\documentstyle[11pt,multicol,itrans]{iarticle}
#include=ijag.inc
#endwordvowel=.h
\portraitpage
\parindent=0pt                % no indents
\let\usedvng=\normaldvng      % \Largedvng	
\pagestyle{headings} 
\begin{document}
#indian
\centerline{\hugedvng .. vaalmiiki raamaayaNa..}\medskip
##\setcounter{section}{5}##
##\begin{center}##
\section{yuddhakaaNDa}
##\end{center}##
\medskip
 47
tasminhate rAkShasasainyapAle 
plava~NgamAnAmR^iShabheNa yuddhe . 
bhImAyudha.n sAgaratulyavegaM 
pradudruve rAkShasarAjasainyam .. 1..\\
gatvA tu rakSho.adhipateH shasha.nsuH 
senApatiM pAvakasUnushastam . 
tachchApi teShA.n vachanaM nishamya 
rakSho.adhipaH krodhavasha.n jagAma .. 2..\\
sa~Nkhye prahastaM nihataM nishamya 
shokArditaH krodhaparItachetAH . 
uvAcha tAnnairR^itayodhamukhyAn 
indro yathA chAmarayodhamukhyAn .. 3..\\
nAvaGYA ripave kAryA yairindrabalasUdanaH . 
sUditaH sainyapAlo me sAnuyAtraH saku~njaraH .. 4..\\
so.aha.n ripuvinAshAya vijayAyAvichArayan . 
svayameva gamiShyAmi raNashIrSha.n tadadbhutam .. 5..\\
adya tadvAnarAnIka.n rAma.n cha sahalakShmaNam . 
nirdahiShyAmi bANaughairvana.n dIptairivAgnibhiH .. 6..\\
sa evamuktvA jvalanaprakAshaM 
ratha.n tura~NgottamarAjiyuktam . 
prakAshamAna.n vapuShA jvalantaM 
samArurohAmararAjashatruH .. 7..\\
sa sha~NkhabherIpaTaha praNAdair 
AsphoTitakShveDitasi.nhanAdaiH . 
puNyaiH stavaishchApyabhipUjyamAnas 
tadA yayau rAkShasarAjamukhyaH .. 8..\\
sa shailajImUtanikAsha rUpair 
mA.nsAshanaiH pAvakadIptanetraiH . 
babhau vR^ito rAkShasarAjamukhyair 
bhUtairvR^ito rudra ivAmareshaH .. 9..\\
tato nagaryAH sahasA mahaujA 
niShkramya tadvAnarasainyamugram . 
mahArNavAbhrastanita.n dadarsha 
samudyataM pAdapashailahastam .. 10..\\
tadrAkShasAnIkamatiprachaNDam 
Alokya rAmo bhujagendrabAhuH . 
vibhIShaNa.n shastrabhR^itAM variShTham 
uvAcha senAnugataH pR^ithushrIH .. 11..\\
nAnApatAkAdhvajashastrajuShTaM 
prAsAsishUlAyudhachakrajuShTam . 
sainyaM nagendropamanAgajuShTaM 
kasyedamakShobhyamabhIrujuShTam .. 12..\\
tatastu rAmasya nishamya vAkyaM 
vibhIShaNaH shakrasamAnavIryaH . 
shasha.nsa rAmasya balapravekaM 
mahAtmanA.n rAkShasapu~NgavAnAm .. 13..\\
yo.asau gajaskandhagato mahAtmA 
navoditArkopamatAmravaktraH . 
prakampayannAgashiro.abhyupaiti hy 
akampana.n tvenamavehi rAjan .. 14..\\
yo.asau rathastho mR^igarAjaketur 
dhUnvandhanuH shakradhanuHprakAsham . 
karIva bhAtyugravivR^ittadaMShTraH 
sa indrajinnAma varapradhAnaH .. 15..\\
yashchaiSha vindhyAstamahendrakalpo 
dhanvI rathastho.atiratho.ativIryaH . 
visphArayaMshchApamatulyamAnaM 
nAmnAtikAyo.ativivR^iddhakAyaH .. 16..\\
yo.asau navArkoditatAmrachakShur 
Aruhya ghaNTAninadapraNAdam . 
