\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 39
ghoreNa sharabandhena baddhau dasharathAtmajau . 
nishvasantau yathA nAgau shayAnau rudhirokShitau .. 1..\\
sarve te vAnarashreShThAH sasugrIvA mahAbalAH . 
parivArya mahAtmAnau tasthuH shokapariplutAH .. 2..\\
etasminnantere rAmaH pratyabudhyata vIryavAn . 
sthiratvAtsattvayogAchcha sharaiH sandAnito.api san .. 3..\\
tato dR^iShTvA sarudhira.n viShaNNa.n gADhamarpitam . 
bhrAtara.n dInavadanaM paryadevayadAturaH .. 4..\\
kiM nu me sItayA kArya.n kiM kAryaM jIvitena vA . 
shayAna.n yo.adya pashyAmi bhrAtaraM yudhi nirjitam .. 5..\\
shakyA sItA samA nArI prAptu.n loke vichinvatA . 
na lakShmaNasamo bhrAtA sachivaH sAmparAyikaH .. 6..\\
parityakShyAmyahaM prANAnvAnarANA.n tu pashyatAm . 
yadi pa~nchatvamApannaH sumitrAnandavardhanaH .. 7..\\
kiM nu vakShyAmi kausalyAM mAtara.n kiM nu kaikayIm . 
kathamambA.n sumitrA~nca putradarshanalAlasAm .. 8..\\
vivatsA.n vepamAnA.n cha kroshantIM kurarIm iva . 
kathamAshvAsayiShyAmi yadi yAsyAmi ta.n vinA .. 9..\\
katha.n vakShyAmi shatrughnaM bharata.n cha yashasvinam . 
mayA saha vana.n yAto vinA tenAgataH punaH .. 10..\\
upAlambhaM na shakShyAmi soDhuM bata sumitrayA . 
ihaiva deha.n tyakShyAmi na hi jIvitumutsahe .. 11..\\
dhi~NmA.n duShkR^itakarmANamanArya.n yatkR^ite hyasau . 
lakShmaNaH patitaH shete sharatalpe gatAsuvat .. 12..\\
tvaM nitya.n suviShaNNaM mAmAshvAsayasi lakShmaNa . 
gatAsurnAdya shaknoShi mAmArtamabhibhAShitum .. 13..\\
yenAdya bahavo yuddhe rAkShasA nihatAH kShitau . 
tasyAmeva kShitau vIraH sa shete nihataH paraiH .. 14..\\
shayAnaH sharatalpe.asminsvashoNitapariplutaH . 
sharajAlaishchito bhAti bhAskaro.astamiva vrajan .. 15..\\
bANAbhihatamarmatvAnna shaknotyabhivIkShitum . 
rujA chAbruvato hyasya dR^iShTirAgeNa sUchyate .. 16..\\
yathaiva mA.n vanaM yAntamanuyAto mahAdyutiH . 
ahamapyanuyAsyAmi tathaivaina.n yamakShayam .. 17..\\
iShTabandhujano nityaM mA.n cha nityamanuvrataH . 
imAmadya gato.avasthAM mamAnAryasya durnayaiH .. 18..\\
suruShTenApi vIreNa lakShmaNenA na sa.nsmare . 
paruSha.n vipriyaM vApi shrAvitaM na kadA chana .. 19..\\
visasarjaikavegena pa~nchabANashatAni yaH . 
iShvastreShvadhikastasmAtkArtavIryAchcha lakShmaNaH .. 20..\\
astrairastrANi yo hanyAchchhakrasyApi mahAtmanaH . 
so.ayamurvyA.nhataH shete mahArhashayanochitaH .. 21..\\
tachcha mithyA pralaptaM mAM pradhakShyati na saMshayaH . 
yanmayA na kR^ito rAjA rAkShasAnA.n vibhIShaNaH .. 22..\\
asminmuhUrte sugrIva pratiyAtumito.arhasi . 
matvA hInaM mayA rAjanrAvaNo.abhidravedbalI .. 23..\\
a~Ngada.n tu puraskR^itya sasainyaH sasuhR^ijjanaH . 
sAgara.n tara sugrIva punastenaiva setunA .. 24..\\
kR^ita.n hanumatA kAryaM yadanyairduShkaraM raNe . 
R^ikSharAjena tuShyAmi golA~NgUlAdhipena cha .. 25..\\
a~Ngadena kR^ita.n karma maindena dvividena cha . 
yuddha.n kesariNA sa~Nkhye ghora.n sampAtinA kR^itam .. 26..\\
gavayena gavAkSheNa sharabheNa gajena cha . 
anyaishcha haribhiryuddhaM madArthe tyaktajIvitaiH .. 27..\\
na chAtikramitu.n shakya.n daivaM sugrIva mAnuShaiH . 
yattu shakya.n vayasyena suhR^idA vA parantapa . 
kR^ita.n sugrIva tatsarvaM bhavatAdharmabhIruNA .. 28..\\
mitrakArya.n kR^itamidaM bhavadbhirvAnararShabhAH . 
anuGYAtA mayA sarve yatheShTa.n gantumarhatha .. 29..\\
shushruvustasya te sarve vAnarAH paridevitam . 
vartayA.n chakrurashrUNi netraiH kR^iShNetarekShaNAH .. 30..\\
tataH sarvANyanIkAni sthApayitvA vibhIShaNaH . 
AjagAma gadApANistvarito yatra rAghavaH .. 31..\\
ta.n dR^iShTvA tvarita.n yAntaM nIlA~njanachayopamam . 
vAnarA dudruvuH sarve manyamAnAstu rAvaNim .. 32..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}