\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 42
dhUmrAkShaM prekShya niryAnta.n rAkShasaM bhImanisvanam . 
vinedurvAnarAH sarve prahR^iShTA yuddhakA~NkShiNaH .. 1..\\
teShA.n tu tumula.n yuddhaM sa~njaGYe harirakShasAm . 
anyonyaM pAdapairghorairnighnata.n shUlamudgaraiH .. 2..\\
rAkShasairvAnarA ghorA vinikR^ittAH samantataH . 
vAnarai rAkShasAshchApi drumairbhUmau samIkR^itAH .. 3..\\
rAkShasAshchApi sa~NkruddhA vAnarAnnishitaiH sharaiH . 
vivyadhurghorasa~NkAshaiH ka~NkapatrairajihmagaiH .. 4..\\
te gadAbhishcha bhImAbhiH paTTasaiH kUTamudgaraiH . 
ghoraishcha parighaishchitraistrishUlaishchApi saMshitaiH .. 5..\\
vidAryamANA rakShobhirvAnarAste mahAbalAH . 
amarShAjjanitoddharShAshchakruH karmANyabhItavat .. 6..\\
sharanirbhinnagAtrAste shUlanirbhinnadehinaH . 
jagR^ihuste drumA.nstatra shilAshcha hariyUthapAH .. 7..\\
te bhImavegA harayo nardamAnAstatastataH . 
mamanthU rAkShasAnbhImAnnAmAni cha babhAShire .. 8..\\
tadbabhUvAdbhuta.n ghora.n yuddhaM vAnararakShasAm . 
shilAbhirvividhAbhishcha bahushAkhaishcha pAdapaiH .. 9..\\
rAkShasA mathitAH ke chidvAnarairjitakAshibhiH . 
vavarShU rudhira.n ke chinmukhai rudhirabhojanAH .. 10..\\
pArshveShu dAritAH ke chitke chidrAshIkR^itA drumaiH . 
shilAbhishchUrNitAH ke chitke chiddantairvidAritAH .. 11..\\
dhvajairvimathitairbhagnaiH kharaishcha vinipAtitaiH . 
rathairvidhva.nsitaishchApi patitai rajanIcharaiH .. 12..\\
vAnarairbhImavikrAntairAplutyAplutya vegitaiH . 
rAkShasAH karajaistIkShNairmukheShu vinikartitAH .. 13..\\
vivarNavadanA bhUyo viprakIrNashiroruhAH . 
mUDhAH shoNitagandhena nipeturdharaNItale .. 14..\\
naye tu paramakruddhA rAkShasA bhImavikramAH . 
talairevAbhidhAvanti vajrasparshasamairharIn .. 15..\\
vanarairApatantaste vegitA vegavattaraiH . 
muShTibhishcharaNairdantaiH pAdapaishchApapothitAH .. 16..\\
sanya.n tu vidrutaM dR^iShTvA dhUmrAkSho rAkShasarShabhaH . 
krodhena kadana.n chakre vAnarANA.n yuyutsatAm .. 17..\\
prAsaiH pramathitAH ke chidvAnarAH shoNitasravAH . 
mudgarairAhatAH ke chitpatitA dharaNItale .. 18..\\
parighairmathitaH ke chidbhiNDipAlairvidAritAH . 
paTTasairAhatAH ke chidvihvalanto gatAsavaH .. 19..\\
ke chidvinihatA bhUmau rudhirArdrA vanaukasaH . 
ke chidvidrAvitA naShTAH sa~Nkruddhai rAkShasairyudhi .. 20..\\
vibhinnahR^idayAH ke chidekapArshvena shAyitAH . 
vidAritAstrashUlai cha ke chidAntrairvinisrutAH .. 21..\\
tatsubhImaM mahadyuddha.n harirAkasa sa~Nkulam . 
prababhau shastrabahula.n shilApAdapasa~Nkulam .. 22..\\
dhanurjyAtantrimadhura.n hikkAtAlasamanvitam . 
mandrastanitasa~NgIta.n yuddhagAndharvamAbabhau .. 23..\\
dhUmrAkShastu dhanuShpANirvAnarAnraNamUrdhani . 
hasanvidrAvayAmAsa dishastA~nsharavR^iShTibhiH .. 24..\\
dhUmrAkSheNArdita.n sainyaM vyathita.n dR^ishya mArutiH . 
abhyavartata sa~NkruddhaH pragR^ihya vipulA.n shilAm .. 25..\\
krodhAddviguNatAmrAkShaH pitR^itulyaparAkramaH . 
shilA.n tAM pAtayAmAsa dhUmrAkShasya rathaM prati .. 26..\\
ApatantI.n shilA.n dR^iShTvA gadAmudyamya sambhramAt . 
rathAdAplutya vegena vasudhAyA.n vyatiShThata .. 27..\\
sA pramathya ratha.n tasya nipapAta shilAbhuvi . 
sachakrakUbara.n sAshvaM sadhvajaM sasharAsanam .. 28..\\
sa bha~NktvA tu ratha.n tasya hanUmAnmArutAtmajaH . 
rakShasA.n kadanaM chakre saskandhaviTapairdrumaiH .. 29..\\
vibhinnashiraso bhUtvA rAkShasAH shoNitokShitAH . 
drumaiH pramathitAshchAnye nipeturdharaNItale .. 30..\\
vidrAvya rAkShasa.n sainyaM hanUmAnmArutAtmajaH . 
gireH shikharamAdAya dhUmrAkShamabhidudruve .. 31..\\
tamApatanta.n dhUmrAkSho gadAmudyamya vIryavAn . 
vinardamAnaH sahasA hanUmantamabhidravat .. 32..\\
tataH kruddhastu vegena gadA.n tAM bahukaNTakAm . 
pAtayAmAsa dhUmrAkSho mastake tu hanUmataH .. 33..\\
tADitaH sa tayA tatra gadayA bhImarUpayA . 
sa kapirmArutabalastaM prahAramachintayan . 
dhUmrAkShasya shiro madhye girishR^i~NgamapAtayat .. 34..\\
sa vihvalitasarvA~Ngo girishR^i~NgeNa tADitaH . 
papAta sahasA bhUmau vikIrNa iva parvataH .. 35..\\
dhUmrAkShaM nihata.n dR^iShTvA hatasheShA nishAcharAH . 
trastAH pravivishurla~NkA.n vadhyamAnAH plava~NgamaiH .. 36..\\
sa tu pavanasuto nihatya shatruM 
kShatajavahAH saritashcha sa.nvikIrya . 
ripuvadhajanitashramo mahAtmA 
mudamagamatkapibhishcha pUjyamAnaH .. 37..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}