gaja.n kharaM garjati vai mahAtmA 
mahodaro nAma sa eSha vIraH .. 17..\\
yo.asau haya.n kA~nchanachitrabhANDam 
Aruhya sandhyAbhragiriprakAsham . 
prAsa.n samudyamya marIchinaddhaM 
pishAcha eShAshanitulyavegaH .. 18..\\
yashchaiSha shUlaM nishitaM pragR^ihya 
vidyutprabha.n ki~Nkaravajravegam . 
vR^iShendramAsthAya giriprakAsham 
AyAti so.asau trishirA yashasvI .. 19..\\
asau cha jImUtanikAsha rUpaH 
kumbhaH pR^ithuvyUDhasujAtavakShAH . 
samAhitaH pannagarAjaketur 
visphArayanbhAti dhanurvidhUnvan .. 20..\\
yashchaiSha jAmbUnadavajrajuShTaM 
dIpta.n sadhUmaM parighaM pragR^ihya . 
AyAti rakShobalaketubhUtaH 
so.asau nikumbho.adbhutaghorakarmA .. 21..\\
yashchaiSha chApAsisharaughajuShTaM 
patAkinaM pAvakadIptarUpam . 
ratha.n samAsthAya vibhAtyudagro 
narAntako.asau nagashR^i~NgayodhI .. 22..\\
yashchaiSha nAnAvidhaghorarUpair 
vyAghroShTranAgendramR^igendravaktraiH . 
bhUtairvR^ito bhAti vivR^ittanetraiH 
so.asau surANAmapi darpahantA .. 23..\\
yatraitadindupratima.n vibhAtich 
chhattra.n sitaM sUkShmashalAkamagryam . 
atraiSha rakSho.adhipatirmahAtmA 
bhUtairvR^ito rudra ivAvabhAti .. 24..\\
asau kirITI chalakuNDalAsyo 
nAgendravindhyopamabhImakAyaH . 
mahendravaivasvatadarpahantA 
rakSho.adhipaH sUrya ivAvabhAti .. 25..\\
pratyuvAcha tato rAmo vibhIShaNamarindamam . 
aho dIpto mahAtejA rAvaNo rAkShaseshvaraH .. 26..\\
Aditya iva duShprekShyo rashmibhirbhAti rAvaNaH . 
suvyakta.n lakShaye hyasya rUpa.n tejaHsamAvR^itam .. 27..\\
devadAnavavIrANA.n vapurnaiva.nvidhaM bhavet . 
yAdR^isha.n rAkShasendrasya vapuretatprakAshate .. 28..\\
sarve parvatasa~NkAshAH sarve parvatayodhinaH . 
sarve dIptAyudhadharA yodhashchAsya mahaujasaH .. 29..\\
bhAti rAkShasarAjo.asau pradIptairbhImavikramaiH . 
bhUtaiH parivR^itastIkShNairdehavadbhirivAntakaH .. 30..\\
evamuktvA tato rAmo dhanurAdAya vIryavAn . 
lakShmaNAnucharastasthau samuddhR^itya sharottamam .. 31..\\
tataH sa rakSho.adhipatirmahAtmA 
rakShA.nsi tAnyAha mahAbalAni . 
dvAreShu charyAgR^ihagopureShu 
sunirvR^itAstiShThata nirvisha~NkAH .. 32..\\
visarjayitvA sahasA tatastAn 
gateShu rakShaHsu yathAniyogam . 
vyadArayadvAnarasAgaraughaM 
mahAjhaShaH pUrmamivArNavaugham .. 33..\\
tamApatanta.n sahasA samIkShya 
dIpteShuchApa.n yudhi rAkShasendram . 
mahatsamutpATya mahIdharAgraM 
dudrAva rakSho.adhipati.n harIshaH .. 34..\\
tachchhailashR^i~NgaM bahuvR^ikShasAnuM 
pragR^ihya chikShepa nishAcharAya . 
tamApatanta.n sahasA samIkShya 
bibheda bANaistapanIyapu~NkhaiH .. 35..\\
tasminpravR^iddhottamasAnuvR^ikShe 
shR^i~Nge vikIrNe patite pR^ithivyAm . 
