\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 41
teShA.n sutumulaM shabdaM vAnarANA.n tarasvinAm . 
nardatA.n rAkShasaiH sArdha.n tadA shushrAva rAvaNaH .. 1..\\
snigdhagambhIranirghoSha.n shrutvA sa ninadaM bhR^isham . 
sachivAnA.n tatasteShAM madhye vachanamabravIt .. 2..\\
yathAsau samprahR^iShTAnA.n vAnarANAM samutthitaH . 
bahUnA.n sumahAnnAdo meghAnAmiva garjatAm .. 3..\\
vyakta.n sumahatI prItireteShAM nAtra saMshayaH . 
tathA hi vipulairnAdaishchukShubhe varuNAlayaH .. 4..\\
tau tu baddhau sharaistIShkNairbhrAtarau rAmalakShmaNau . 
aya.n cha sumahAnnAdaH sha~NkAM janayatIva me .. 5..\\
etattu vachana.n choktvA mantriNo rAkShaseshvaraH . 
uvAcha nairR^itA.nstatra samIpaparivartinaH .. 6..\\
GYAyatA.n tUrNametaShA.n sarveShAM vanachAriNAm . 
shokakAle samutpanne harShakAraNamutthitam .. 7..\\
tathoktAstena sambhrAntAH prAkAramadhiruhya te . 
dadR^ishuH pAlitA.n senAM sugrIveNa mahAtmanA .. 8..\\
tau cha muktau sughoreNa sharabandhena rAghavau . 
samutthitau mahAbhAgau viSheduH prekShya rAkShasAH .. 9..\\
santrastahR^idayA sarve prAkArAdavaruhya te . 
viShaNNavadanAH sarve rAkShasendramupasthitAH .. 10..\\
tadapriya.n dInamukhA rAvaNasya nishAcharAH . 
kR^itsnaM nivedayAmAsuryathAvadvAkyakovidAH .. 11..\\
yau tAvindrajitA yuddhe bhrAtarau rAmalakShmaNau . 
nibaddhau sharabandhena niShprakampabhujau kR^itau .. 12..\\
vimuktau sharabandhena tau dR^ishyete raNAjire . 
pAshAniva gajAu chittvaa gajendrasamavikramau .. 13..\\
tachchhrutvA vachana.n teShA.n rAkShasendro mahAbalaH . 
chintAshokasamAkrAnto viShaNNavadano.abravIt .. 14..\\
ghorairdattavarairbaddhau sharairAshIviShomapaiH . 
amoghaiH sUryasa~NkAshaiH pramathyendrajitA yudhi .. 15..\\
tamastrabandhamAsAdya yadi muktau ripU mama . 
saMshayasthamida.n sarvamanupashyAmyahaM balam .. 16..\\
niShphalAH khalu sa.nvR^ittAH sharA vAsukitejasaH . 
Adatta.n yaistu sa~NgrAme ripUNAM mama jIvitam .. 17..\\
evamuktvA tu sa~Nkruddho nishvasannurago yathA . 
abravIdrakShasAM madhye dhUmrAkShaM nAma rAkasaM .. 18..\\
balena mahatA yukto rakShasAM bhImakarmaNAm . 
tva.n vadhAyAbhiniryAhi rAmasya saha vAnaraiH .. 19..\\
evamuktastu dhUmrAkSho rAkShasendreNa dhImatA . 
kR^itvA praNAma.n sa.nhR^iShTo nirjagAma nR^ipAlayAt .. 20..\\
abhiniShkramya taddvAraM balAdhyakShamuvAcha ha . 
tvarayasva bala.n tUrNaM kiM chireNa yuyutsataH .. 21..\\
dhUmrAkShasya vachaH shrutvA balAdhyakSho balAnugaH . 
balamudyojayAmAsa rAvaNasyAGYayA drutam .. 22..\\
te baddhaghaNTA balino ghorarUpA nishAcharAH . 
vinardamAnAH sa.nhR^iShTA dhUmrAkShaM paryavArayan .. 23..\\
vividhAyudhahastAshcha shUlamudgarapANayaH . 
gadAbhiH paTTasairdaNDairAyasairmusalairbhR^isham .. 24..\\
parighairbhiNDipAlaishcha bhallaiH prAsaiH parashvadhaiH . 
niryayU rAkShasA ghorA nardanto jaladA yathA .. 25..\\
rathaiH kavachinastvanye dhvajaishcha samala~NkR^itaiH . 
suvarNajAlavihitaiH kharaishcha vividhAnanaiH .. 26..\\
hayaiH paramashIghraishcha gajendraishcha madotkaTaiH . 
niryayU rAkShasavyAghrA vyAghrA iva durAsadAH .. 27..\\
vR^ikasi.nhamukhairyukta.n kharaiH kanakabhUShaNaiH . 
Aruroha ratha.n divyaM dhUmrAkShaH kharanisvanaH .. 28..\\
sa niryAto mahAvIryo dhUmrAkSho rAkShasairvR^itaH . 
prahasanpashchimadvAra.n hanUmAnyatra yUthapaH .. 29..\\
prayAnta.n tu mahAghora.n rAkShasaM bhImadarshanam . 
antarikShagatAH krUrAH shakunAH pratyavArayan .. 30..\\
rathashIrShe mahAbhImo gR^idhrashcha nipapAta ha . 
dhvajAgre grathitAshchaiva nipetuH kuNapAshanAH .. 31..\\
rudhirArdro mahA~nshvetaH kabandhaH patito bhuvi . 
visvara.n chotsR^ijannAdaM dhUmrAkShasya samIpataH .. 32..\\
vavarSha rudhira.n devaH sa~ncachAla cha medinI . 
pratiloma.n vavau vAyurnirghAtasamanisvanaH . 
timiraughAvR^itAstatra dishashcha na chakAshire .. 33..\\
sa tUtpAtA.nstato dR^iShTvA rAkShasAnAM bhayAvahAn . 
prAdurbhUtAnsughorAMshcha dhUmrAkSho vyathito.abhavat .. 34..\\
tataH subhImo bahubhirnishAcharair 
vR^ito.abhiniShkramya raNotsuko balI . 
dadarsha tA.n rAghavabAhupAlitAM 
samudrakalpAM bahuvAnarI.n chamUm .. 35..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}