAshu sArathi.n cha hayAnapi .. 27..\\
indrajittu ratha.n tyaktvA hatAshvo hatasArathiH . 
a~Ngadena mahAmAyastatraivAntaradhIyata .. 28..\\
so.antardhAna gataH pApo rAvaNI raNakarkashaH . 
brahmadattavaro vIro rAvaNiH krodhamUrchhitaH . 
adR^ishyo nishitAnbANAnmumochAshanivarchasaH .. 29..\\
sa rAma.n lakShmaNa.n chaiva ghorairnAgamayaiH sharaiH . 
bibheda samare kruddhaH sarvagAtreShu rAkShasaH .. 30..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}