mahAhikalpa.n sharamantakAbhaM 
samAdade rAkShasalokanAthaH .. 36..\\
sa ta.n gR^ihItvAnilatulyavegaM 
savisphuli~NgajvalanaprakAsham . 
bANaM mahendrAshanitulyavegaM 
chikShepa sugrIvavadhAya ruShTaH .. 37..\\
sa sAyako rAvaNabAhumuktaH 
shakrAshaniprakhyavapuH shitAgraH . 
sugrIvamAsAdya bibheda vegAd 
guheritA krauchamivograshaktiH .. 38..\\
sa sAyakArto viparItachetAH 
kUjanpR^ithivyAM nipapAta vIraH . 
taM prekShya bhUmau patita.n visa~njmaM 
neduH prahR^iShTA yudhi yAtudhAnAH .. 39..\\
tato gavAkSho gavayaH sudaMShTras 
tatharShabho jyotimukho nalash cha . 
shailAnsamudyamya vivR^iddhakAyAH 
pradudruvustaM prati rAkShasendram .. 40..\\
teShAM prahArAnsa chakAra meghAn 
rakSho.adhipo bANagaNaiH shitAgraiH . 
tAnvAnarendrAnapi bANajAlair 
bibheda jAmbUnadachitrapu~NkhaiH .. 41..\\
te vAnarendrAstridashAribANair 
bhinnA nipeturbhuvi bhImarUpAH . 
tatastu tadvAnarasainyamugraM 
prachchhAdayAmAsa sa bANajAlaiH .. 42..\\
te vadhyamAnAH patitAgryavIrA 
nAnadyamAnA bhayashalyaviddhAH . 
shAkhAmR^igA rAvaNasAyakArtA 
jagmuH sharaNya.n sharaNaM sma rAmam .. 43..\\
tato mahAtmA sa dhanurdhanuShmAn 
AdAya rAmaH saharA jagAma . 
ta.n lakShmaNaH prA~njalirabhyupetya 
uvAcha vAkyaM paramArthayuktam .. 44..\\
kAmamAryaH suparyApto vadhAyAsya durAtmanaH . 
vidhamiShyAmyahaM nIchamanujAnIhi mA.n vibho .. 45..\\
tamabravInmahAtejA rAmaH satyaparAkramaH . 
gachchha yatnaparashchApi bhava lakShmaNa sa.nyuge .. 46..\\
rAvaNo hi mahAvIryo raNe.adbhutaparAkramaH . 
trailokyenApi sa~Nkruddho duShprasahyo na saMshayaH .. 47..\\
tasya chchhidrANi mArgasva svachchhidrANi cha gopaya . 
chakShuShA dhanuShA yatnAdrakShAtmAna.n samAhitaH .. 48..\\
rAghavasya vachaH shrutvA sampariShvajya pUjya cha . 
abhivAdya tato rAma.n yayau saumitrirAhavam .. 49..\\
sa rAvaNa.n vAraNahastabAhur 
dadarsha dIptodyatabhImachApam . 
prachchhAdayanta.n sharavR^iShTijAlais 
tAnvAnarAnbhinnavikIrNadehAn .. 50..\\
tamAlokya mahAtejA hanUmAnmArutAtmajA . 
nivArya sharajAlAni pradudrAva sa rAvaNam .. 51..\\
ratha.n tasya samAsAdya bhujamudyamya dakShiNam . 
trAsayanrAvaNa.n dhImAnhanUmAnvAkyamabravIt .. 52..\\
devadAnavagandharvA yakShAshcha saha rAkShasaiH . 
avadhyatvAttvayA bhagnA vAnarebhyastu te bhayam .. 53..\\
eSha me dakShiNo bAhuH pa~nchashAkhaH samudyataH . 
vidhamiShyati te dehAdbhUtAtmAna.n chiroShitam .. 54..\\
shrutvA hanUmato vAkya.n rAvaNo bhImavikramaH . 
sa.nraktanayanaH krodhAdida.n vachanamabravIt .. 55..\\
kShipraM prahara niHsha~Nka.n sthirA.n kIrtimavApnuhi . 
tatastvA.n GYAtivikrAntaM nAshayiShyAmi vAnara .. 56..\\
rAvaNasya vachaH shrutvA vAyusUnurvacho.abravIt . 
prahR^ita.n hi mayA pUrvamakShaM smara suta.n tava .. 57..\\
evamukto mahAtejA rAvaNo rAkShaseshvaraH . 
