\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 4
shrutvA hanUmato vAkya.n yathAvadanupUrvashaH . 
tato.abravInmahAtejA rAmaH satyaparAkramaH .. 1..\\
yAM nivedayase la~NkAM purIM bhImasya rakShasaH . 
kShipramenA.n vadhiShyAmi satyametadbravImi te .. 2..\\
asminmuhUrte sugrIva prayANamabhirochaye . 
yukto muhUrto vijayaH prApto madhya.n divAkaraH .. 3..\\
uttarA phalgunI hyadya shvastu hastena yokShyate . 
abhiprayAma sugrIva sarvAnIkasamAvR^itAH .. 4..\\
nimittAni cha dhanyAni yAni prAdurbhavanti me . 
nihatya rAvaNa.n sItAmAnayiShyAmi jAnakIm .. 5..\\
upariShTAddhi nayana.n sphuramANamidaM mama . 
vijaya.n samanuprAptaM sha.nsatIva manoratham .. 6..\\
agre yAtu balasyAsya nIlo mArgamavekShitum . 
vR^itaH shatasahasreNa vAnarANA.n tarasvinAm .. 7..\\
phalamUlavatA nIla shItakAnanavAriNA . 
pathA madhumatA chAshu senA.n senApate naya .. 8..\\
dUShayeyurdurAtmAnaH pathi mUlaphalodakam . 
rAkShasAH parirakShethAstebhyastvaM nityamudyataH .. 9..\\
nimneShu vanadurgeShu vaneShu cha vanaukasaH . 
abhiplutyAbhipashyeyuH pareShAM nihataM balam .. 10..\\
sAgaraughanibhaM bhImamagrAnIkaM mahAbalAH . 
kapisi.nhA prakarShantu shatasho.atha sahasrashaH .. 11..\\
gajashcha girisa~NkAsho gavayashcha mahAbalaH . 
gavAkShashchAgrato yAntu gavA.n dR^iptA ivarShabhAH .. 12..\\
yAtu vAnaravAhinyA vAnaraH plavatAM patiH . 
pAlayandakShiNaM pArshvamR^iShabho vAnararShabhaH .. 13..\\
gandhahastIva durdharShastarasvI gandhamAdanaH . 
yAtu vAnaravAhinyAH savyaM pArshvamadhiShThitaH .. 14..\\
yAsyAmi balamadhye.ahaM balaughamabhiharShayan . 
adhiruhya hanUmantamairAvatamiveshvaraH .. 15..\\
a~NgadenaiSha sa.nyAtu lakShmaNashchAntakopamaH . 
sArvabhaumeNa bhUtesho draviNAdhipatiryathA .. 16..\\
jAmbavAMshcha suSheNashcha vegadarshI cha vAnaraH . 
R^ikSharAjo mahAsattvaH kukShi.n rakShantu te trayaH .. 17..\\
rAghavasya vachaH shrutvA sugrIvo vAhinIpatiH . 
vyAdidesha mahAvIryAnvAnarAnvAnararShabhaH .. 18..\\
te vAnaragaNAH sarve samutpatya yuyutsavaH . 
guhAbhyaH shikharebhyashcha Ashu pupluvire tadA .. 19..\\
tato vAnararAjena lakShmaNena cha pUjitaH . 
jagAma rAmo dharmAtmA sasainyo dakShiNA.n disham .. 20..\\
shataiH shatasahasraishcha koTIbhirayutairapi . 
vAraNAbhishcha haribhiryayau parivR^itastadA .. 21..\\
ta.n yAntamanuyAti sma mahatI harivAhinI .. 22..\\
hR^iShTAH pramuditAH sarve sugrIveNAbhipAlitAH . 
AplavantaH plavantashcha garjantashcha plava~NgamAH . 
kShvelanto ninadantashcha jagmurvai dakShiNA.n disham .. 23..\\
bhakShayantaH sugandhIni madhUni cha phalAni cha . 
udvahanto mahAvR^ikShAnma~njarIpu~njadhAriNaH .. 24..\\
anyonya.n sahasA dR^iShTA nirvahanti kShipanti cha . 
patantashchotpatantyanye pAtayantyapare parAn .. 25..\\
rAvaNo no nihantavyaH sarve cha rajanIcharAH . 
iti garjanti harayo rAghavasya samIpataH .. 26..\\
purastAdR^iShabhho vIro nIlaH kumuda eva cha . 
pathAna.n shodhayanti sma vAnarairbahubhiH saha .. 27..\\
madhye tu rAjA sugrIvo rAmo lakShmaNa eva cha . 
bahubhirbalibhirbhImairvR^itAH shatrunibarhaNaH .. 28..\\
hariH shatabalirvIraH koTIbhirdashabhirvR^itaH . 
sarvAmeko hyavaShTabhya rarakSha harivAhinIm .. 29..\\
koTIshataparIvAraH kesarI panaso gajaH . 
arkashchAtibalaH pArshvameka.n tasyAbhirakShati .. 30..\\
suSheNo jAmbavAMshchaiva R^ikShairbahubhirAvR^itaH . 
sugrIvaM purataH kR^itvA jaghana.n sa.nrarakShatuH .. 31..\\
teShA.n senApatirvIro nIlo vAnarapu~NgavaH . 
sampatanpatatA.n shreShThastadbalaM paryapAlayat .. 32..\\
darImikhaH praja~Nghashcha jambho.atha rabhasaH kapiH . 
sarvatashcha yayurvIrAstvarayantaH plava~NgamAn .. 33..\\
eva.n te harishArdUlA gachchhanto baladarpitAH . 
apashya.nste girishreShTha.n sahya.n drumalatAyutam .. 34..\\
sAgaraughanibhaM bhIma.n tadvAnarabalaM mahat . 
niHsasarpa mahAghoShaM bhImavega ivArNavaH .. 35..\\
tasya dAsharatheH pArshve shUrAste kapiku~njarAH . 
tUrNamApupluvuH sarve sadashvA iva choditAH .. 36..\\
kapibhyAmuhyamAnau tau shushubhate nararShabhau . 
mahadbhyAmiva sa.nspR^iShTau grAhAbhyA.n chandrabhAskarau .. 37..\\
tama~Ngadagato rAma.n lakShmaNaH shubhayA girA . 
uvAcha pratipUrNArthaH smR^itimAnpratibhAnavAn .. 38..\\
hR^itAmavApya vaidehI.n kShipra.n hatvA cha rAvaNam . 
samR^iddhArthaH samR^iddhArthAmayodhyAM pratiyAsyasi .. 39..\\
mahAnti cha nimittAni divi bhUmau cha rAghava . 
shubhAnti tava pashyAmi sarvANyevArthasiddhaye .. 40..\\
anu vAti shubho vAyuH senAM mR^iduhitaH sukhaH . 
pUrNavalgusvarAshcheme pravadanti mR^igadvijAH .. 41..\\
prasannAshcha dishaH sarvA vimalashcha divAkaraH . 
ushanA cha prasannArchiranu tvAM bhArgavo gataH .. 42..\\
brahmarAshirvishuddhashcha shuddhAshcha paramarShayaH . 
archiShmantaH prakAshante dhruva.n sarve pradakShiNam .. 43..\\
trisha~Nkurvimalo bhAti rAjarShiH sapurohitaH . 
pitAmahavaro.asmAkamiShkvAkUNAM mahAtmanAm .. 44..\\
vimale cha prakAshete vishAkhe nirupadrave . 
nakShatraM paramasmAkamikShvAkUNAM mahAtmanAm .. 45..\\
nairR^itaM nairR^itAnA.n cha nakShatramabhipIDyate . 
mUlaM mUlavatA spR^iShTa.n dhUpyate dhUmaketunA .. 46..\\
sara.n chaitadvinAshAya rAkShasAnAm upasthitam . 
kAle kAlagR^ihItAnAM nakatra.n grahapIDitam .. 47..\\
prasannAH surasAshchApo vanAni phalavanti cha . 
pravAntyabhyadhika.n gandhA yathartukusumA drumAH .. 48..\\
vyUDhAni kapisainyAni prakAshante.adhikaM prabho . 
devAnAmiva sainyAni sa~NgrAme tArakAmaye .. 49..\\
evamArya samIkShyaitAnprIto bhavitumarhasi . 
iti bhrAtaramAshvAsya hR^iShTaH saumitrirabravIt .. 50..\\
athAvR^itya mahI.n kR^itsnAM jagAma mahatI chamUH . 
R^ikShavAnarashArdUlairnakhadaMShTrAyudhairvR^itA .. 51..\\
karAgraishcharaNAgraishcha vAnarairuddhata.n rajaH . 
bhaumamantardadhe lokaM nivArya savituH prabhAm .. 52..\\
sA sma yAti divArAtraM mahatI harivAhinI . 
hR^iShTapramuditA senA sugrIveNAbhirakShitA .. 53..\\
vanarAstvarita.n yAnti sarve yuddhAbhinandanaH . 
mumokShayiShavaH sItAM muhUrta.n kvApi nAsata .. 54..\\
tataH pAdapasambAdhaM nAnAmR^igasamAkulam . 
sahyaparvatamAsedurmalaya.n cha mahI dharam .. 55..\\
kAnanAni vichitrANi nadIprasravaNAni cha . 
pashyannapi yayau rAmaH sahyasya malayasya cha .. 56..\\
champakA.nstilakAMshchUtAnashokAnsinduvArakAn . 
karavIrAMshcha timishAnbha~njanti sma plava~NgamAH .. 57..\\
phalAnyamR^itagandhIni mUlAni kusumAni cha . 
bubhujurvAnarAstatra pAdapAnAM balotkaTAH .. 58..\\
droNamAtrapramANAni lambamAnAni vAnarAH . 