AjaghAnAnilasuta.n talenorasi vIryavAn .. 58..\\
sa talAbhihatastena chachAla cha muhurmuhuH . 
AjaghAnAbhisa~NkruddhastalenaivAmaradviSham .. 59..\\
tatastalenAbhihato vAnareNa mahAtmanA . 
dashagrIvaH samAdhUto yathA bhUmichale.achalaH .. 60..\\
sa~NgrAme ta.n tathA dR^iShTva rAvaNaM talatADitam . 
R^iShayo vAnarAH siddhA nedurdevAH sahAsurAH .. 61..\\
athAshvasya mahAtejA rAvaNo vAkyamabravIt . 
sAdhu vAnaravIryeNa shlAghanIyo.asi me ripuH .. 62..\\
rAvaNenaivamuktastu mArutirvAkyamabravIt . 
dhigastu mama vIrya.n tu yattvaM jIvasi rAvaNa .. 63..\\
sakR^ittu praharedAnI.n durbuddhe ki.n vikatthase . 
tatastvAM mAmako muShTirnayiShyAmi yathAkShayam . 
tato mArutivAkyena krodhastasya tadAjvalat .. 64..\\
sa.nraktanayano yatnAnmuShTimudyamya dakShiNam . 
pAtayAmAsa vegena vAnarorasi vIryavAn . 
hanUmAnvakShasi vyUdhe sa~ncachAla hataH punaH .. 65..\\
vihvala.n taM tadA dR^iShTvA hanUmantaM mahAbalam . 
rathenAtirathaH shIghraM nIlaM prati samabhyagAt .. 66..\\
pannagapratimairbhImaiH paramarmAtibhedibhiH . 
sharairAdIpayAmAsa nIla.n harichamUpatim .. 67..\\
sa sharaughasamAyasto nIlaH kapichamUpatiH . 
kareNaikena shailAgra.n rakSho.adhipataye.asR^ijat .. 68..\\
hanUmAnapi tejasvI samAshvasto mahAmanAH . 
viprekShamANo yuddhepsuH saroShamidamabravIt .. 69..\\
nIlena saha sa.nyukta.n rAvaNaM rAkShaseshvaram . 
anyena yudhyamAnasya na yuktamabhidhAvanam .. 70..\\
rAvaNo.api mahAtejAstachchhR^i~Nga.n saptabhiH sharaiH . 
AjaghAna sutIkShNAgraistadvikIrNaM papAta ha .. 71..\\
tadvikIrNa.n gireH shR^i~NgaM dR^iShTvA harichamUpatiH . 
kAlAgniriva jajvAla krodhena paravIrahA .. 72..\\
so.ashvakarNAndhavAnsAlAMshchUtAMshchApi supuShpitAn . 
anyAMshcha vividhAnvR^ikShAnnIlashchikShepa sa.nyuge .. 73..\\
sa tAnvR^ikShAnsamAsAdya pratichichchheda rAvaNaH . 
abhyavarShatsughoreNa sharavarSheNa pAvakim .. 74..\\
abhivR^iShTaH sharaugheNa megheneva mahAchalaH . 
hrasva.n kR^itvA tadA rUpaM dhvajAgre nipapAta ha .. 75..\\
pAvakAtmajamAlokya dhvajAgre samavasthitam . 
jajvAla rAvaNaH krodhAttato nIlo nanAda ha .. 76..\\
dhvajAgre dhanuShashchAgre kirITAgre cha ta.n harim . 
lakShmaNo.atha hanUmAMshcha dR^iShTvA rAmashcha vismitAH .. 77..\\
rAvaNo.api mahAtejAH kapilAghavavismitaH . 
astramAhArayAmAsa dIptamAgneyamadbhutam .. 78..\\
tataste chukrushurhR^iShTA labdhalakShyAH plava~NgamAH . 
nIlalAghavasambhrAnta.n dR^iShTvA rAvaNamAhave .. 79..\\
vAnarANA.n cha nAdena sa.nrabdho rAvaNastadA . 
sambhramAviShTahR^idayo na ki.n chitpratyapadyata .. 80..\\
AgneyenAtha sa.nyukta.n gR^ihItvA rAvaNaH sharam . 
dhvajashIrShasthitaM nIlamudaikShata nishAcharaH .. 81..\\
tato.abravInmahAtejA rAvaNo rAkShaseshvaraH . 
kape lAghavayukto.asi mAyayA parayAnayA .. 82..\\
jIvita.n khalu rakShasva yadi shaknoShi vAnara . 
tAni tAnyAtmarUpANi sR^ijase tvamanekashaH .. 83..\\
tathApi tvAM mayA muktaH sAyako.astraprayojitaH . 
jIvitaM parirakShanta.n jIvitAdbhraMshayiShyati .. 84..\\
evamuktvA mahAbAhU rAvaNo rAkShaseshvaraH . 
sandhAya bANamastreNa chamUpatimatADayat .. 85..\\
so.astrayuktena bANena nIlo vakShasi tADitaH . 
nirdahyamAnaH sahasA nipapAta mahItale .. 86..\\
pitR^imAhAtmya sa.nyogAdAtmanashchApi tejasA . 
jAnubhyAmapatadbhUmau na cha prANairvyayujyata .. 87..\\
visa.nj~na.n vAnara.n dR^iShTvA dashagrIvo raNotsukaH . 
rathenAmbudanAdena saumitrimabhidudruve .. 88..\\
tamAha saumitriradInasattvo 
visphArayanta.n dhanuraprameyam . 
anvehi mAmeva nishAcharendra 
na vAnarA.nstvaM prati yoddhumarhasi .. 89..\\
sa tasya vAkyaM paripUrNaghoShaM 
jyAshabdamugra.n cha nishamya rAjA . 
AsAdya saumitrimavasthita.n taM 
kopAnvita.n vAkyamuvAcha rakShaH .. 90..\\
diShTyAsi me rAghava dR^iShTimArgaM 
prApto.antagAmI viparItabuddhiH . 
asminkShaNe yAsyasi mR^ityudeshaM 
sa.nsAdyamAno mama bANajAlaiH .. 91..\\
tamAha saumitriravismayAno 
garjantamudvR^ittasitAgradaMShTram . 
rAjanna garjanti mahAprabhAvA 
vikatthase pApakR^itA.n variShTha .. 92..\\
jAnAmi vIrya.n tava rAkShasendra 
balaM pratApa.n cha parAkramaM cha . 
avasthito.aha.n sharachApapANir 
Agachchha kiM moghavikatthanena .. 93..\\
sa evamuktaH kupitaH sasarja 
rakSho.adhipaH saptasharAnsupu~NkhAn . 
tA.NllakShmaNaH kA~nchanachitrapu~Nkhaish 
chichchheda bANairnishitAgradhAraiH .. 94..\\
tAnprekShamANaH sahasA nikR^ittAn 
nikR^ittabhogAniva pannagendrAn . 
la~NkeshvaraH krodhavasha.n jagAma 
sasarja chAnyAnnishitAnpR^iShatkAn .. 95..\\
sa bANavarSha.n tu vavarSha tIvraM 
rAmAnujaH kArmukasamprayuktam . 
kShurArdhachandrottamakarNibhallaiH 
sharAMshcha chichchheda na chukShubhe cha .. 96..\\
sa lakShmaNashchAshu sharA~nshitAgrAn 
mahendravajrAshanitulyavegAn . 
sandhAya chApe jvalanaprakAshAn 
sasarja rakSho.adhipatervadhAya .. 97..\\
sa tAnprachichchheda hi rAkShasendrash 
chhittvA cha tA.NllakShmaNamAjaghAna . 
shareNa kAlAgnisamaprabheNa 
svayambhudattena lalATadeshe .. 98..\\
sa lakShmaNo rAvaNasAyakArtash 
chachAla chApa.n shithilaM pragR^ihya . 