yayuH pibanto hR^iShTAste madhUni madhupi~NgalAH .. 59..\\
pAdapAnavabha~njanto vikarShantastathA latAH . 
vidhamanto girivarAnprayayuH plavagarShabhAH .. 60..\\
vR^ikShebhyo.anye tu kapayo nardanto madhudarpitAH . 
anye vR^ikShAnprapadyante prapatantyapi chApare .. 61..\\
babhUva vasudhA taistu sampUrNA haripu~NgavaiH . 
yathA kamalakedAraiH pakvairiva vasundharA .. 62..\\
mahendramatha samprApya rAmo rAjIvalochanaH . 
adhyArohanmahAbAhuH shikhara.n drumabhUShitam .. 63..\\
tataH shikharamAruhya rAmo dasharathAtmajaH . 
kUrmamInasamAkIrNamapashyatsalilAshayam .. 64..\\
te sahya.n samatikramya malaya.n cha mahAgirim . 
AsedurAnupUrvyeNa samudraM bhImaniHsvanam .. 65..\\
avaruhya jagAmAshu velAvanamanuttamam . 
rAmo ramayatA.n shreShThaH sasugrIvaH salakShmaNaH .. 66..\\
atha dhautopalatalA.n toyaughaiH sahasotthitaiH . 
velAmAsAdya vipulA.n rAmo vachanamabravIt .. 67..\\
ete vayamanuprAptAH sugrIva varuNAlayam . 
ihedAnI.n vichintA sA yA na pUrvaM samutthitA .. 68..\\
ataH paramatIro.aya.n sAgaraH saritAM pati . 
na chAyamanupAyena shakyastaritumarNavaH .. 69..\\
tadihaiva nivesho.astu mantraH prastUyatAm iha . 
yatheda.n vAnarabalaM paraM pAramavApnuyAt .. 70..\\
itIva sa mahAbAhuH sItAharaNakarshitaH . 
rAmaH sAgaramAsAdya vAsamAGYApayattadA .. 71..\\
samprApto mantrakAlo naH sAgarasyeha la~Nghane . 
svA.n svAM senAM samutsR^ijya mA cha kash chitkuto vrajet . 
gachchhantu vAnarAH shUrA GYeya.n chhannaM bhayaM cha naH .. 72..\\
rAmasya vachana.n shrutvA sugrIvaH sahalakShmaNaH . 
senAM nyaveshayattIre sAgarasya drumAyute .. 73..\\
virarAja samIpastha.n sAgarasya tu tadbalam . 
madhupANDujalaH shrImAndvitIya iva sAgaraH .. 74..\\
velAvanamupAgamya tataste haripu~NgavAH . 
viniviShTAH paraM pAra.n kA~NkShamANA mahodadheH .. 75..\\
sA mahArNavamAsAdya hR^iShTA vAnaravAhinI . 
vAyuvegasamAdhUtaM pashyamAnA mahArNavam .. 76..\\
dUrapAramasambAdha.n rakShogaNaniShevitam . 
pashyanto varuNAvAsaM niShedurhariyUthapAH .. 77..\\
chaNDanakragraha.n ghoraM kShapAdau divasakShaye . 
chandrodaye samAdhUtaM pratichandrasamAkulam .. 78..\\
chaNDAnilamahAgrAhaiH kIrNa.n timitimi~NgilaiH . 
dIptabhogairivAkrIrNaM bhuja~NgairvaruNAlayam .. 79..\\
avagADhaM mahAsattairnAnAshailasamAkulam . 
durga.n drugamamArgaM tamagAdhamasurAlayam .. 80..\\
makarairnAgabhogaishcha vigADhA vAtalohitAH . 
utpetushcha nipetushcha pravR^iddhA jalarAshayaH .. 81..\\
agnichUrNamivAviddhaM bhAskarAmbumanoragam . 
surAriviShaya.n ghoraM pAtAlaviShama.n sadA .. 82..\\
sAgara.n chAmbaraprakhyamambara.n sAgaropamam . 
sAgara.n chAmbaraM cheti nirvisheShamadR^ishyata .. 83..\\
sampR^iktaM nabhasA hyambhaH sampR^ikta.n cha nabho.ambhasA . 
tAdR^igrUpe sma dR^ishyete tArA ratnasamAkule .. 84..\\
samutpatitameghasya vIchchi mAlAkulasya cha . 
visheSho na dvayorAsItsAgarasyAmbarasya cha .. 85..\\
anyonyairAhatAH saktAH sasvanurbhImaniHsvanAH . 
UrmayaH sindhurAjasya mahAbherya ivAhave .. 86..\\
ratnaughajalasaMnAda.n viShaktamiva vAyunA . 
utpatantamiva kruddha.n yAdogaNasamAkulam .. 87..\\
dadR^ishuste mahAtmAno vAtAhatajalAshayam . 
aniloddhUtamAkAshe pravalgatamivormibhiH . 
bhrAntormijalasaMnAdaM pralolamiva sAgaram .. 88..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}