punashcha sa.nj~nAM pratilabhya kR^ichchhrAch 
chichchheda chApa.n tridashendrashatroH .. 99..\\
nikR^ittachApa.n tribhirAjaghAna 
bANaistadA dAsharathiH shitAgraiH . 
sa sAyakArto vichachAla rAjA 
kR^ichchhrAchcha sa.nj~nAM punarAsasAda .. 100..\\
sa kR^ittachApaH sharatADitash cha 
svedArdragAtro rudhirAvasiktaH . 
jagrAha shakti.n samudagrashaktiH 
svayambhudattA.n yudhi devashatruH .. 101..\\
sa tA.n vidhUmAnalasaMnikAshAM 
vitrAsanI.n vAnaravAhinInAm . 
chikShepa shakti.n tarasA jvalantIM 
saumitraye rAkShasarAShTranAthaH .. 102..\\
tAmApatantIM bharatAnujo.astrair 
jaghAna bANaishcha hutAgnikalpaiH . 
tathApi sA tasya vivesha shaktir 
bhujAntara.n dAsharathervishAlam .. 103..\\
shaktyA brAmyA tu saumitristADitastu stanAntare . 
viShNorachintya.n svaM bhAgamAtmAnaM pratyanusmarat .. 104..\\
tato dAnavadarpaghna.n saumitri.n devakaNTakaH . 
taM pIDayitvA bAhubhyAmaprabhurla~Nghane.abhavat .. 105..\\
himavAnmandaro merustrailokya.n vA sahAmaraiH . 
shakyaM bhujAbhyAmuddhartuM na sa~Nkhye bharatAnujaH .. 106..\\
athaina.n vaiShNavaM bhAgaM mAnuSha.n dehamAsthitam . 
visa.nj~na.n lakShmaNa.n dR^iShTvA rAvaNo vismito.abhavat .. 107..\\
atha vAyusutaH kruddho rAvaNa.n samabhidravat . 
AjaghAnorasi kruddho vajrakalpena muShTinA .. 108..\\
tena muShTiprahAreNa rAvaNo rAkShaseshvaraH . 
jAnubhyAmapatadbhUmau chachAla cha papAta cha .. 109..\\
visa.nj~na.n rAvaNa.n dR^iShTvA samare bhImavikramam . 
R^iShayo vAnarAshchaiva nedurdevAH savAsavAH .. 110..\\
hanUmAnapi tejasvI lakShmaNa.n rAvaNArditam . 
anayadrAghavAbhyAshaM bAhubhyAM parigR^ihya tam .. 111..\\
vAyusUnoH suhR^ittvena bhaktyA paramayA cha saH . 
shatrUNAmaprakampyo.api laghutvamagamatkapeH .. 112..\\
ta.n samutsR^ijya sA shaktiH saumitriM yudhi durjayam . 
rAvaNasya rathe tasminsthAnaM punarupAgamat .. 113..\\
rAvaNo.api mahAtejAH prApya sa.nj~nAM mahAhave . 
Adade nishitAnbANA~njagrAha cha mahaddhanuH .. 114..\\
Ashvastashcha vishalyashcha lakShmaNaH shatrusUdanaH . 
viShNorbhAgamamImA.nsyamAtmAnaM pratyanusmaran .. 115..\\
nipAtitamahAvIrA.n vAnarANAM mahAchamUm . 
rAghavastu raNe dR^iShTvA rAvaNa.n samabhidravat .. 116..\\
athainamupasa~Ngamya hanUmAnvAkyamabravIt . 
mama pR^iShTha.n samAruhya rakShasaM shAstumarhasi .. 117..\\
tachchhrutvA rAghavo vAkya.n vAyuputreNa bhAShitam . 
ArohatsahasA shUro hanUmantaM mahAkapim . 
rathastha.n rAvaNaM sa~Nkhye dadarsha manujAdhipaH .. 118..\\
tamAlokya mahAtejAH pradudrAva sa rAghavaH . 
vairochanamiva kruddho viShNurabhyudyatAyudhaH .. 119..\\
jyAshabdamakarottIvra.n vajraniShpeShanisvanam . 
girA gambhIrayA rAmo rAkShasendramuvAcha ha .. 120..\\
tiShTha tiShTha mama tva.n hi kR^itvA vipriyamIdR^isham . 
kva nu rAkShasashArdUla gato mokShamavApsyasi .. 121..\\
yadIndravaivasvata bhAskarAnvA 
svayambhuvaishvAnarasha~NkarAnvA . 
gamiShyasi tva.n dasha vA disho vA 
tathApi me nAdya gato vimokShyase .. 122..\\
yashchaiSha shaktyAbhihatastvayAdya 
ichchhanviShAda.n sahasAbhyupetaH . 
sa eSha rakShogaNarAja mR^ityuH 
saputradArasya tavAdya yuddhe .. 123..\\
rAghavasya vachaH shrutvA rAkShasendro mahAkapim . 
AjaghAna sharaistIkShNaiH kAlAnalashikhopamaiH .. 124..\\
rAkShasenAhave tasya tADitasyApi sAyakaiH . 
svabhAvatejoyuktasya bhUyastejo vyavardhata .. 125..\\
tato rAmo mahAtejA rAvaNena kR^itavraNam . 
dR^iShTvA plavagashArdUla.n krodhasya vashameyivAn .. 126..\\
tasyAbhisa~Nkramya ratha.n sachakraM 
sAshvadhvajachchhatramahApatAkam . 
sasArathi.n sAshanishUlakhaDgaM 
rAmaH prachichchheda sharaiH supu~NkhaiH .. 127..\\
athendrashatru.n tarasA jaghAna 
bANena vajrAshanisaMnibhena . 
bhujAntare vyUDhasujAtarUpe 
vajreNa meruM bhagavAnivendraH .. 128..\\
yo vajrapAtAshanisaMnipAtAn 
na chukShubhe nApi chachAla rAjA . 
sa rAmabANAbhihato bhR^ishArtash 
chachAla chApa.n cha mumocha vIraH .. 129..\\
ta.n vihvalantaM prasamIkShya rAmaH 
samAdade dIptamathArdhachandram . 
tenArkavarNa.n sahasA kirITaM 
chichchheda rakSho.adhipatermahAtmAH .. 130..\\
taM nirviShAshIviShasaMnikAshaM 
shAntArchiSha.n sUryamivAprakAsham . 
gatashriya.n kR^ittakirITakUTam 
uvAcha rAmo yudhi rAkShasendram .. 131..\\
kR^ita.n tvayA karma mahatsubhImaM 
hatapravIrashcha kR^itastvayAham . 
tasmAtparishrAnta iti vyavasya 
na tva.n sharairmR^ityuvashaM nayAmi .. 132..\\
sa evamukto hatadarpaharSho 
nikR^ittachApaH sa hatAshvasUtaH . 
sharArditaH kR^ittamahAkirITo 
vivesha la~NkA.n sahasA sma rAjA .. 133..\\
tasminpraviShTe rajanIcharendre 
mahAbale dAnavadevashatrau . 
harInvishalyAnsahalakShmaNena 
chakAra rAmaH paramAhavAgre .. 134..\\
tasminprabhagne tridashendrashatrau 
surAsurA bhUtagaNA dishash cha . 
sasAgarAH sarShimahoragAsh cha 
tathaiva bhUmyambucharAshcha hR^iShTAH .. 135..\\
##\end{multicols}##
##
\medskip\hrule\medskip
The files in this directory are revised versions of the         
digital files produced by Professor Muneo Tokunaga, Kyoto       
University, and copyrighted by him. I am grateful to Professor  
Tokunaga for his agreement to this use of his original files    
and for permitting the revised versions to be made publicly     
available.   \\                                                   
Dr J. D. Smith ;                            
email: jds10@cam.ac.uk  ; 
http://bombay.oriental.cam.ac.uk/index.html                     
\medskip\hrule\medskip
ITRANS conversion questions to: Avinash Chopde <avinash@acm.org>
\medskip\hrule\medskip
Last updated on \today ; Send corrections to sanskrit@cheerful.com
\end{document}